Palata daxilində artıq iki və ya üç fikir tərəfdarları ortaya çıxıblar

gundemxeber.az Son zamanlar Azərbaycanın siyasi səhnəsində yenidən vahid namizəd müzakirələri intensivləşməyə başlayıb. Ölkənin ən iri müxalif birliyindən biri olan İctimai Palata daxilində bu məsələ ilə bağlı çarpaz mövqelər eşidilməkdədir. Palata daxilində artıq iki və ya üç fikir tərəfdarları ortaya çıxıblar.
Birinci fikrin tərəfdarları Azərbaycanda təkrar parlament seçkilərinin keçirilməsini istəyənlər, ölkədə seçki islahatlarının aparılması uğrunda mübarizə aparmağın vacib olduğuna israr edənlərdir. İkinci mövqedə olanlar isə 2013-cü ilin seçkilərində iştirakla bağlı olaraq mövqeyin tezliklə qətiələşməsini tələb edənlərdir və nəhayət üçüncü fikrin, daha doğrusu fikirsizliyin tərəffdarları olanlar isə nə vahid namizəd müzakirələrinin, nə də təkrar parlament seçkilərinin keçirilməsini dəstəkləməyənlərdir. Bu qrupda olan insanlar daha çox mücərrəb olaraq hər şeydən əvvəl seçki mühitinin yaxşılaşdırılması istiqamətində mübarizə aparılmasının tərəfdarlarıdır.

Yenə də vahid namizəd problemi

Maraqlıdır ki, birinci fikrin tərəfdarları daha çox özlərini İctimai Palatanın mövcudluğu üçün qoruyanlar kateqoriyasına aid edirlər. Bu adamlar mühim siyasi təşkilatın başçıları deyillər. Onlar ictimai prosseslərdən asılı olaraq meydana çıxan və yox olan, zaman-zaman isə mediada sadəcə cari (dejurnı red.) ekspertlər rolunu oynayırlar. Bu qəbildən olan insanların seçki dövrlərində missiyası demək olar ki, sıfıra bəprabər olur. Xüsusilə də prezident seçkilərində onlar hansısa namizədin vəkili statusundan o yana keçə bilmirlər.
İkinci mövqedən çıxış edənlərin isə daha böyük dayaqları var. Məsələn bu mövqedən daha çox israr edən İP Koardinasiya Şurasının üzvü Rauf Arifoğlu, Zəfər Quliyev və bəzən də AXCP sədri Əli Kərimlinin də mövqeyini görürük.
Lakin İP-in əsas dayaqlarından olan Müsavat Partiyasından və onun başqanından hələ ki, birinci və üçüncü mövqeləri dəstəkləyən dağınıq yanaşmalar eşidirik. Bu yanaşmalar əslində bir mənzərəni, bir təəssüratı ortaya qoyur ki, bir qrup İP-in yaşamasını və seçkilərə qədər aparılmasını, başqa bir qrup isə tezliklə dağılmasını istəyir. İndi bu qurumun daxilindəki qarşılıqlı ittihamları, mətbəxdəki söhbətləri incələsək görürük ki, 2013-cü ilin prezident seçkiləri ilə bağlı qəti mövqeyin bildirilməsi fikrində israr edənlər əslində palatanı dağıtmaq istəyənlər kimi xarakterizə edilir. Amma AXCP-nin vahid namizədlə bağlı olaraq daha yumşaq və kompramis variantlaraistinad etməsi, əslində yeni bir dönəmin başlanmasını zəruri edən şərtlərlə, İP-in də buraxımasını kifayət qədər əsaslandırır.

İctimai Palatanın dağılmasını kim istəyir?

Əslində Azərbaycan iqtidarının ənənəvi olaraq illərdir sərgilədiyi davranışlar bir daha bizə onu deməyə əsas verir ki, ölkədə güclü müxalifətin olmasını iqtidarda heç kim istəmir. Bu bir gerçəkdir ki, bu gün bəlkə də çoxları (lakin hamısı deyil müəl.) İP-in dağılmasını istəyir. Bu dağılmanı istəməyənlər isə daha böyük birliyin yaranmasını hesablayanlar, İP-in əvəzinə bütün müxalifəti bir yerə yığacaq güc mərkəzinin formalaşmasını istəməyənlərdir. Əslində İP ölkə müxalifətinin birləşməsinə manne olan mühim filtr rolunu oynaya bilir. Çünki mövcud şərtlərlə ən azı 3 gerçək müxalifət partiyası bu birlikdə yoxdur. Əlbəttə ki, bu partiyaların da İP-in adını dəyişərək yeni birliyə qoşulmasını hakimiyyət arzulamaz.
Amma 2013-cü ildə hakimiyyətin daxili klan savaşına başının daha çox qarışacağını bilən texnoloqlar İP-in mövcudluğunu qorumasını istəmirlər. Ən azı iki partiyanın bir yerdə olduğu birliyin yaradılmasını heç bir zərurət və şərtlər olmadığından. Məhz 2013-cü ilə tək-tək partiya halında düşmüş, tək-tək partiya halında namizədləri ilə seçkilərə qatılan müxalifətin olması rəsmi Bakının ənənəvi strategiyasına daha yaxındır.

Azər Talıbov