Ramiz Mehdiyev və komandası tam hədəfdə

Sevinc Babayeva yeni sirlər açır: "O, Ramizin elə işlərini görür ki...; Gülər onlara bəlkə də bu işi üçün lazımdır..."

Fəaliyyəti dayandırılmış Azərbaycan Beynəlxalq Universitetinin rektoru Elşad Abdullayevdən “Gündəm xəbər”ə yeni videolar daxil olub. Yeni videolar ABU rektorunun Sevinc Babayeva, Arzu Kazımov və Rövşanə Əliyeva ilə söhbətlərini əks etdirir.
Keçmiş rektor bir daha vurğulayır ki, bu materialları yaymaqda məqsədi qardaşı Mahir Abdullayevin “Azərbaycanda adam oğurluğu ilə məşğul olan mütəşəkkil cinayətkar dəstə tərəfindən oğurlandığını sübut etməkdir”. Abdullayev hesab edir ki, bu cinayətin açılmasını sürətləndirmək və obyektiv istintaq aparılmasını təmin etmək baxımından yaydığı videomateriallar əhəmiyyətlidir. “Bu yolla eyni zamanda həmin cinayətin açılması sahəsində fəaliyyətimə mane olmaq məqsədilə Azərbaycanda başıma gətirilənləri ictimaiyyətin diqqətinə çatdırmaq və özümü baş verə biləcək təhlükələrdən qorumaq istəyirəm. Çünki müəyyən qrup adamlar hətta Fransada belə məni təhdid etməkdən əl çəkmirlər” – deyə keçmiş rektor yazır.
E.Abdullayev daha sonra bildirir ki, istintaq orqanlarının, xüsusən də Gülər Əhmədova barəsində başlanmış cinayət işi üzrə istintaq aparan Bakı şəhər prokurorluğunun fəaliyyəti onu qane etmir. Buna görə də öz təhlükəsizliyini təmin etmək üçün zərurət yarandıqca əlindəki sübutların ictimailəşdirilməsini davam etdirəcək. Nəzərinizə çatdıraq ki sözüfedən video materiallar tam şəkildə gundəmxeber. az saytında yerləşdirilib.

Sevinc Babayevə açıb sandığı, töküb pambığı

Yeni görüntülərdə onun Sevinc Babayeva ilə söhbətlərini əks etdirir və danışıqlarda çoxlu adlar çəkilir. Bu videomateriallarda da E.Abdullayevin apardığı mandat bazarlığının təfərrüatları açılır. Qarşı tərəf rektora heç nədən narahat olmamağı, mütləq deputat seçiləcəyini əminliklə bildirir. Hazırda ayrı-ayrı hissələdən ibarət olan videogörüntülürənin montajı və beynəlxalq videoyayım şəbəkəsinə yüklənməsi prosesi gedir, Yaxın saatlarda bu görüntülərə baxa biləcəksiniz. Videogörüntünün ümumi həcmi 21 dəqiqədir. Aşağıda onun 3 dəqiqəlik bölümünü təqdim edirik.Videonun önəmli hissəsinin stenoqramı.

Gülər Əhmədova Ramiz Mehdiyevin əsas adamıymış

Elşad Abdullayev: Gəl çıx da, saat 2 demisən
Sevinc Babayeva: Məni evdə gözləyəcək. Qurtar canım, bu gün səndən xahiş edirəm bu gün qurtar.
Elşad Abdullayev: Bu onun özünə çatır (güman ki, verilən pulun Gülər Əhmədova vasitəsilə Ramiz Mehdiyevə çatdırılması nəzərdə tutulur-red)?
Sevinc Babayeva: Nə danışırsan? Allah haqqı. Birincisi o qardaşına denən ki, sənin qardaşın onun yanında nə gəzir? Bax mənim adımdan belə də çatdır ona. O (Gülər Əhmədova nəzərdə tutulur-red.) Ramizin (Prezident Admistrasiyasının rəhbəri Ramiz Mehdiyev-red.) elə işlərini görür ki, mən eşidirəm də. Deyirəm Gülər sən qorxmursan? Səni öldürəcəklər axırda. Deyir mən neyləyim, “zato” dayanıb da dalmda, mənim işlərim gedir də hamısı. Nə danışırsan? Buranın söhbəti deyil eee... Hara göndərirlər ora da gedir. Birincisi Gülər pul söhbəti yoxdu eee. Gülər indi bunlara bu işə görə lazımdı. Bəlkə üç gündən sonra Güləri özləri atacaqlar bayıra?

Mandat üçün bazarlıq: 1 milyindan aşağı mümkün deyil

Elşad Abdullayev: Elə əsəbləşmişəm ki, səhərə qədər yatmamışam.
Sevinc Babayeva: Niyə? Əvvəldən bura gələndən dedim ki, sənin qiymətin birdi də.Dedim birdi də. Birdən o yana yeri yoxdu.
Burda Elşad Abdullayev narahatçılığını ifadə edir
Sevinc Babayeva: Mən bir söz deyirəm? Gördün, oynatdılar bizi. Dedim əl çəkərlər bizdən. Gördün üç gün gözlədik. Telefondakı mesajları verdim oxudun da bir-bir.
Elşad Abdullayev yenə də narahatdır, həmsöhbəti isə onu arxayın edir.

