Bu gün bizdə yaşananlar bir neçə il əvvəl Türkiyədə də yaşanıb

“Klanlar yaradacaqsınız, dövlət orqanlarına inamsızlıq yaradacaqsınız, prezidentlərə qədər çıxacaqsınız, nazirlərlə görüşəcəksiniz və siyasilərə təzyiqlər edəcəksiniz.

Əsas məqsəd güc strukturları və orduya nüfuz etməkdir. Bizim əsas fəaliyyətimiz hörümçək səbriylə tor qurmaq və həmən o tora düşəcək adamların olduğunu gözləməkdir”.

Bu sözlər FETÖ terror qruplaşmasının rəhbəri Fətullah Gülənə məxsusdur.

FETÖ terror qruplaşması fəaliyyətinə 60-cı illərin sonunda başlayıb və əsas məqsədi dövləti daxildən ələ keçirmək olub. Tez bir zamanda məşhurlaşan FETÖ “SIZINTI” jurnalı dərc etməyə başlayıb. Qruplaşmanın üzvlərinə mesajlarını həmən jurnal vasitəsilə ötürüb.

Əsas devizləri isə mühafizəkarlıq və sekulyar islam olub. Yəni, mülayim islam.

Əsas fəaliyyətlərini təşkil etdikləri bölgələr isə Türkiyə, Azərbaycan, Mərkəzi Asiya və Şimalı Afrika ölkələri olub.

Bu bölgələrdə məktəblər yaradaraq yüksək səviyyəli təhsil proqramı ilə çıxış edərək rəğbət qazanmağı bacarıblar. İnsanlar axın-axın öz övladlarını Gülən məktəblərinə təhvil veriblər. Fətullahçılar isə özlərinə lazım olan kadrları həmən məktəblərdən seçərək hazırlayıblar.

90-cı illərin sonlarında Türkiyə dövləti başa düşməyə başlayır ki, dövlət içində dövlət yaradılıb. Buna başqa adla paralel dövlət də deyilir. 1999-cu ildə “Telekulaq” əməliyyatı isə ölkədə böyük səs-küyə və ajiotaja səbəb olur. Ölkənin bir çox yüksək vəzifəli məmurları və ordu mənsubları kimlərsə tərəfindən qanunsuz olaraq dinlənilirmiş. Bundan da əlavə, əməliyyatlar nəticəsində bir çox məmurların gizli çəkilmiş porno və özəl kasetləri ələ keçirilib. Yəni, özəl həyatlar gizli çəkilərək şantaj obyekti kimi istifadə olunurmuş.

Bu əməliyyatların keçiriləcəyindən duyuq düşən Fətullah Gülən xəstəliyini bəhanə edərək, Amerikaya müalicə adı ilə mühacirətə gedir və orada Pensilvaniya ştatında yerləşir.

Amma artıq gec idi. FETÖ dövlətin içinə sızmışdı və kifayət qədər əlində maliyyə cəmləməyi bacarmışdı. 2004-cü ilin rəqəmlərinə görə, təxminən 50 milyard dollardan artıq vəsait FETÖ-nün sərəncamında idi.

Ötən yazımızda “Tərtər işində” FETÖ-nün əsas rol oynadığını iddia etmişdik və bir çox nümunələr ilə bunu əsaslandırmağa çalışmışdıq. Çox təəssüflər olsun ki, iddiaların hər birinə reaksiyalar gəlsə də, heç biri içtimai müzakirələrə çıxarılmadı və içtimai reaksiyalar verilmədi. Bu isə əvvəlcədən gözlənilən və bilinən idi. Çünki dövlətin və içtimai siyasi sektorun içinə sızmış FETÖ-çülərə belə müzakirələrin aparılması sərf etmir və iddiaları görməzdən gəlirlər, bəziləri isə məsələlərin üzərinə getməkdən qorxurlar. Olsun, bu gün bizdə yaşananlar bir neçə il əvvəl Türkiyədə də yaşanıb. Dövlət çevrilişinə cəhddən sonra isə sanki hər kəs ayıldı və FETÖçülərə qarşı mübarizəyə başladı.

Azərbaycanda 30 ildən artıq bir müddətdir ki, belə bir fikir formalaşdırılmağa çalışılır və insanların şüuruna yeridilir ki, bizim başımıza nə bəlalar gəlirsə, erməni-rus-fars triosundan gəlir. Bu xəstə təbliğata isə əks arqumentlər söyləyənlər tərbiyəsizcəsinə və həyasızcasına linç edilir, təhqirlərə məruz qalır və agent damğası ilə ləkələnir.

