Şəki rayonu Oxud kənd sakinlərinin bu ilin fevral ayının əvvəllərində redaksiyamıza ünvanladıqları şikayət ərizəsi əsasında hazırlanan məqalə, 09 fevral 2015-ci il tarixdə işıq üzü görmüşdü. Məqalədə kənd icra nümayəndəsi vəzifəsini daşıyan Oruc Əhmədovun qol qoyduğu qanunsuzluqlardan, kəndi ağuşuna alan sosial problemlərin varlığından və digər amillərdən bəhs olunurdu. Hətta, kənd sakinləri ünvanladıqları şikayət ərizəsində, bir neçə il bundan əvvəl yoxa çıxmış 17 yaşlı gəncin də taleyini, icra nümayəndəsinin adı ilə bağlayırdılar.

Düzdür, məqalənin dərci bəzi mətləblərə aydınlıq gətirsə də, çox keçmədi ki, müəyyən söz-söhbətlərin də əmələ gəlməsi ilə nəticələndi. Yəni, məqalənin dərcindən bir qədər vaxt keçdikdən və apardığımız jurnalist araşdırmalardan sonra, bəzi KİV nümayəndələri üz tuturlar Oxud kəndinə və məqsədləri də o olur ki, problemlərin varlığı ilə bağlı müəyyən araşdırma aparsınlar. Amma, aparılan araşdırmadan bir-iki gün keçməmiş o da aydın oldu ki, həmin şəxsləri problemlərin mahiyyəti deyil, daha çox madiyyətin varlığı düşündürür.

Bu haqda redaksiyamızı məlumatlandıran mənbənin və kənd icra nümayəndəsinin bildirdiyinə görə, həmin şəxslər özlərini GundemXeber.tv internet televiziyamızın əməkdaşları kimi təqdim edirlər. Eyni zamanda, “Gündəm Xəbər” qəzetində işıq üzü görən məqalədən də, ustalıqla “spirkulasiya” etməyi bacarırlar. Son nəticə o olur ki, icra nümayəndəsi ilə KİV nümayəndələri arasında ilk əvvəl kimlərəsə bəlli olmayan və çox keçmədən əksəriyyətə məlum olan anlaşma “sazişi” imzalanır. Sazişin şərtlərinə görə şikayətçilərin verdikləri ərizələr, icra nümayəndəsi haqda danışılanlar, hazıırlanan reportajlar və.s itbata salınmalı və belə bir addımın müqabilində icra nümayəndəsinin xeyli miqdarda “haqq-hesab tərləməsi” üçün, tərəflər arasında razılıq da əldə olunur. Amma, mərhələli şəkilıdə. (Etika naminə hələlik həmin şəxslərin adlarını tam açıqlamırıq)

Elə ki, yaşanan problemin varlığı redaksiyaya çatdırılr, o halda rəhbərlik Oruc Əhmədovla əlaqə saxlamağa məcbur olur. Və icra nümayəndəsinə vurğulayır ki, qarşı tərəf olaraq sadalanan faktların varlığına münasibətinizi bildirin. Təqribən 25-30 dəqiqə danışılan danışığından sonra, bəzi qaranlıq məqamlara aydınlıq gətirilir. Yəni, icra nümayəndəsi təsdiqləyir ki, həmin şəxslər özlərini GundemXeber.tv internet televiziyamızın əməkdaşları kimi təqdim etdilər.

Elə bu səbəbdən də, artıq məcburuq ki, aidiyyəti üzrə hüquq-mühafizə orqanlarına, yaşanan problemlərin varlığı ilə bağlı yazılı müraciətimizi ünvanlayaq.

Problemin varlığını diqqətdə saxlayacağıq

Şakir