Vergilər naziri ilə qohum olmağı hədəfləyən “Kapitalbank”ın filial müdiri haqda şok iddialar

Və yaxud «Polad Ələmdarı» olduğunu addımbaşı göstərməyə çalışan Sakit Zahidov iri kapitalı hansı mənbələrdən əldə edib?

«Kapitalbank»ın Saatlı filialının müdiri Sakit Zahidov haqqında «Gündəm Xəbər»ə maraqlı məlumatlar daxil olub.



Bank sektorundan verilən məlumata görə, vergilər naziri Fazil Məmmədovun tələbə yoldaşı olduğunu deyən və bununla qürurlanaraq, qarşısında çıxanları məşhur «Qurdlar vadisi» teleserialının baş qəhrəmanı Polad Ələmdar kimi hədələyən Sakit Zahidov elə bu yolla böyük kapital sahibinə çevrilib:

«Sakit Zahidov artıq əyalət milyonçusu səviyyəsində olmadığını göstərmək üçün hər məclisdə vergilər naziri Fazil Məmmədovla dostluğundan, hətta yaxın aylarda onunla qohum olacağından danışır. Sanki bu adam hörmətli nazirin adını qabartmaqla, kimlərəsə mesaj vermək istəyir. Bununla nəyi və hansı vəzifəni hədəflədiyini bilmirik. Ancaq bildiyimiz odur ki, Sakit Zahidov «Kapitalbank»ın rəhbər şəxslərinində adından sui-istifadə edərək, onların kölgəsi altında gizlənməklə məkrli planlarını gizlədir. Bununla çoxlarının hörmət-

izzətini zərbə altında qoyduğunun fərqinə də (bəlkə də varır, amma iştaah geniş olduğundan vaz keçə bilmir) varmayan Sakit Zahidovun bu oyunu çox getməz. Açılanda isə o, təkcə rayonda sahib olduğu və müxtəlif şəxslərə icarəyə verdiyi obyektlərini deyil, həm də Bakıda sahib olduğu daşınmaz əmlaklardan məhrum olacaq. Necə ki, indi dövlətdən oğurlayaraq özlərinə komfort həyat tərzi yaradanlar, özlərini yaxınbir ay əvvələ qədər hakimi-mütləq sayanlar, buna görə “qan qusdurulur». Yəni dövlətin pulunu əyri yollarla mənimsəyənlərin gec-tez sahib olduqları əllərindən çıxır. Belə görünür ki, eyni aqibət gec-tez Sakit Zahidovu da gözləyəcək. Ondan təkcə rayonda sahib olduğu və ailə üzvlərinin adına sənədləşdirilən obyektlərə necə sahib olduğunu soruşan olsa, bu, bəs edəcək ki, yolu istintaqdan keçsin”.

Sakit Zahidovun böyük əmlak sahibi olduğunu deyən iddia edən mənbələr bildirirlər ki, onun vaxtı ilə Cabir adlı şəxslə bir yerdə etdiyi maliyyə fırıldaqları artıq bəzi dairələr tərəfindən araşdırılmağa baaşlanıb:

«Sakit Zahidov Cabir adlı şəxslə çoxlarının cibinə, rüzisinə sahibləndi. Dövlətin vəsaitləri müxtəlif yollarla mənimsənildi. Üstü qismən açılanda isə, o, şərikni və yaxın dostunu qurban verdi. Hələlik o maliyyə fırıldaqlarının təfərrüatını açmaq istəmirik. Çünki həm dəqiqləşdirmələrimiz tam bitməyib, həm də indiki mərhələdə Cabiri çətin vəziyyətdə qoymaq niyyətimiz

yoxdur. Amma elə bu prosesin və Cabirin istintqının nəzarətə alınaraq, aidiyyatı orqanlar tərəfindən araşdırılması, Sakit Zahidovun nəniki bankirliyini, hətta azadlığını əlindən ala bilər».

Məlumata görə, Sakit Zahidovun dollar alverçiləri ilə gizli əməliyyatları və digər əməllərindən «Kapitalbank»ın rəhbərliyinin xəbəri yoxdur: «Olsaydı, onlar filial müdirinin kələklərinə qarşı sərt tədbirlərə əl atardılar…».

Qəzetimizə S.Zahidovun sahib olduğu daşınmaz əmlakların (mınzil və obyektlər) siyahısı da verilib. Bununla bağlı dəqiqləşdirmələrimiz olacaq.

Qarşı tərəfi də dinləməyə hazırıq.

Nüsrət Eloğlu