Gülər Əhmədovanın Səlim Müslümovun kreslosunda gözü varmış

Sevinc Babayeva: Yox yalan söhbətdi. Yox, yox, orda onun işi başqa söhbətdi. Deyirəm sənə uzağı altı aydan sonra Gülər o Müslüm Səlimzadənin (Dövlət Sosial Müdafiə Fondunun rəhbəri Səlim Müslümov nəzərdə tutulur-red.) yerində oturmasa mənə nə deyirsən, deyərsən. Sən nə danışırsan? Proqramı veriblər eee Gülər oxuyub oranı nazırliyin işlərin.
Elşad Abdullayev: Dövlət Sosial Müdafiə Fondu?
Sevinc Babayeva: Hə, pensiya fondu. Özü oranı istəyib. Deyib ki oranı istəyirəm. Altı aydan sonra.
Elşad Abdullayev: Sən dedin ki, Elşad müəllim istəyir bəlkə bir az düşələr?
Sevinc Babayeva: Sən nə danışırsan. Quran haqqı onluq deyil. Vallah boş söhbətlərdi bunlar hamısı. Sən görmədin beş günün içində hər şey sənin tərəfinə dəyişdi?
Elşad Abdullayev: Yox eee sən o sözü ona dedin?
Sevinc Babayeva: Deyəndə əsəbləşir, deyir sənun başın xarabdı?
Elşad Abdullayev: Yox da, de

Parlamentin komissiya sədrləri “ora bura atılır”

Sevinc Babayeva: Yox axı bilirəm elə söhbət yoxdu. Deyirəm yaxşı qardaşsan onda apar məni sal onun yanına. Ala pulu girək yanına. Pul verən ayrı adamdı, qardaş ayrı adamdı, pul alan ayrı adamdı. Yox, yox. Bu oyun başqa oyundu. Özü də ona dedim ki, ancaq bir şərtlə ki, komissiyanın sədri (parlament komissiyası nəzərdə tutulur-red.) bu olacaq. Pulu komissiyanın sədrinə görə verəcək ha, vermiyəcəydi, komissiyanın sədrliyinə görə verir. Dedi “vsyo” qurtardı. Əlini atarıq insan hüquqlarına, bu da doktor nauk bunu itəliyərik onun yerinə (Hüquq siyasəti və dövlət quruculuğu komissiyasının rəhbəri Əli Hüseynov nəzərdə tutulur, plandan aydın olur ki, Əli Həsənovu Rəbiyyət Aslanovanın sədr olduğu komissiyaya gətirib Elşad Abdullayevi də bura rəhbər qoymağı vəd ediblər-red.)
Elşad Abdullayev başqa bir şəxsin də deputat bazarlığın təklif edir və qarşı tərəf bunun da mümkün olduğun deyir

Əli Kərimlinın dairəsinin nəticəsiz nəticəsi əvvəldən məlum imiş

Sevinc Babayeva: Suraxanı boşalır, o gəlir Suraxanıya (Suraxanı seçki dairəsi nəzərdə tutulur. Burdan AXCP sədri Əli Kərimli namizədliyin vermişdi və söhbətdən də görmək olar ki hakimiyyət nəticələrin ləmv olunmasının əvvəlcədən planlaşdırıb-red.). Amma sən bu işi tezləşdir, onun “dannıların” ver ki, bir maraqlansınlar onunla, kimdi, nədi. Təcili.
Elşad Abdullayev: Qoy bunu qurtaraq bir.
Sevinc Babayeva: Qurtaraq da.
Elşad Abdullayev: İndi sən arxayınsan da sabah oxuyacaqlar məni? (deputat seçilmiş şəxslərin siyahısının MSK tərəfindən elan olunması nəzərdə tutulur-red.)
Sevinc Babayeva: Milyon faiz sabah axşam oxuyacaqlar səni. Vsyo eee protokollar dəyişdi hamısı.
Elşad Abdullayev: Dəqiq?

İşin içində İqbal Ağazadənin də adı var

Sevinc Babayeva: Dəqiq eee. Bu gün Arzuya da bir az verəcəklər (Elşad Abdullayevin namizədliyini irəli sürdüyü və bazarlıq aparılan dairədən millət vəkili olmuş Arzu Səmədbəyli nəzərdə tutulur), Arzu cəhənnəm olacaq.
Elşad Abdullayev: Dəqiq?
Sevinc Babayeva: Hə İqbalın (Gümanki söhbət ümüd partiyasının sədri İqbal ağazadədən gedir) əli ilə Arzunu yola salacaqlar.
Elşad Abdullayev bir daha məbləğin azaldılması məsələsinə qayıdır.
Sevinc Babayeva: Sən nə danışırsan eee. Hələ o deyir ki, Elşad milyanerdi, bu məbləğ onun üçün qəpik-quruşdu. Deyirəm noolsun milyanerdi, pulun sənə verməlidi?

Mandat bazarlığının başında Ramiz Mehdiyev durur

Videogörüntünün sonrakı gedişində S. Babayeva Gülər Əhmədovanın pulu Prezident Administrasiyasının rəhbəri Ramiz Mehdiyevə çatdırılmasının detallarından danışır. Xatırladaq ki, bundan əvvəl bir neçə dəfə R.Mehdiyev jurnalistlərə Elşad Abdullayevin iddialarının yalan olduğunu bildirib. Elşad Abdullayev isə iddia edir ki, oğurlanmış qardaşının tapılması üçün də ondan külli miqdarda pul alınıb. O, hər dəfə də Ramiz Mehdiyevin adını çəkir. Son videogörüntülərdə də bütün proseslərin kuliminasiya nöqtəsində Ramiz Mehdiyevin durduğu deyilir.

“Gündəm xəbər”