Ölməmişdən 3 gün əvvəl , özü bilmədən çəkiliş olub və Babayeva çox məsələrin üstünü açıb

gundemxeber.az İki gün öncə İstanbulda “Medicana İnternational İstanbul Hospital”da vəfat edən Azərbaycan Beynəlxalq Universitetinin keçmiş rektoru Elşad Abdullayevin İnternetdə yaydığı qalmaqallı videoçarxlardakı fiqurantlardan biri olan Sevinc Babayeva bu xəstəxanaya başqa adla daxil olub. Bu barədə Azərbaycan Baş Prokurorluğunun mətbuat xidmətinin məlumatında deyilir.
Xəstəxanadan verilən ilkin məlumatlara görə, Babayeva xəstəxanaya başqa ad və soyadla daxil olub və ürək çatışmazlığından vəfat edib. Ekspertiza aparılması məqsədilə Azərbaycan Baş Prokurorluğunun və XİN-nin əməkdaşları Türkiyəyə ezam olunub. Araşdırmanın, həmçinin ekspertizanın nəticələri haqqında ictimaiyyətə əlavə məlumat veriləcək. Məlumatda xatırladılır ki, Bakı Prokurorluğu tərəfindən tədqiq edilən 178.3.2 (külli miqdarda ziyan vurmaqla fırıldaqçılıq) maddəsi ilə iş üzrə Babayeva barəsində axtarış elan olunmuşdu.
Sevinc Babayevanın dünyasını dəyişdiyi “Medicana İnternational İstanbul Hastanesi” də rəsmi açıqlama yayıb. Xəstəxanadan daxil olan açıqlamada bildirilir: “26.12.2012 tarixində 112 (təcili yardım) vasitəsilə Əsənyurt Dövlət Xəstəxanasının Təcili Yardım Servisinə gətirilən 39 yaşındakı Məryəm Solmaza burada CPR (ürək masajı, şok və s.) üsulları tətbiq edilib, lakin buna rəğmən xəstənin reanimasiyaya ehtiyac duyması səbəbiylə o, 112 vasitəsilə xəstəxanamıza göndərilib.
Xəstə xəstəxanamızın reanimasiya şöbəsinə qəbul edilib, süni tənəffüs cihazına qoşulub, bütün yaşam funksiyaları monitorda izlənib, ürəyinin çalışmasında yetərsizlik müəyyən edildikdən sonra ona lazımi dərmanlar verilib. Xəstənin bu əsnada bütün hematoloji və biokimyəvi analizlərinə baxılıb, tomoqrafiyasının nəticələri dəyərləndirilib. Edilən müdaxilələrə reaksiya verməyən xəstənin saat 18.21-də ürəyi dayanıb, CPR tədbirləri ilə 4 dəqiqə sonra ürək təkrar normal ritminə dönüb. Saat 18.30-da xəstənin ürəyi yenidən dayanıb, CPR tədbirləri nəticəsində 10 dəqiqə sonra bir daha çalışmağa başlayıb. Lakin saat 18.45-də xəstənin ürəyi təkrar dayanıb, bütün müdaxilələrə rəğmən, saat 19.15-də xəstənin həyati funksiyaları dayanıb və o, vəfat edib.
Xəstə Əsənyurt Dövlət Xəstəxanasında şübhəli şəxs qismində qəbul edildiyi üçün Cümhuriyyət Baş Prokurorluğu ölümlə bağlı meyitin üzərində müayinə aparılmasına qərar verib”.
Yayılan başqa bir məlumata görə, Sevinc Babayevanın aradan götürüləcəyi şübhəsiz idi. S.Babayevaya yaxın mənbələr bildiriblər ki, ona uzun müddətdən sonra bütün orqanları iflic edən zəhər verilib. Çünki Sevinci ölkədən qaçıranlar onun danışmasını istəyirdilər. Qarşı tərəfə isə onun susmağı lazım idi və susdurdular. Məlumata görə, Sevinc ölməmişdən 3 gün əvvəl, özü bilmədən çəkiliş olub və Babayeva çox məsələrin üstün açıb. Bu kaset qalır və adamlar Sevincin öldürüləcəyini və necə aradan götürüləcyini biliblər. Son video İstanbulun Laləli adlanan ərazisində, Sevincin təxminən 10 il əvvəl kömək etdiyi bir qadının vasitəsi ilə qeydə alınıb.

“Siyasət şöbəsi”