Həbs olunan Rza Zərrabın adını çəkmədiyi azərbaycanlı şəxsin kimliyi bəllidir; “Gündəm-xəbər” eksklüziv olaraq: “Ərdoğan hökuməti həmin məmuru tələb edir”

Maliyyə Nazirliyi Rüşvət Cinayətlərinin Araşdırma Komissiyası İstanbul Polis İdarəsinə Zərrabın şirkətlərinin heç bir fəaliyyətdə olmadığını, lakin milyonlarca avro transfer etdiyini və bunun xaricdə sənədləşdiyini göstərən bir hesabat təqdim olunub.

Məsələ ilə bağlı baş hərfi A.M. olan bir informator ortaya çıxıb. Maliyyə Nazirliyi müfəttişləri Türkiyədə qurulan üç xəyali şirkətin fəaliyyətini və hesabını araşdırıb, bunun sonunda da böyük pulların qanunsuz şəkildə transfer edildiyini ortaya çıxarıb. İnformatorun verdiyi sənədlərə görə, 2009-2012–ci illər arasında “Bank Mellat” tərəfindən yuyulan çirkli pulların miqdarı 87 milyard avroya çatır.
Bundan başqa, müfəttişlər bu şirkətlərin bank qeydiyyatlarını dərindən analiz etmək üçün xüsusi komissiya qurub və soruşdurma komissiyası tərəfindən əlavə bir çalışma ilə iş adamları Adəm Gəlgəç və Vidadi Bədəlov tərəfindən qurulan şirkətlərin çirkli pulları yuma daxil olmaqla, sayının 11 olduğunu ortaya çıxarıb. 2013-cü ilin fevralında ifadə verən Gəlgəç transferləri İrandan apardığını etiraf edib.
Rza Zərrab açıqlamada əməliyyatlar üçün əmrlərin İran və Azərbaycandan gəldiyini, ancaq bu əmrlərin kim tərəfindən verildiyini deməyib.
Daha sonrakı araşdırmalarda isə bu şirkətlərin Zərraba aid olduğu məlum olub. Azərbaycanda hansı oliqarxlardan təlimat aldığı barədə redaksiyamıza şok xəbər daxil olub. Mənbə bildirir ki, ölkədə nüfuzlu və bir sıra monopoliyalarda adı keçən dövlət məmuru məhz R.Zərrabla əlaqəli olub. Amma etika naminə hələlik onun adını açıqlamırıq. Çünki hazırda istintaq və araşdırmalar gedir.
Mənbə qeyd edir ki, hakimiyyət düşərgəsində həmin məmurla bağlı sorğu-sual aparılır. Bu məmurun Ərdoğan iqtidarının əlinə keçəcəyi təhlükəsi var. İqtidar isə onu qurban vermək istəmir. İddia olunur ki, Türkiyə hökuməti həmin məmurumuzu tələb edir. Amma danışıqlar gedir və oliqarx-məmurun həbs olunmaması üçün səylər göstərilir. Məsələ ölkə rəhbərliyi səviyyəsinə çatıb.