Emil Məmmədovla bağlı Salyanda məhkəmə olub

Salyanda fəaliyyət göstərən Demokratiyaya Yardım İctimai Birliyinin sədri, həbsdə olan hüquq müdafiəçisi Emil Məmmədovla bağlı dünən məhkəmə prosesi olub. Bu barədə məlumatı onun qardaşı İqrar Məmmədov bildirib. Salyanda keçirilən məhkəmə prosesi qapalı olub, ailə üzvləri belə məhkəməyə buraxılmayıb. Məhkəmədə məhbus hüquq müdafiəçisinin vəkilləri Elçin Sadıqov və Fariz Namazlı iştirak ediblər.
İqrar Məmmədovun “Siyasi Məhbuslarsız Azərbaycan” İctimai Alyansına verdiyi məlumata görə, Emil Məmmədovla bağlı keçirilən məhkəmə prosesində məhbus hüquq müdafiəçisi haqqında həbs qəti imkan tədbirinin ev dustaqlığı ilə əvəz olunması haqqında vəsatətə baxılıb və Salyan rayon Məhkəməsi vəsatəti qəbul etməyib. Vəsatət Emil Məmmədovun müdafiəçiləri tərəfindən verilib. Məhkəmə prosesində həbsdə olan hüquq müdafiəçisi iştirak etməyib.
Xatırladaq ki, “Demokratiyaya yardım” QHT cənub regionunda ən fəal vətəndaş cəmiyyəti institutlarından biridir. Qurumun rəhbəri E.Məmmədov dəfələrlə rayon hakimiyyəti strukturlarında korrupsiya faktlarını açıqlayıb, həmçinin yerli sakinlərn hüquqlarının müdafiəsinə qalxıb. QHT hasilat sənayesində vətəndaş nəzarəti şəbəkəsinin bir sıra layihələsində iştirak edib. Bütün bunlar hakimiyyəti çox qıcıqlandırıb və fəala qarşı təqib kompaniyası başlayıb. O, dövlət əleyhinə fəaliyyətdə ittiham olunur.
Emil Məmmədov ziyalı, yüksək mənəviyyat sahibidir. Onun fəaliyyəti sayəsində yod zavodunun administrasiyası ilə Neftçala yerli icması arasında ətraf mühitin qorunmasına, Salyanda neft mədəni ilə yerli icma arasında yerli infrastrukturun və ekologiyanın inkişafına dair sazişlər bağlanıb, Bakı-Ələt yolunun inşası zamanı yerli neftçilərin, işçilərin hüquqları müdafiə edilib. Bakı-Ələt yolunun inşası zamanı aşkar edilmiş bardaq şəklində qədim arxeoloji tapıntıların fəhlələr tərəfindən məhv edilməsinin qarşısı E.Məmmədovun sayəsində alınıb və Milli Elmlər Akademiyasına verilib. E.Məmmədov 2010-cu il Salyan rayonunda baş vermiş daşqınların nəticələrinin aradan qaldırılmasında mühüm rol oynayıb. Onun icra hakimiyyəti ilə əməkdaşlığı sayəsində çoxlu problemlər, əsasən kompensasiyaların verilməsi, sakinlərin evlə təmin olunması, Kür çayı məcrasının təhlükəsizliyi kimi məsələlər həllini tapıb.
Emil Məmmədovun Salyan RİH başçısı Tahir Kərimov tərəfindən şərlənərək həbs olunduğu bildirilir. Onun üzünə duranlar rayonda büdcə təşkilatında çalışan məmurlardır. Həbsdə olan hüquq müdafiəçisi həbsindən az öncə rayonda mövcud olan korrupsiya faktları və büdcə mənimsəmələri barədə ölçü götürülməsi üçün dövlət başçısı İlham Əliyevə və PA rəhbəri Ramiz Mehdiyevə müraciət etmişdi. Müraciətdə göstərilən faktların araşdırılmasını gözləmədən rayon rəhbərliyi Emil Məmmədovu şərləyib həbsə atıb.
Hüquq müdafiəçisi evlidir, himayəsində 3 övladı var.
Sağlam fikirli gənclərin mövqe və baxışlarında sərbəstlik, siyasi və ictimai təşkilatlarda onların göstərdiyi fəaliyyət. Çox vaxt məmur özbaşınalığına tuş gələn belə sağlam düşüncəli gənclər təqib və təzyiqlərə məruz qalırlar. Onlar sosial təminatsızlıq, polis təzyiqlərinə qarşı tam müdafiəsiz olurlar. Bu da regionlarda inkşafın qarşısını alır və məmur özbaşınalığına, korrupsiyaya yol açır.
Belə gənclərimizdən biri də Salyan rayonunda fəaliyyət göstərən, Demokratiyaya Yardım Fondunun Salyan şöbəsinin fəalı Dadaşov Mübariz Mahir oğludur. Hələ məktəb illərindən açıq fikirliliyi, haqsızlığa və ədalətsizliyə dözümsüzlüyü ilə fərqlənən Mübarizin bu xarakterinə görə başı çox bəlalar çəkmişdir. Salyan şəhəri 2 saylı orta məktəbi bitirəndən sonra kamal atestatını almaq üçün özü və ailəsi çox əziyyətlər çəkməli olmuşdu. Vətənə olan borcunu verdikdən sonra Mübariz Salyanda ictimai mübarizənin içinə atıldı.
Emil Məmmədovun başçılıq etdiyi Demokratiyaya Yardım Fondunun Salyan şöbəsinə üzv oldu və bu fondun bütün tədbirlərində iştirak etdi. Regionda böyük nüfuz sahibi olan bu təşkilat, məmur özbaşınalığına, korrupsiyaya qarşı mübarizə aparan ən aktiv içtimai təşkilkat olduğuna görə xalqın etibarını qazanmışdı və həmişə dostlar və düşmənlər tərəfindən diqqət mərkəzində idi.
2011- ci ildən fəaliyyətə başlayan Mübariz bəy dəfələrlə polis təzyiqləri ilə üzləşir.
Ona əvvəl məsləhət kimi, sonra isə əmr edirlər ki təşkilatdan çıxsın, Emin Məmmədovdan uzaqlaşsın. Çünki Emil Məmmədovu onsuz da həbs edəcəklər.
Salyanda Demokratiyaya Yardım Fondununa qarşı başlamış “Səlib yürüşü”, Fondun işçisi Tofiq Qasımovun haqsız yerə saxlanılması, sonra Fondun sədri Emil Məmmədovun şərlənməsi Mübariz Dadaşovdan da yan keçmədi. Salyanda bu açıq fikirli cavan oğlana qarşıda təzyiqlər artdı və ona Salyanda yaşamağı qeyri-mümkün etdi. İndi də onun ailə üzvləri təqib altındadırlar.
Oğlu təşkilatın üzvü olduğuna görə, Mübarizin ailəsinə böyük təzyiqlərə məruz qalıb. Anası Zemfira xanım qocaman mühəndis uzun müddət işlədiyi işindən çıxardılıb və bu günə qədər də ona iş verən yoxdur.