Mən Rusiyanın, İranın və Ermənistanın bizə qarşı təxribatlarının olmadığını iddia etmirəm, belə bir fikirdə də deyiləm. Amma və lakin bunlardan başqa da ölkədə təxribatçı güclərin olduğu fikrindəyəm və bu iddialarımı əsaslandırmağa çalışıram.

Biz nəticə əldə etmək istəyiriksə, həqiqətlərin gözünə dik və alnı açıq baxmalıyıq.

Bizim içtimai siyasi sektorda olanların dünyagörüşlərinin və biliklərinin aşağı səviyyədə olması bəzi məsələlərə bilərəkdən və ya bilməyərəkdən ötəri münasibət bildirməklə məhdudlaşır. Bu da cəmiyyəti doğru istiqamətə irəliləməkdən məhrum edir. Həqiqətlərin gizlədilməsi isə bizi inkişaf etməkdən məhrum edir.

İndi isə qayıdaq Tərtərə.

Tərtərdə baş verən əsrin cinayətinin içtimai müzakirələri zamanında belə bir qənaətə gəlinib ki, Azərbaycan ordusuna qarşı təxribatlara 2005-2006-2007-ci illərdən başlanılıb. Bu nəticələrin ortaya çıxması isə təbii ki, araşdırmalar və şahid ifadələrindən sonra gəlinən qənaətlərdir.

Türkiyə tarixinə qara ləkə kimi düşən Ergenekon əməliyyatı 12 iyun 2007-ci ildən başlayaraq həyata keçirilib.

Həm Azərbaycan, həm də Türkiyə ordusuna qarşı əməliyyatların təxminən eyni illərdə başlaması təsadüfi hesab edilə bilməz.

Ergenekon hadisəsində həbs olunan zabitlərdən birinin məhkəmədə dediyi fikirləri sizə təqdim edirik.

Hasan Atilla Uğur:

“Mən bütün həyatımı türk millətinə, türk dövlətinə həsr etmiş bir türk zabitiyəm, ancaq mən heç bir zaman başımı əymədim, heç bir şəkildə dik duruşumu dəyişdirmədim. Burada yaşananların komediya olduğunu da bilirik. Bunu açıqca demək istəyirəm ki, Ergenekon deyilən cinayət işi Türkiyə cümhuriyyətini çökdürmək niyyəti ilə məlum güclər tərəfindən, Fətullahçılar tərəfindən quraşdırılmış bir cinayət işidir. Ona görə də sizin verəcəyiniz hökmün mənim üçün heç bir qiyməti yoxdur”.

Bu fikirləri eşitmisiniz sanki, doğrumu? Tanış sözlərdir.

Bundan əlavə sizə terror və təhlükəsizlik eksperti olan Abdullah Ağarın fikirlərini təqdim etdikdən sonra məqaləmiz davam edəcək.

FETÖ-nün əsas fəaliyyət istiqamətləri dinlər və məzhəblər arası qarşıdurma yaratmaq, iqtisadiyyatın əsas qollarına nəzarət etmək və qeyri-müəyyənlik yaratmaq.

FETÖ dəyişik kimliklər üzərindən fəaliyyətini davam etdirir.

Əsas məqsədləri Xaos yaratmaqdır.

Gördüyünüz kimi, əsas fəaliyyət istiqamətlərindən biri də iqtisadiyyata təsir edə biləcək mövqelərə yerləşməkdən ibarət olub.

Yaddaşınızı təzələmək üçün yaxın tarixdə baş verən hadisələrə nəzər salmaq istəyirəm.

2015-ci ilin fevral ayında baş verən devalvasiya Azərbaycan insanına böyük bir zərbə vurdu desək, yanılmarıq, bundan əlavə isə ölkəmizin bank sistemi iflic vəziyyətinə düşdü. İtirən isə xalqımız və dövlətimiz oldu. Bunlardan da əlavə isə daha ciddi bir məqam ondan ibarətdir ki, devalvasiyadan bir neçə gün öncə prezident Əliyev Azərbaycan manatının güclü olması haqqında çıxış etmişdi. Həmən çıxışdan bir neçə gün sonra isə develvasiyanın baş tutması prezidenti sabotaj etməkdən başqa bir şey deyildi. Çünki bir neçə gün ərzində nə xarici şirkətlər Azərbaycana gəlmişdi, nə də ki əhali gedib kütləvi surətdə pullarını dəyişmişdi. Bu iqtisadi terror hadisəsinin əsas məqsədi isə prezidenti nüfuzdan salmağa və sabotaj etməyə hesablanmış əməliyyat idi.

Daha sonra oktyabr ayında MTN-də böyük bir əməliyyat keçirildi, nazirliyin bir çox vəzifəli şəxsləri həbs olundu və sonra nazirlik ümumiyyətlə ləğv olundu.

