"Oğlumun adını Sergey qoyacaqdıq. Lakin həkimlər Raisaya səhhətinə görə uşaq dünyaya gətirməyi qadağan etdilər. Ürəyi dözməyə bilərdi. Mən seçim etməli oldum; ya Raisa, ya oğlum. Mən də oğlumdan imtina etdim. Məcbur hamiləliyi yarımçıq saxladıq".


ANS PRESS-in məlumatına görə, bunu Rusiya mətbuatına müsahibəsində SSRİ-nin ilk və sonuncu prezidenti Mixail Qorbaçov bildirib.

Jurnalistin "Yenidən həyata başlasaydınız, sadə həyat yaşamaq istərdinizmı" sualına Mixail Qorbaçov "Xeyr. Mən həyatımı dəyişməzdim, amma çox şeyi daha yaxşı – fərqli edərdim. Heyf ki, SSRİ-də yenidənqurmanı sona çatdıra bilmədim. Çox şey yarımçıq qaldı. Lakin etdiklərim də öz bəhrəsini verdi. Ölkə dəyişdi, aşkarlıq yarandı. Bundan başqa, mən sevinirəm ki, Krım Rusiyaya birləşdirildi. Çünki insanlar Ukraynada öz istəkləri ilə yaşamırdılar", - deyə cavab verib.