Professor daha bir şok müraciət yazdı; Deputat, sabiq rektor haqda ifşaedici məlumatlar heyrət doğurur

Azərbaycan Dövlət İqtisad Universitetinin profesoru, iqtisad elmləri doktoru Bədirxan Musayev Prezident İlham Əliyevə, Heydər Əliyev Fondunun Prezidenti Mehriban Əliyevaya və təhsil naziri Mikayıl Cabbarova rəsmi müraciət edib.

Azərbaycanda kibernetika elminin yaradıcısı və keçmiş SSRİ-də 38 yaşında bu sahə üzrə ilk elmi işi müdafiə edən iqtisad elmləri doktoru Bədirxan Musayevin «Gündəm Xəbər» qəzetinə daxil olan müraciətini qısa ixtisarla təqdim edirik:

«Hörmətli cənab Prezident!

Ulu öndər H.Əliyev demişdir: “Rüşvətxorluq cəmiyyəti içərisindən yeyir”. Siz də onun siyasətinin davamçısı kimi “rüşvətə qarşı mübarizə ümumxalq işidir” demisiniz. Eyni zamanda hər kəs xırda rüşvət ala bildikdə, gördükdə və hiss etdikdə müvafiq orqanlara xəbər vermələrini onların vətəndaşlıq borcudur-hesab etmisiniz. Ancaq mən inkar olunmaz sənədlər əsasında sübut edirəm ki, İqtisad Universitetinin sabiq rektoru, Milli Məclisin komitə sədri Şəmsəddin Hacıyev Dərbənd filialına tələbə qəbulundan 145-150 milyon manat, daxili və xarici köçürmələrdən 80-100 milyon manat, digər mənbələrdən 350-400 milyon manat rüşvət almışdır. Universitet və onun korpuslarında aparılan təmir-tikinti işlərinin lahiyə dəyərinin 40%-ni oğurlamışdır. Bunlar haqda inkarolunmaz sənədləri müvafiq orqanlara təqdim etmişəm. İstənilən vaxt təkrarən təqdim edə bilərəm. Digər tərəfdən ulu öndər H.Əliyev demişdir: «Rüşvətxoru və oğrunu milli qəhrəman kimi qələmə vermək milləti təhqirdən başqa bir şey deyildir».

Hörmətli cənab Prezident!

Rüşvətxor, milli xəyanətkar, saxtakar, təhlükəli banda rəhbəri Ş.Hacıyevi rektor vəzifəsindən azad etdiniz. Lakin hələ də «millət vəkili», Milli Məclisin komitə sədri vəzifəsində qalması, onun televiziya ulduzuna çevrilməsinə, günəş kimi yanıb, ulduz kimi parlamasına səbəb olmuşdur. Bunlar ictimaiyyət arasında birmənalı qarşılanmır. Ş.Hacıyevin çirkin əməlləri Sizin cəsarətli, obyektiv, insanpərvər, dünya şöhrətli prezident kimi fəaliyyətinizə kölgə salır. Bu məsələni təkrarən araşdırıb, Ş.Hacıyevin toxunulmazlıq hüququndan məhrum olunmasına ehtiyac vardır. Bu həll olunarsa, cəmiyyətin saflığı təmin oluna bilər. Çünki, sabiq rektor Ş.Hacıyev:

1) Konstitutsiyanın 57.1 maddəsini (“hər bir müraciətə qanunla müəyyən edilmiş qaydada və müddətdə yazılı cavab verilməlidir”) kobudcasına pozaraq, məhkəmələrə təqdim etmək üçün 20-dən çox sənədin verilməsindən imtina etmişdir.

2) Konstitutsiyanın 32.III maddəsini pozaraq (“öz razılığı olmadan kimsənin şəxsi həyatı haqqında məlumatın toplanmasına, saxlanmasına, istifadəsinə və yayılmasına yol verilmir”), məni səhhətimlə əlaqədar (sağlamlığım haqda arayışım olduğu halda) işdən azad edəndən 10 gün sonra Mərkəzi Klinikadan hüquqi əsası olmayan arayış alıb, ondan istifadə etməkdə cinayət törətmişdir.

3) Konstitutsiyanın 57.II maddəsini pozaraq (“tənqidə görə təqib qadağandır”) seçki komissiyasının protokolunu və aktını saxtalaşdırmış, videokaseti montaj etdirmişdir. Həmin sənədləri həqiqi sənəd kimi məhkəmələrə təqdim etmişdir.

4) Konstitutsiyanın 25.I maddəsini (“hamı qanun və məhkəmə qarşısında bərabərdir”) pozaraq, 8 nəfər yaşlıların kafedra müdirliyindən imtina ərizələrini qəbul etdiyi halda, mənim ərizəmi qəbul etməməklə ağır cinayət törətmişdir.