Daha sonra əməliyyatlar Rabitə Nazirliyində də davam etdirildi, yenə də bir çox yüksək vəzifəli şəxslər həbs olundu və nazirlik ləğv olundu.

2015-ci ilin sonlarında isə dövlətə və xalqa vurulan daha bir zərbənin üstü Azərbaycan Beynəlxalq Bankında keçirilən əməliyyatdan sonra açıldı. Məlum oldu ki, Beynəlxaq Bankdan təxminən 10 milyarddan çox pul oğurlanıb. Bu isə ölkə iqtisadiyyatının şah damarını kəsməyə bərabər bir əməliyyat idi. Üzərindən 8 ilə yaxın vaxt keçməsinə baxmayaraq, hələ də vurulmuş yaralar sağalmayıb.

Həbs olunanların bir çoxunun qısa bir müddət ərzində həbsdən azad olunması da FETÖ-çülərin qızıl qaydalarına sadiq qaldıqlarının nümunəsi idi. ”Öz sıralarımızdan olan heç kəsi qurban vermək olmaz” prinsipinə sadiqlik nümayiş etdirirlər.

Bu mexanizm ilə Türkiyədə də eyni qayda ilə uzun illər işləyiblər.

Şərq-Qərb Araşdırmalar Mərkəzinin sədri Ərəstun Oruclu bir çox çıxışlarında dəfələrlə vurğulayıb ki, “Tərtər cinayəti” Azərbaycana qarşı aparılan hibrid müharibənin elementlərindən biridir. Bu faktlar isə Ərəstun bəyin fikirlərinin nə dərəcədə doğru olduğunun bariz nümunəsidir. İstər orduya qarşı aparılan əməliyyatlar olsun, istər iqtisadiyyatımıza qarşı aparılan əməliyyatlar olsun, bunlar hamısı böyük bir əməliyyatın komponentləridir. Təbii ki, cinayətlər ordu və bank sistemi ilə yekunlaşmır. Digər sahələrdə də terror əsdirilir. O mövzulara isə “FETÖ AZƏRBAYCANDA” filmində baxacaqsınız.

Ərəstun bəyin fikirlərini təqdim etdikdən sonra məqaləmiz davam edəcək:

“Tərtər qətliamı” Azərbaycan dövlətinin mövcudluğunu aradan qaldırmağa yönəlmiş ağır dövləti cinayətdir və bu cinayət xarici dövlətlərin kəşfiyyat orqanları tərəfindən hazırlanıb. Azərbaycandakı casus şəbəkəsi vasitəsilə həyata keçirilib. Cinayətin bütün detalları yüksək səviyyədə hazırlanıb və hər şey nəzərə alınıb, içtimai rəyin yönləndirilməsindən tutmuş, məhkəmə, prokurorluq, təhlükəsizlik, daxili işlər orqanlarının, icra hakimiyyəti orqanlarının və nəhayət ali icra hakimiyyətində yerləşdirilmiş konversasiya olunmuş şəxslərində bu işə cəlb olunması ilə bir başa həyata keçirilib”.

Ərəstun bəyin çıxışında 2 ifadəni əvəzləyəndən sonra yazını yenidən oxusaq, bu çıxışların plagiat olduğu qənaətinə gələrik. “Tərtər qətliamı” sözünü “Ergenekon”, “Azərbaycan” sözünü isə “Türkiyə Cümhuriyyəti” sözü ilə əvəzləsək, belə çıxışların başda Ərdoğan olmaq üzərə bir çox yüksək vəzifəli Türkiyəli şəxslər tərəfindən deyildiyinin şahidi ola bilərsiz.

Sizcə bu qədər oxşarlıqlar təsadüfdürmi ?

Ərəstun bəy plagiatlıqla məşğuldur, yoxsa, proseslər eyni mərkəzdən idarə olunub? Burada məsələ tək Ərəstun bəydən getmir. Zərərçəkən hərbçilərin ifadələri də eynilə bir-birinə bənzəyir. Zərərçəkənlərin ailələrinin də verdiyi açıqlamalar eynidir desək, yanılmarıq.

Türkiyənin Bağdaddakı səfirliyinin hərbi atteşesi olan polkovnik İlham Akanın ifadəsini olduğu kimi diqqətinizə çatdırırıq:

“Bizim qarşımızı kəsirlər, bunu başa düşdük, amma bu qədər namussuzluq olarmı? Bizim uşaqlarımız var, bizim namusumuzu ləkələyirlər, minlərlə insanımız, ləyaqətli vətəndaşlarımız dövlətə inamını itirdi, küsdü getdi və bir daha geri gəlmədilər”.

