Ünvanladığı müraciətlərin heç bir nəticə vermədiyini görən Kərəm Əhmədov, daha yüksək çinli vəzifə sahiblərindən köməklik istəyir

Son vaxtlar bölgələrdə baş verən sosial, iqtisadi problemlərin varlığı daha çox diqqət mərkəzində durmaqdadır. Əslinə baxsan belə bir olayların əmələ gəlməsinə səbəb, yerlərdə vəzifə sahiblərinin üzərinə düşən vəzifələrinin öhdəsindən gələ bilməməsi, yaxud da gəlmək istəməmələridir. Bu sırada Qazax rayonunun da adı, digər bölgələr kimi daha çox sosial problemlərin varlığı ilə öndə gedən rayonlardan biri hesab olunur. Çünki, redaksiyamızın ünvanına daxil olan şikayət ərizələrinin, ünvanlanan müraciətlərin bir hissəsi, elə bu rayonun payına düşür.

Bir neçə gün bundan əvvəl, üzləşdikləri problemin varlığı ilə redaksiyamıza şikayət ərizəsi ünvanlayan Qazax rayonu Hüseyinbəyli kənd sakini Kərəm Əhmədov yazdığı şikayət ərizəsində bildirir ki, “2010, 2011, 2012, 2013-cü illərdə qonşum, yəni Orucova Şahlıq Firudin qızı özbaşına yaşadığım mənzilin həyətinə daxil olaraq, yaşı 30 ili keçmiş, hətta yaşı bir əsrə yaxın olan bir neçə meyvə ağaclarımı balta ilə doğramışdır. Qonşumun etdiyi özbaşınalıq hərəkəti barədə Hüseyinbəyli kənd icra nümayəndəsi vəzifəsini daşımış Şəfiyev Raqub Mustafa oğluna və kənd bələdiyyəsinin sədri Musayev Musa Qurban oğluna, eyni zamanda

Qazax rayon Polis Şöbəsinə yazılı müraciətlər ünvanladım. Etdiyim müraciətlər heç bir nəticə vermədikdə məcbur oldum ki, DİN-nin 102-qaynar xəttinə məlumat verim. Təəssüf doğuran hal o oldu ki, etdiyim müraciət qaynar xəttində qeydiyyata alınsa da, bu günədək heç bir nəticəsi olmayıb.

Onu da qeyd edim ki, problemin varlığı ilə əlaqədar rayonun sabiq icra başçısına və bu gün də RİH-i başçısının 1-ci müavini vəzifəsini daşıyan Fərman Nağdəliyevə, qonşum Şahlıq Orucovanın əməlləri barədə dəfələrlə məlumat versəm də, heç bir ölçü götürülmədi. Həyətimdə yaşıllığı və qiymətli meyvə ağaclarımı doğrayan qonşumun əməllərindən, hətta Ekologiya və Təbii Sərvətlər Nazirliyinə rəsmi şikayət məktubu da göndərdim.Və göndərdiyim məktuba ekoloji problemlərin varlığına cavabdehlik daşıyan nazirlikdən, 25 iyul 2013-cü il tarixdə 336 nömrəli cavab məktubu da gəldi.

Adı çəkilən qonşumla aparılan söhbət zamanı bəlli oldu ki, üzləşdiyim problemin həll olunmamasının yalnız bir səbəbi var, o da, Şahlıq Orucovanın hüquq-mühafizə orqanı əməkdaşları ilə əlbir olmasıdır. Hətta verilən başqa bir məlumatda o da bildirilir ki, kimlərəsə o, “suka” da işləyir. Odur ki, ona bir kimsə “qaşın üstə qara var deyə bilmir” deyir.

Kərəm Əhmədov onu da bildirir ki, Şahlıq Orucova 2013-cü ilin iyul ayında, növbəti dəfə həyətimdə təqribən 30 yaşı olan bir neçə meyvə ağaclarımı balta ilə doğradığından, onun əməlləri barədə yenidən Qazax rayon təbiət mühafizə cəmiyyətinə, polis şöbəsinə, kənd icra nümayəndəsinə yazılı şikayətlərimi ünvanladım. Etdiyim müraciətlərlə bağlı səlahiyyətli vəzifə sahibləri tərəfindən onunla yerində söhbət aparılmış və həyat yoldaşım Axundova Gülsüm İskəndər qızına bildirilmişdir ki, Şahlıq Orucova 2500 AZN (manat) məbləğində cərimə olunaraq, ona mülki qaydada cəza tədbiri verilmişdir. Əldə etdiyim başqa bir məlumata görə, yerli vəzifə sahibləri onunla yalnız şifahi söhbətlər aparmış və real şəkildə o, cəzalandırılmamışdır.

