Hörmətli Hacıbala müəllim!

Nizami rayon Məhkəməsinin 01 iyul 2014-cü il tarixli hökmü ilə Cinayət Məcəlləsinin 221.1-ci maddəsi ilə (Xuliqanlıq) cinayət məsuliyyətinə cəlb edilmiş Həmidova Tamara Əliyevna (Əli qızı) 2010-cu ildə Bakı şəhər İcra Hakimiyyətinə müraciət edərək 826 kv. m torpaq sahəsinin ona icarəyə verilməsini xahiş edib. Lakin, Bakı şəhər İcra Hakimiyyəti tərəfindən müraciət cavablandırılmadığından Tamara Həmidova Bakı şəhəri, Çobanzadə küçəsi, 45 ünvanında yerləşən, lisenziya əsasında fəaliyyət göstərən İ.Ağayev tərəfindən tərtib olunmuş plan-sxemə əsasən mövcud vəziyyətdə faktiki istifadəsində olan 826.2 kv. m. torpaq sahəsinin ona icarəyə verilməsi vəzifəsinin Bakı şəhər İcra Hakimiyyətinin üzərinə qoyulması tələbinə dair Səbail rayon Məhkəməsində iddia qaldırıb.

Səbail rayon Məhkəməsinin 12 iyul 2010-cu il tarixli 2(009)-2298/2010 saylı qətnaməsi ilə iddia təmin edilib. Məhz bu qətnamə qüvvəyə mindikdən sonra Bakı şəhər İcra Hakimiyyəti Bakı şəhəri, Çobanzadə küçəsi, 45 ünvanında yerləşən 826.2 kv. m. əslində isə faktiki olaraq 598 kv.m. torpaq sahəsinin icarəyə verilməsinə dair Tamara Həmidova ilə 20 avqust 2010-cu il tarixli, 0912 saylı icarə müqaviləsi bağlayıb.

“Buxar” KM Səbail rayon Məhkəməsinin 12 iyul 2010-cu il tarixli 2(009)-2298/2010 saylı qətnaməsindən apellyasiya şikayəti verib. Bakı Apellyasiya Məhkəməsinin Mülki Kollegiyasının 05 dekabr 2010-cu il tarixli, 2(103)-5693/2012 saylı qərardadı ilə Səbail rayon Məhkəməsinin 12 iyul 2010-cu il tarixli 2(009)-2298/2010 saylı qətnaməsi ləğv edilib.

Həmin qərardaddan Tamara Həmidovanın verdiyi kassasiya şikayəti Ali Məhkəmənin 18 mart 2013-cü il tarixli 2(102)-832//13 saylı qərarı ilə təmin edilməyib.

“Buxar” KM Səbail rayon Məhkəməsinin 12 iyul 2010-cu il tarixli 2(009)-2298/2010 saylı qətnaməsinin icrasının geriyə dönüş edilməsi barədə Bakı Apellyasiya Məhkəməsinə müraciət edib. Bakı Apellyasiya Məhkəməsinin Mülki Kollegiyasının 21 avqust 2014-cü il tarixli 2(103)-5693/2012 saylı qərardadı ilə “Buxar” KM-in ərizəsinin təmin edilməsi, Səbail rayon Məhkəməsinin 12 iyul 2010-cu il tarixli 2(009)-2298/2010 saylı qətnaməsinin icrasına dönüş edilməsi və həmin qətnamə əsasında Bakı şəhər İcra Hakimiyyəti ilə Həmidov Cəlal Əli oğlu arasında bağlanmış 20.08.2010-cu il tarixli 091 saylı torpaq sahəsinin icarəyə verilməsi haqqında müqaviləsinin ləğv edilməsi qət edilib.

Tamara Həmidova və Bakı şəhər İcra Hakimiyyəti Bakı Apellyasiya Məhkəməsinin Mülki Kollegiyasının 21 avqust 2014-cü il tarixli 2(103)-5693/2012 saylı qərardadından kassasiya şikayəti verib. Ali Məhkəmənin Mülki Kollegiyasının 13 noyabr 2014-cü il tarixli 2(102)-4357/2014 saylı qərarı ilə kassasiya şikayətlərinin təmin edilməsi, Bakı Apellyasiya Məhkəməsinin Mülki Kollegiyasının 21 avqust 2014-cü il tarixli 2(103)-5693/2012 saylı qərardadının ləğv edilməsi və Buxar” KM-in Səbail rayon

Məhkəməsinin 12 iyul 2010-cu il tarixli 2(009)-2298/2010 saylı qətnaməsinin icrasına dönüş edilməsi barədə ərizəsi təmin edilməyib.

Ali Məhkəmənin Mülki Kollegiyasının 13 noyabr 2014-cü il tarixli 2(102)-4357/2014 saylı qərarının 6-cı səhifəsinin, 6-cı abzasında qeyd edilib:

“Yuxarıda qeyd olunanlara əsasən, məhkəmə kollegiyası hesab edir ki, 20.08.2010-cu il tarixli, 0912 saylı icarə müqaviləsi Bakı şəhəri Səbail rayon Məhkəməsinin 12 iyul 2010-cu il tarixli, 2(009)-2298/2010 saylı qətnaməsi qəbul edildikdən sonra bağlansa da, özü sərbəst xarakter daşıyır, hazırki məhkəmə mübahisəsinin predmeti ola bilməz”.

