Azərbaycanlılar Rusiyanın Kazan şəhərində etiraz aksiyası keçiriblər. AzVision.az rus mətbuatına istinadən xəbər verir ki, həmyerlilərimizin növbəti mitinqi fevralın 4-nə planlaşdırılıb.

Etiraz aksiyalarına səbəb yanvarınn 29-da Kazanda kənd təsərrüfatı bazarının bağlanması olub. Belə ki, bazarda Fövqəladə Hallar Nazirliyinin müfəttişlərinin apardığı yoxlamalar nəticəsinə məlum olub ki, bazarda yanğından təhlükəsizlik, sanitar-gigiyena qaydalarına əməl olunmayıb. Məsələ ilə bağlı Kazan Şəhər Prokurorluğu da məhkəməyə bazarın bağlanması üçün müraciət edib. Məhkəmə prokurorluğun müraciətini qəbul edib və bazar yanvarın 29-dan bağlı elan olunub.

Bazarın bağlanması təkcə orada işləyən azərbaycanlılar üçün deyil, həm də bazar rəhbərliyi və əlaqədar iş adamları üçün gözlənilməz olub. Onlar bazarın bağlanmasının səbəbinin araşdırılması üçün baş nazir İldar Xalikova məktub yazıblar.

Qeyd edək ki, sözügedən bazarın 300-ə yaxın işçisi olduğu bildirilir. Onların əksəriyyəti isə həmyerlilərimizdir.