Bu gün səhhətimlə əlaqədar Bakı şəhərində qalıram. Həyat yoldaşım tez-tez mənə və övladlarına baş çəkmək üçün Bakı şəhərinə gəlir, bu zaman Şahliq Orucova həyətimizdəki meyvə ağaclarını doğrayaraq yox edir. Gücümüz yalnız ona çatır ki, onun əməllərindən aidiyyəti orqanlara yazılı şikayətilərmizi ünvanlayaq. Şəxsən mən 2012-ci ildə Qazax rayon Polis Şöbəsinin rəisi əvəzi, polis polkovnik-leytnantı Firuz Babayevə, şöbənin əməkdaşları Nazim Əliyevə, Şahvəddin Həsənova və digər vəzifə sahiblərinə, onun əməlləri barədə məlumat vermişəm. Və xahiş etmişəm ki, təcili qonşum haqqda ciddi tədbir görülsün. Hələ bu azmış kimi

2014-cü il 15 iyul tarixində, həyat yoldaşım Bakı şəhərindən Qazax rayonuna qayıdarkən görür ki, o, ağaclar yenidən doğrayıb. Doğranmış ağacların hamısı calaq ağaclar olduğundan, mənə vurulan maddi və mənəvi ziyan təqribən 20000 AZN (manatdan) artıqdır.

Şahliq Orucova bizdən başqa daha 2 qonşunun da başına minbir oyunlar açıb. Həmçinin bizimlə qonşuluqda yaşayan Elmira Yusifovanın təsərrüfatının ətrafına çəkilmiş çəpərə də, o, od vuraraq yandırıb. Digər qonşumuz Abdullayeva Qənirə İsa qızının isə, həyətinə hasar çəkməsinə dəfələrlə mane olub. Qazax rayon prokrorluğunda Şahlıq Orucovanı dələduz kimi tanıyırlar və ona təxminən 2000-ci ildə tutduğu əməllərə görə bir il şərti cəza da verilib. Onun əməllərindən dəfələrlə qardaşına məlumat versəm də, qardaşı da onun özü kimi fırıldaqçı və dələduzdur. Bütün bu kimi səbəblər üzündən, yazıb Sizdən xahiş edirəm ki, Şahlıq Orucovanın mənə vurduğu maddi zərərin iqtisadi qiymətləndirilməsi barədə komissiya təşkil olunsun və ciddi yoxlanılsın. Yəni, mənə vurulan (maddi və mənəvi) zərər tam ödənilsin. Məndə olan əlavə sənədləri, 18 ədəd fotoşəkili maddi sübut kimi Ekologiya və Təbii Sərvətlər Naziri cənab Hüseyn Bağırova da göndərmişdim və bununla bağlı nazirliyin rayondakı səlahiyyətli nümayəndəsinə məlumat da vermişdim. Baxmayaraq problemləri qaldırıram, amma Qazax rayonu Sabir küçəsi-78 ünvanında yerləşən 2 saylı Ərazi Ekologiya və Təbii Sərvətlər Şöbəsində çalışan işçilər müraciətlərimə məhəl qoymurlar, ona görə də onların 90 %-i tutduqları vəzifədən azad olunmalıdırlar.

Bundan əlavə, rayon polis şöbəsinin əməkdaşları ünvanladığım şikayətləri lazımınca araşdırmadıqları üçün Şavəddin Həsənov və təhqiqat qrupunun rəhbəri Fərid Rüstəmov da tutduqları vəzifədən, ümumiyyətlə daxili işlər orqanlarından xaric olunmalıdırlar.