5) Ş.Hacıyev konstitutsiyanın 57.II maddəsini kobudcasına pozaraq (“tənqidə görə təqib qadağandır”) otağıma nəcis qoyub, pompers atdırır ki, guya professor özünü idarə edə bilmir. Həyasızlığın və özbaşınalığın dərəcəsinə baxın!

6) Konstitutsiyanın 35.III maddəsini pozaraq (“heç kəs zorla işlədilə bilməz”) kafedra müdiri və rektorun müşaviri vəzifələrindən imtina ərizəmi nəzərə almadan, saxta əmrlə məni həmin vəzifələrdən azad etmişdir.

7) Konstitutsiyanın 46.3 maddəsini (“heç kəsə işgəncə və əzab verilə bilməz”) pozaraq milyardları, havadarları və toxunulmazlıq hüququndan istifadə edərək, məhkəmə sistemi sədr və hakimlərini satın alıb, 89 dəfə özünə haqq qazandırıb, mənə vəhşicəsinə maddi və mənəvi cəhətdən zülm etdirməsi və özümü intihar etmək və ya təxribat törətmək səviyyəsinə çatdırması cinayətdən başqa bir şey deyildir.

8) Konstitutsiyanın 25-ci maddəsində göstərilmişdir: “hamı qanun və məhkəmə qarşısında bərabərdir”. Azərbaycan vətəndaşı kimi mən və sabiq rektor Ş.Hacıyev qanun və məhkəmə qarşısında eyni hüquqa malikik. Nəyə görə, hakimlər, onun müzakirələrdə iştirakını təmin edə bilmirsiniz?

9) Konstitutsiyanın 90.I maddəsində göstərilir: “milli məclisin deputatı cinayət başında yaxalanarsa tutla bilər” sabiq rektor, millət vəkili, komitəsədri Ş.Hacıyevin cinayət başında yaxalanmasını sübut etmək üçün mənim təqdim etdiyim videokaseti nümayiş etdirmək və araşdırmaq kifayət edər. Bunlara nəyə görə əməl olunmur?

Sabiq rektor Ş.Hacıyev Nazirlər Kabineti və Təhsil Nazirliyinin təlimatlarını, həmçinin Əmək Məcəlləsi tələblərini pozaraq aşağıdakı cinayət xarakterli əməlləri törədib:

1) Kafedra müdirliyindən və rektorun müşaviri vəzifələrindən imtina ərizələrimi, müsbət ictimai rəy sorğusunu, müvafiq kafedra və ekspertlərin müsbət rəylərini oğurlatmışdır.

2) Kafedranın 25 oktyabr 2011-ci il 2 nömrəli protokolunu oğurlatmışdır. Onun yerinə saxta protokol tərtib etdirmişdir.

3) Mən otağımı təhvil verəndən 6 gün sonra prokurorun göstərişi və özünün əmri olmadan 5 nəfərdən ibarət komissiya tərəfindən axtarış apartmış və mənim əleyhimə saxta arayış tərtib etdirməklə cinayət törətmişdir.

4) Təlim-tərbiyə işinə mənfi təsir edən “qomoseksualisti” “baş hüquqşünas”a yoxlatmış, seçki komissiyasının iclasında müzakirə etdirmiş və məni öldürtməyə təhrik etmişdir.

5) 2009-cu ildə məni iki fakültədə imtahan komissiyasına nəzarət komissiyasına sədr təyin etmişdir. Rüşvətə yox, xahişə olmaz, hədə-qorxuya sinə gərdiyimə görə 199 tələbənin mənimsəmə faizi “0” olmuşdur. Ancaq bundan sonra Ş.Hacıyev məni nəzarətdən kənarlaşdırıb, rüşvətin məbləğini 4-5 dəfə qaldırıb, bir həftə ərzində mənimsəməni 90-95%-ə qaldırmaqla ağır cinayət törətmişdir.

6) Cənab Prezidentin və Azərbaycan Respublikası Məhkəməsinin funksiyasını əlindən alıb, mənə “vətən xaini” damğası vurub, vətəni tərk etməyimə məcbur etməsi ağır dövləti cinayətidir.

7) Şəmsəddin Hacıyevə «Distant təhsilin müdiri Nazim Eminov rüşvətxordur, onu ətrafınızdan uzaqlaşdırın» təklifimə cavab olaraq, yoxlama komissiyası yaradıb, elə həmin Nazim Eminov bu komissiyaya sədr təyin etməklə, mənim əleyhimə saxta arayış tərtib etdirməkdən xəcalət çəkmir.