Ergenekon hadisəsinin üstü açılandan və FETÖ-çülərə qarşı əməliyyatlardan sonra Türkiyə mətbuatında bir çox müzakirələr keçirildi və FETÖ-çülərin digər cinayətlərinin də üstü açıldı. Bu hadisələrə qədər isə onlar haqqında danışanlar və yazanlar onların cinayətlərini araşdırmağa cəhd göstərən bir çox araşdırmaçı jurnalistlər həbs olunub, işlədikləri agentliklərdən qovulub və yaxud da öldürülüb.

Bu gün Azərbaycanda da siyasi həbslərin arxasında FETÖ-çülərin olduğu qənaətindəyəm. Bəzi dairələr içtimai şüura yeritməyə çalışır ki, sanki həbsləri Rusiyanın “5-ci kolonu” həyata keçirir. Azərbaycan kanallarında, saytlarında, qəzetlərində isə 7-dən 77-yə hər kəs Rusiyanı söyür, təhqir edir və heç bir təzyiqlərə məruz qalmır. Əgər Rusiyaya qarşı danışmaq qadağandırsa, bu qədər adam necə rahatlıqla Rusiyaya qarşı danışa bilir ? Təbii ki, FETÖ yenə maskalanır və etdiyi cinayətləri başqa ölkələrin üzərinə atmaqla içtimai rəyi manipulyasiya etməyi bacarır.

Bu gün Azərbaycan içtimai rəyini intelektual dələduzlar təyin edir desək, yanılmış olmarıq. İstər TV kanallar vasitəsilə,  istərsə də sosial media hesabları ilə ictimai rəy yalnış yönə istiqamətləndirilir. Buna qarşı müqavimət göstərməyə cəhd edənlər isə cəzalandırılaraq həbs olunur.

FETÖ-çülərin qızıl qaydalarından biri də maskalanmaqdır, iz azdırmaqdır. Bunu unutmaq olmaz.

Türkiyədə də dəfələrlə FETÖ-çülərə qarşı əməliyyatlar zamanı onlar maskalanaraq özlərindən olmayanları hədəfə gətirərək həbs etdiriblər. Bunun ən məşhur nümunəsi isə azərbaycanlı iş adamı Mübariz Mənsimovu xatırlatmaq olar. FETÖ-nün Türkiyə qanadı onun FETÖ-çülərlə əlaqəli olduğunu içtimai rəyə yedirtməyə çalışırdı, Azərbaycandakı qanadı isə Mənsimovun ermənilərlə iş birliyində olduğunu tirajlayırdı. Adamı nüfuzdan salaraq ləkələməyə çalışırdılar. Bu metodlardan isə Türkiyədə kifayət qədər istifadə olunub.

Hərbi prokuror Xanlar Vəliyevin Türkiyə telekanallarında təbliğatının aparılmasını da təsadüfi hesab etmirəm. Həmən terrrorçu çətənin Türkiyə qanadı da Xanlar Vəliyevi qorumaqla məşğuldur.

Daha bir məlumatı nəzərinizə çatdırmaq istəyirəm.

Bildiyiniz kimi, işgəncələrdə əsas rolu “Dəniz Pişikləri” deyilən birlik oynayıb və işgəncələr onların vasitəsilə verilib. SAS və SAT adlandırılan “dəniz pişikləri” isə Xəzər dənizinin təhlükəsizliyini artırmaq üçün Azərbaycanda ABŞ Mərkəzi komandanlığı və digər ABŞ dövlət qurumlarının fəaliyyətlərini əlaqələndirmək üçün nəzərdə tutulmuş çərçivə proqramıdır. Təşəbbüs Xəzər regionunda terrorizm, nüvə silahlarının yayılması, narkotik və digər transmilli təhdidlərin qarşısının alınması və lazım gəldikdə onlara cavab vermək imkanlarını təkmilləşdirməkdə kömək edir. Amerika Birləşmiş Ştatlarının Avropa Komandanlığı Azərbaycandakı bütün əməliyyatlara cavabdehdir.

Fikrimcə, düşünmə qabiliyyəti olanlar üçün əlavə şərhə ehtiyac yoxdur.

30 ildir bizim başımızı qarışdırıb Rusiya, İranı və Ermənistanı söydürənlər zəhmət çəkib bizə qarşı hibrid müharibəsi aparanların cinayətləri haqqında da içtimaiyyətə məlumat versinlər. Təbii ki, əgər cəsarətləri varsa.

Yalançı xoxanla mübarizə aparmaqdansa, həqiqi əjdaha ilə döyüşməyi daha cəsarətli, ləyaqətli və faydalı hesab edirəm.

Ardı olacaq..... 

İlqar

GundemXeber.Az