Qonşum Şahlıq Orucovanın sonuncu dəfə üz-üzə qoyduğu olayla bağlı, hadisə yerinə Qazax rayonu 2 saylı Ərazi Ekologiya və Təbii Sərvətlər Şöbəsinin səlahiyyətlisi İsmayılov Novruz Ələkbər oğlu gəlmişdir. Və o da qonşumun mənə vurduğu ziyana baxış etdikdən sonra, Şahlıq Orucovaya cərimə yazmışdır. Həmin cərimənin taleyi necə oldu, bu haqda bir söz deyə bilmərəm.

Bundan əlavə qonşum 20 metr uzunluğunda olan tikinti hasarımı da, kuvalt ilə vurub dağıdıb. Həmin vaxt etdiyim şikayətlə bağlı, hadisə yerinə sahə müvəkkili və digər polis əməkdaşları da gəlmişdilər. Daim dələduz qonşumu müdafiə edən və həmin vaxt kənd icra nümayəndəsi vəzifəsini daşıyan Şəfiyev Raqub Mustafa oğlu ilə bərabər, torpaq şöbəsinin Nəbiyev soyadılı bir işçisi də, məndən xahiş etdilər ki, gəl problemi bu qədər qabartma. Əməllərindən zinhara gəldiyim dələduz qonşum,

bu gün evində Mətanət adlı qulluqçu da saxlayır. Qulluqçunu məhz ona görə saxlayır ki, lazım gəldikdə onun əməllərinə haqq qazandırıla bilinsin.

2013-cü ilin iyul ayında kənd icra nümayəndəsi vəzifəsini daşıyan Raqub Şəfiyev tutduğu vəzifədən azad edildi və onun yerinə Əhmədov Əziz Bayram oğlu təyin olundu. O da həyat yoldaşıma bildirir ki, tərəfimizdən sizə vurulan ziyanın məbləği müəyyən olunmuşdur. Əfsuslar olsun ki, vurulan ziyan ümumiyyətlə səhv təyin olunur. Təəccüb doğuran hal odur ki, erməni kəşfiyatı gürcü ad ilə Sınıq Körpü Buraxılış Məntəqəsindən keçir və Şahlıq Orucovanın evində qalır. Bu haqda aidiyyəti qurumlara məlumat versəm də, heç kim hansısa bir tədbiri görmür.

İkinci maraqlı fakt odur ki, Gürcüstanın Marneuli rayonunun Sınıq Körpü Buraxılış Məntəqəsinin yaxın kəndlərinin birindən olan kənd sakini, Gəncədə minik avtomobilini satdıqdan sonra, Qazax rayonunun “Samolyot” adlanan ərazisindəki mağazaya daxil olur. Bu zaman dələduz qonşum Şahlıq Orucova həmin şəxsin sərxoş olduğunu görür və dərhal ona yaxınlaşaraq cibindki pulları çıxarır. Başqa bir fakt da odur ki, 15 iyul 2014-cü il tarixdə həyat yodaşım evimizə daxil olarkən görür ki, mənzilimizə çəkilən, amma yarımçıq qalmış mavi qaz turbasının ağzı açıqdır. Həyat yoldaşım başqa bir qonşunu çağıraraq bildirir ki, görəsən bunu kim açmış olar? O isə cavab verir ki, yəqin ki, xəta Şahlıq Orucovadan keçib”.

Qeyd: Qazax rayonu Hüseyinbəyli kənd sakini Kərəm Əhmədov yazdığı şikayət ərizəsində onu da vurğulayır ki, “Şahlıq Orucovanın atdığı addımlar barədə, PA zona üzrə kordinatoru olan Habil Həzəmmədova telefon vasitəsi ilə məlumat vermişəm. Hal-hazırda istəyim ondan ibarətdir ki, mənim hasarıma, həyətyanı sahəmə vurulan ziyan barədə dəqiq ekspert qərarı verilsin, vurulmuş ziyan tam ödənilsin və dələduz qonşumun əməlləri birbaşa ifşa olunsun. Çünki, həmin qadın Daxili İşlər Nazirliyində çalışan yüksək çinli vəzifə sahiblərinin, Qazax rayon Məhkəməsi hakimlərinin, eyni zamanda məhkəmə icraçılarının adından da daim sui-istifadə edib yararlanır. Ən çox isə, Ülfət Mahmudov adlı şəxsin adından istifadə edir.

Məqalədə adları çəkilən şəxslərin mövqeyini də dinləməyə hazırıq.

Hüseyn