Riçard Morninqstardan mühüm seçki mesajları:
“Hökumətlə demokratik seçkilər keçirilməsi haqda söhbətlər aparırıq”

ABŞ-ın Azərbaycandakı səfiri Riçard Morninqstar sükutu pozdu. Səfir “Azadlıq” radiosuna müsahibəsində Azərbaycanda keçiriləcək prezident seçkiləri ilə bağlı danışaraq deyib: “Biz həmişə demişik və indi də deyirik ki, bütün ölkələrdə olduğu kimi burada da azad və ədalətli seçkilər görmək istəyərdik”. Pauza. Morninqstarın ifadəsində çox incə bir detal diqqətimizi çəkir. O, “istəyirik” deyə bilərdi. Amma “istəyərdik”, yəni arzu edərdik söyləyir.
Ardınca səfir əlavə edir: “Azad və ədalətli seçkilər seçki günü şəffaflıqla məhdudlaşmamalıdır. Ümidvarıq ki, bütün namizədlərə öz platformalarını təqdim etmək üçün şərait yaradılacaq. Eyni zamanda bütün qüvvələrə sərbəst toplaşmaq azadlığı veriləcək, mediada açıq müzakirə şəraiti yaradılacaq. Sadaladıqlarım demokratiyanın əsas atributlarıdır.
Ümid edirik ki, Azərbaycanda da buna riayət olunacaq. Hazırda Azərbaycanda nə baş verməsi barədə bəyanat vermək istəməzdim. Yalnız onu deyə bilərəm ki, Azərbaycan hökuməti ilə demokratik seçkilər keçirilməsi, buna şərait yaradılması haqda söhbətlər aparırıq. Mətbuatda bu barədə tez-tez danışmaqdansa şəxsi konstruktiv danışıqlar daha faydalı olar”.
ABŞ diplomatının son kəlmələri olduqca vacib və faydalıdır. Elə özünün dediyi kimi - mətbuatda tez-tez danışmaqdansa, şəxsi danışıqlar xeyirlidir. Deməli, Qərb nəhayət gözlənilən məqama start verib. Hakimiyyətlə Qərb arasında seçki dialoqu başlanıb və bunu səfir açıq şəkildə mediaya bəyan edir. Diplomat demokratik seçkilər keçirilməsi üçün danışıqlar başlandığını deməklə cəmiyyətin və müxalifətin ruhuna su çiləyir.
Onları dirçəltməyə, ümidləndirməyə çalışır. Qərb bu ilki seçkilərin gərgin və ağır keçəcəyinə eyham vurur. ABŞ öz səfirinim dili ilə Azərbaycan iqtidarını qarşıda ağır bir sınaq gözlədiyinə işarə edir. Onun diqqətinə çatdırır ki, indi nə 2003-dür, nə də beynəlxalq aləmin seçkilərə münasibəti əvvəlkidir. Digər tərəfdən də Qərb özünə qarşı olan qınaqlara son qoyur.
Siyasətçilər seçki ilində Qərb təşkilatlarının, səfirlərin susqunluğunu birmənalı şəkildə hakimiyyətlə anlaşma kimi qiymətləndirirdilər. Siyasətçilər Qərbin yenə də seçkiləri neft-qaza qurban verdiyini şərh edirdilər.
Lakin Morninqstarın müsahibəsi təzə xana və abzasdan başlamağa əsas verir. Səfirin bölgələrə səfəri də ABŞ-ın seçkilərə yanaşma tərzini ortaya qoyur. Seçki ilində diplomatın bölgələri səfər etməsi ondan xəbər verir ki, onlar potensial müqavimət yuvalarını araşdırmaq istəyirlər. Səfir insanları narahat edən korrupsiya probleminə də toxunub. Deyib ki, bu istiqamətdə müsbət addımlar atılacağına inanır. Ancaq hələlik təhlilə ehtiyac olan məsələ seçkilərdir.
Qərblə hökumət arasında pərdəarxası görüşlərin keçirilməsindən sonra nəticələr göz qabağında olacaq. ABŞ-ın həmin görüşlərin nəticəsindən asılı olaraq müxalifətə və seçkiyə münasibəti dəyişəcək. İndiki halda isə səfirin dialoq açıqlaması

A.Ağasoy