8) Professor vəzifəsindən əmr vermədən, əmri əmək kitabçamda əks etdirmədən, əmri mənə təqdim eləmədən vəzifəmi davam etdirmək üçün

binalara daxil olmağa qadağa qoymuşdur. Təsəvvür edin ki, 60 il 15 rektorla bütün vəzifələrdə işlədiyim, ömrümü fəda etdiyim binaya daxil olub, əmək kitabçamı da almağa icazə verməmişdir. Əmək kitabçasını mənə küçədə verdirməsindən xəcalət çəkmir.

9) Orta məktəbi qızıl medalla bitirən, İngiltərənin Noten-gem Universitetini fərqlənmə ilə bitirən, 4 xarici dil bilən, iqtisad elmlər doktoru olan qızımı İqtisad Universitetini tərk etməyə məcbur etmişdir.

10) Məni işdən azad edəndən sonra mənə xəbər vermədən, mənim iştirakım olmadan 800 nəfər əməkdaşın iştirak etdiyi 12 fakültənin Elmi Şura iclaslarında məni müzakirə etdirməklə, mənim şərəf və ləyaqətimi vəhşicəsinə təhqir etdirmişdir. Protokollarla məni tanış etmədən və mənim izahatım olmadan, onları müvafiq orqan məmurlarına təqdim edərək, barəmdə mənfi rəy yaratmağa cəhd etmişdir. Həmin rüsvvayçı protokollara baxsanız, orada səslənən küçə səviyyəli sözləri oxusanız, əminəm, Şəmsəddin Hacıyevin deputatlığna son verərək, onu dərhal həbs edirərsiniz.

11) Beynəlxalq Münasibətlər Fakültəsinin (BİM) təzyiq altında mənim əleyhimə keçirilən elmi şura iclasında 53 nəfər iştirak etdiyi halda, saxtakarlıq yolu ilə səsvermədə guya 72 nəfər iştirak etdiyi göstərilib. Maliyyə fakültəsində 47 nəfər iştirak etdiyi halda, saxtakarlıq yolu ilə səs vermədə 56 nəfər iştirak etmişdir. Beynəlxal Münasibətlər Fakültəsində iclas 8 noyabr 2011-ci ildə, Maliyyə fakültəsində 15 noyabr 2011-ci ildə keçirilməsinə baxmayaraq, qərarlar Ş.Hacıyev tərfindən 6 maddədən ibarət tərtib olunmuş, nöqtə və vergülünə qədər bir-birindən köçürülmüşdür.

12) Respublikanın tanınmış hüquqşunası Aslan İsmayılov cari mətbuata verdiyi aşıqlamada göstərmişdir: “Konstitutsiyaya əməl olunsa, qanunlar işləsə, Baş prokuror yerində olsa, məhkəmə sistemi alverxana mərkəzinə çevrilməsə, Ş.Hacıyev çoxdan həbs olunardı”.

13) Ulu öndər H.Əliyevin qardaşı, akademik Cəlal Əliyev Ş.Hacıyevi kabinetində H.Əliyevin şəklini cırıb, onun yerində A.Mütəllibovun şəklini asdığına və digər utancverici əməllərinə görə A.Mütəllimovun “skripka çalanı” adlandırmışdır. H.Əliyevin digər qardaşı, professor Aqil Əlyev Ş.Hacıyevi bağında A.K.Aqanbekyana 50 illik yubiley təşkil etdiyinə, H.Əliyevin əleyhinə Moskvaya 300-dən çox şikayət ərizəsi təşkil edib, göndərdiyinə görə təhsilmizin “zəhərli əqrəbi” adlandırmışdır.

14) Ş.Hacıyevin Ticarət kafedrasının qadın əməkdaşını ərini üzünə qoyub, ailəsinin dağıdılmasına isə ad vermək mümkün deyil.

15) Yeni rektor professor Ədalət Muradov tərəfindən Ş.Hacıyevin təhlükəli banda üzvü olduğuna görə vəzifəsindən azad edilən, bir müddət sonra universitet üzrə ağsaqqallar surasının sədr müavini təyin etdiyi və sabiq rektor Ş.Hacıyevin qohumu, Magistratura mərkəzinin sabiq müdiri Həsən İsrafilovun mənə verdiyi məlumata görə, professor vəzifəsini davam etdirməm üçün binalara daxil olmağıma qadağa qoyulması hazırkı rektorun məqsədli planıdır. Guya o, bunun davam etdirilməsi köhnə rektorla yeni rektor arasında barışmaz mübarizə, ziddiyyətlər və toqquşmalar səbəb olur.

