İctimai-Siyasi Universitetin rəhbəri, Misir Mərdanovun köhnə dostu, çörəyi Bakıxanov zavodundan çox, Azərbaycan İctimai-Siyasi Universitetindəki bazardan çıxan Rasim Nəbiyevin şok dosyesini əldə etmişik.

gundemxeber.az Axat.az saytına istinadən xəbər verir ki, təhsil ocağının bağlanmasına səbəb rektor Rasim Nəbiyevin geridə qoyduğu illər əzində göstərdiyi fəaliyyəti olub. R.Nəbiyevin barəsində toplanan şok dosye rəhbəri olduğu ali məktəbin sonunu yaxınlaşdırıb.

İddialara görə, Nəbiyev keçmiş Təhsil naziri Misir Mərdanovun himayəsində olub, bu əlverişli imkandan istifadə edərək təhsil müəssisəsində bazar açıb, rüşvət yığılmasını adi hala çevirib.

Mərdanovla sıx münasibətləri olan Nəbiyevin “qara günləri” də məhz sabiq nazir istefa verəndən sonra başlayıb.

Yeni nazir Mikayıl Cabbarov universitetdə yoxlamaların həyata keçirilməsinə əmr verib. Bu araşdırmaların nəticəsi kimi AİSU lisenziyasız qalıb.

Məlum olub ki, universitetdə qanunsuz tələbə köçürməsi, saxta diplom satışı, hər semestrdə rüşvət yığımı ilə məşğul olan R.Nəbiyev heç də Beynəlxalq Universitetin rektoru Elşad Abdullayevin taleyindən ibrət dərsi götürməyib.

O da məlum olub ki, R.Nəbiyevin ən yaxın qohumları AİSU-da rəhbər vəzifələrdə çalışırlar. Belə ki, onun köməkçisi qardaşı Nazim Nəbiyevdir. Bu şəxs əvvəllər qarmon ifaçısı kimi fəaliyyət göstərsə də, qardaşının dəstəyi ilə köməkçi vəzifəsinə təyin olunub.

Rektorun həyat yoldaşı, filoloq Zöhrə Nəbiyeva universitetdə prorektor işləyir. AİSU rəhbərinin qudası Əvəz Şirəliyev də prorektordur. Beləliklə “ailə universiteti” açan Nəbiyev post-Mərdanov dövründə hədəfə gəlib.

Məlumata görə, keçmiş nazirin özü də yaxın dostu olan Nəbiyevi qoruya bilməyib. Çünki Nəbiyevin yuxarıda sadalanan fəaliyyətindən əlavə, Türkiyənin Bakıdakı səfirliyinin keçmiş mətbu müşaviri Turqut Ərlə illərə söykənən əlaqələrinin olduğu öyrənilib, bu məsələ yuxarı dairələrin diqqətinə çatdırılıb.

Bundan sonra Mərdanov köhnə dostunun arxasından çəkilib, ASİU qapadılıb. Onu da deyək ki, Rasim Nəbiyev eyni zamanda paytaxtın ən böyük çörək istehsalçısı olan “Bakıxanov” çörək zavodunun direktorudur. İnsafən, Bakıda ən təmiz, etibarlı çörək istehsalçısı bu zavoddur.

Yada salaq ki, ASİU bağlanmazdan əvvəl, iyunun 4-də Nəbiyev rəhbəri olduğu zavodun qarşısındakı “Ülvi” şadlıq evinin həyətində mağar qurub, oğluna toy etməsilə gündəmə gəlib. Qəribədir ki, zavod direktoru restoranda yox, onun həyətində çadır qurub oğluna toy çaldırmışdı. Bundan başqa, Bakıxanov qəsəbəsində onun “Səhram” marketi fəaliyyət göstərir.

Bu da rəhbəri olduğu “Səhram” MMC ilə bağlı ticarət mərkəzidir. Göründüyü kimi, biznesmen-rektorun çörəyi təkcə çörək zavodundan çıxmayıb, həm market, həm də ASİU-da böyük bazar açıbmış. İndi sonuncusu Nəbiyev üçün artıq yoxdur...