Hesab edirik ki, Azərbaycan Respublikası Ali Məhkəməsinin Mülki Kollegiyasının qüvvədə olan 13 noyabr 2014-cü il tarixli 2(102)-4357/2014 saylı qərarı ilə 20.08.2010-cu il tarixli, 0912 saylı icarə müqaviləsi qətnamənin icrası məqsədilə deyil, sərbəst xarakterli müqavilə hesab edildiyindən aşağıdakılara görə icarə müqaviləsi qanunsuz olduğundan ləğv edilməlidir:

İcarəyə verilmiş torpaq sahəsi yalnız hərrac və müsabiqə yolu ilə verilə bilərdi:

Azərbaycan Respublikası Prezidentinin 23 oktyabr 2003-cü il tarixli 972 nömrəli Fərmanı ilə təsdiq edilmiş “Dövlət və bələdiyyə mülkiyyətində olan torpaqların mülkiyyət və icarəyə verilməsi ilə bağlı torpaq müsabiqələrinin və hərraclarının keçirilməsi qaydaları”-nın 3-cü bəndinə görə Azərbaycan Respublikası ərazisində dövlət torpaqlarının (özəlləşdirilən dövlət müəssisə və obyektlərinin yerləşdiyi torpaq sahələri istisna olmaqla) torpaq müsabiqələri və ya hərracları vasitəsilə mülkiyyətə və icarəyə verilməsi müvafiq rayon (şəhər) icra hakimiyyəti orqanlarının qərarı ilə həyata keçirilir.

Göründüyü kimi qeyd edilən torpaq sahəsi yalnız hərrac və müsabiqə yolu ilə icarəyə verilməli olduğu halda Bakı şəhər İcra Hakimiyyəti heç

bir əsas olmadan, qanunsuz olaraq torpaq sahəsini müsabiqə və hərracdan kənar Həmidov Cəlal Əli oğlunun icarəsinə verib.

Qeyd edilən icarə müqaviləsi ilə “Buxar” KM-in mülkiyyətində olan torpaq sahəsinin bir hissəsi də qanunsuz olaraq Cəlal Həmidovun deyure icarəsinə verilib:

Nizami rayon Polis İdarəsi tərəfindən Həmidov Cəlal Əli oğlunun və Həmidova Tamara Əliyevnanın (Əli qızı) barəsində Cinayət Məcəlləsinin 222-1.1-ci maddəsi ilə cinayət işi açılıb. Cinayət işinin istintaqı zamanı müxtəlif səlahiyyətli dövlət orqanlarından əldə edilmiş mötəbər sübutlarla təsdiq edilmişdir ki, həqiqətən həm 105 kv.m. torpaq sahəsinin Həmidov Cəlal Əli oğlunun mülkiyyətinə verilməsi ilə, həm də Bakı şəhər İcra Hakimiyyəti ilə Həmidov Cəlal Əli oğlu arasında bağlanmış icarə müqaviləsi ilə “Buxar” KM-in mülkiyyətində olan torpaq sahəsinin bir hissəsi, yəni, müəssisəyə yeganə giriş-çıxışı təmin edən ərazi də Cəlal Həmidovun mülkiyyətinə və icarəsinə verilib. Bununla da Bakı şəhər İcra Hakimiyyəti qanunsuz olaraq “Buxar” KM-in mülkiyyətində olan torpaq sahəsinin bir hissəsini Cəlal Həmidovun icarəsinə verməklə “Buxar” KM-in mülkiyyət hüququnu pozmuşdur.

Diametri 800, 1000, 1200, 1400 mm olan dörd magistral su kəmərlərinin mühafizə zonasında yerləşən torpaq sahəsinin icarəyə verilməsinin qanunsuzluğu:

Həmidov Cəlal Əli oğlunun icarəsinə verilən torpaq sahəsindən diametri 800, 1000, 1200, 1400 mm olan dörd magistral su kəmərləri keçir. Belə ki, Azərbaycan Respublikası “Azərsu” ASC-nin Nizami rayon Sukanal İdarəsinin Nizami rayon Polis İdarəsinə göndərdiyi məktubda da həmin ərazidən magistral su kəmərlərinin keçdiyi bildirilmiş, bu faktı təsdiq

edən akt və magsitral boruların yerləşmə sxemi Nizami rayon Polis İdarəsinə göndərilmişdir.

Torpaq Məcəlləsinin 62-ci maddəsinə əsasən elektrik, rabitə, nəqliyyat xətləri və sənaye müəssisələrinin sanitariya-mühafizə zonaları altındakı torpaq sahələri onların mülkiyyətçilərinin və istifadəçilərinin razılığı ilə yalnız bostan və tərəvəz becərilməsi, habelə örüş və ot çalımı məqsədləri üçün qısamüddətli istifadəyə və icarəyə verilə bilər.