16) Rektorun 03/XII-2008-ci il əmri ilə guya kafedra müdiri 15/09-2008-ci ildən mənə həvalə olunmuşdur. Saxtadır, yalandır. Çünki elə bir əmr mənim əmək kitabçamda əks olunmayıb. Digər tərəfdən 03/XII-2008-ci ildə verilən əmr özündən 3 ay qabaqki dövrə şamil edilmədiyindən hüquqi əsası yoxdur.

Hörmətli cənab Prezident! İqtisad Universitetinin sabiq rektoru Ş.Hacıyevin “qazandıqlarımı yuxarılara verirəm”. Qazandıqlarımın 20%-i məndə (Ş.Hacıyevdə) qalsa, milyarder olaram. Universitetə ayrılan vəsaitin 10%-ni qabaqcadan əlimdən alırlar deməsi və yayması prokurorluq orqanlarını, təhsil sistemi işçilərini, məhkəmə hakimlərini o dərəcədə qorxuya salıb ki, Ş,Hacıyevin qarşısında diz çökərək, onun cinayətlərini açıb müzakirə etməkdə acizlik göstərilir.

Hörmətli cənab Prezident! İctimaiyyət arasında deyilir ki, “siçan 100 qram araq verəndə, gedib pişikdən pasport tələb edir”. Ş.Hacıyevin mənə qarşı cinayət törətməsi, özünün cəzasız qalması fikrinin mövcudluğu, rüşvət hesabına topladığı milyardlar və Sizin ətrafınızda vəzifə sahibi olan “qudalar qudasıdır”. Məxfi və digər sənədlərlə Sizi tanış etmək üçün məni qəbul etmənizi xahiş edirəm».

Son olaraq onu da bildirək ki, professor Bədirxan Musayev Azərbaycan Dövlət İqtisad Universiteti və onun rektoru Ədalət Muradovu da məhkəməyə verilib. Onun sözlərinə görə, 2011-ci ildə universitet rektorunun müşaviri və 40 il rəhbərlik etdiyi «İqtisadi Kibernetika» kafedrasının müdirliyindən qanunsuz olaraq çıxarılsa da, o, bu illər ərzində çoxsaylı müraciətlərinə baxmayaraq, vəzifələrinə bərpa oluna bilməyib. Əksinə, istər keçmiş rektor Şəmsəddin Hacıyev, istərsə də yeni rektor Ədalət Muradov tərəfindən profesor kimi universitetə buraxılması da məhdudlaşdırılıb. Bu günədək onu universitetə qanunsuz olaraq buraxılmadığını əsas gətirən iqtisad elmləri doktoru Bədirxan Musayev də bunu əsas gətirərək, universitetə və onun yeni rektoruna qarşı iddia qaldırmağa məcbur olduğunu deyir: «Artıq 4 ilddən çoxdur qondarma saxta əmrlərlə vəzifələrimdən azad olunsam da, məhkəmələrdəki rüşvətxorluq və ədalətsizlik bu orqanda haqqımı bərpa

etmək məqsədimi əngəlləyib. Prezidentin Ş.Hacıyevi azad edən sərəncamından sonra ümid edirdim ki, universitetin yeni rektoru, professor Ədalət Muradov mənə qarşı haqsızlığı aradan qaldıracaq. Yəni ən azından universitetin professoru, iqtisad elmləri doktoru və 60 illik xidmətlərimi nəzərə alaraq, məni professor kimi universitetə qaytaracaq. Ancaq nəinki bunlar oldu, hətta 4 ildən çoxdur universitetin binalarına buraxılmağıma əngəllər də aradan qaldırılmadı».

İqtisad elmləri doktoru Bədirxan Musayevin sözlərinə görə, o, universitetə buraxılmaması ilə bağlı Əddalət Muradovun cinayət məsuliyyətinə cəlb edilməsini tələb edir: “Artıq yeni iddia ərizəsini Səbail rayon Məhkəməsinə təqdim etmişəm. İddia ərizəmdə universitetə buraxılmamı və professor kimi tədris yükümün davam etdirilməsini təmin etməyi xahiş etmişəm. Hesab edirəm ki, respublika və xarici dövlətlər üçün 60-dan çox elmlər namizədi və doktoru yetişdirən, 20 il Təhsil Nazirliyində İqtisad bölməsinə rəhbərlik edən, namizədlik və doktorluq dissertasiyaları müdafiə şurasına sədrlik edən, 15 rektorla 60 il İqtisad Universitetində bütün vəzifələrdə işləyən, 40 ildən çox İqtisad Universitetinin “İqtisadi Kibernetika” kafedrasının müdiri, 12 il rektorun müşaviri, 10 il dekan, 8 il prorektor işləyən şəxs kimi, mənim buna tam haqqım çatır».

Cəfər Mərdanoğlu