Lakin, Bakı şəhər İcra Hakimiyyəti Torpaq Məcəlləsinin qeyd olunan maddəsini də pozaraq magistral su kəmərlərinin mühafizə zonasında yerləşən torpaq sahəsini uzun müddətə, yəni 49 il müddətə və fərdi yaşayış evinin tikintisi məqsədilə Həmidov Cəlal Əli oğlunun icarəsinə verib.

Bundan başqa, Nizami rayon Məhkəməsinin 17 yanvar 2013-cü il tarixli 2(007)-37/2013 saylı qətnaməsi ilə “Azərsu” ASC-nin Həmidov Cəlal Əli oğluna və digərlərinə qarşı iddiası qismən, Həmidov Cəlal Əli oğlu və Həmidova Tamara Əli qızı (Əliyevna) tərəfindən Bakı şəhərini içməli su ilə təchiz edən magistral su kəmərlərinin yanında və sanitar mühafizə zonasında, yəni, Bakı şəhəri, Nizami rayonu, Çobanzadə küçəsi 30C ünvanında inşa edilmiş tikililər, o cümlədən, ümumi sahəsi 105 kv.m. fərdi yaşayış evinin sökülməsi qət edilib. Həmidov Cəlal Əli oğlunun həmin qətnamədən verdiyi apellyasiya və kassasiya şikayətləri təmin edilməyib və Azərbaycan Respublikasının Ali Məhkəməsinin Mülki Kollegiyasının 08 oktyabr 2014-cü il tarixli 2(102)-2910/2014 saylı qərarı ilə Nizami rayon Məhkəməsinin 17 yanvar 2013-cü il tarixli 2(007)-37/2013 saylı qətnaməsi dəyişdirilmədən saxlanılıb. Nizami rayon Məhkəməsinin 17 yanvar 2013-cü il tarixli 2(007)-37/2013 saylı qətnaməsi icraya yönəldilərək Nizami rayon İcra Şöbəsi tərəfindən 15 yanvar 2015-ci il tarixindən Həmidov Cəlal Əli oğlu və Həmidova

Tamara Əli qızı (Əliyevna) tərəfindən Bakı şəhəri, Nizami rayonu, Çobanzadə küçəsi 30C ünvanında həm 105 kv.m., həm də 826.2 kv.m.ş torpaq sahəsində inşa edilmiş bütün tikililər sökülərək qətnaməninin icrası təmin edilmişdir.

Həmçinin, 2 saylı Bakı İnzibati-İqtisadi Məhkəməsinin 15 yanvar 2015-ci il tarixli 2-1(82)-635/2015 saylı qərarı ilə “Azərsu” ASC-nin Nizami Bələdiyyəsinə, Bakı şəhər İcra Hakimiyyətinə, Həmidov Cəlal Əli oğluna və digərlərinə qarşı iddiası qismən təmin edilmiş və Nizami Bələdiyyəsinin torpağın mülkiyyətə verilməsinə dair 26 sentyabr 2003-cü il tarixli qərarı etibarsız hesab edilmişdir.

Göründüyü kimi, qüvvədə olan məhkəmə qərarları ilə magistral su kəmərlərinin üzərində və mühafizə zonasında yerləşən torpaq sahələrinə qeyri-müəyyən şəkildə mülkiyyət və istifadə hüquqi əldə edən, həmin ərazidə tikililər inşa edən Həmidov Cəlal Əli oğlunun bu əməlləri qanunsuz hesab edilmişdir.

Yuxarıda qeyd edilənləri rəhbər tutaraq, Bakı şəhəri, Çobanzadə küçəsi, 45 ünvanında yerləşən 826.2 kv.m. (əslində isə faktiki olaraq 598 kv.m.) torpaq sahəsinin icarəyə verilməsinə dair 20 avqust 2010-cu il tarixli, 0912 saylı icarə müqaviləsinin ləğv edilməsi üçün zəruri tədbirlər görməyinizi Sizdən xahiş edirik.

Qoşma:

1. Azərbaycan Respublikasının Ali Məhkəməsinin Mülki Kollegiyasının 13 noyabr 2014-cü il tarixli 2(102)-4357/2014 saylı qərarı;

2. 2 saylı Bakı İnzibati-İqtisadi Məhkəməsinin 15 yanvar 2015-ci il tarixli 2-1(82)-635/2015 saylı qərarı;

3. Azərbaycan Respublikası “Azərsu” ASC-nin Nizami rayon Sukanal İdarəsinin Nizami rayon Polis İdarəsinə göndərdiyi məktub, məktuba əlavə edilmiş akt və magsitral boruların yerləşmə sxemi;

4. Nizami rayon Məhkəməsinin 17 yanvar 2013-cü il tarixli 2(007)-37/2013 saylı qətnaməsi;

5. Azərbaycan Respublikasının Ali Məhkəməsinin Mülki Kollegiyasının 08 oktyabr 2014-cü il tarixli 2(102)-2910/2014 saylı qərarı.

“Buxar” KM-in direktoru: Oktay Əliyev