Eldar Əzizovun dəstəsi Sumqayıtın altını üstünə çevirir

Sumqayıt şəhər İcra Hakimiyyətinin başçısı Eldar Əzizovdan “Gündəm xəbər”ə göndərilən şikayət məktubları bitib tükənmir.Sumqayıt şəhəri 14-cü məhəllə sakinlərinin şikayət məktubunda şəhər İcra Hakimiyyətinin özbaşınalığından bəhs edilir.Sakinlər yazıb bildirirlər ki,E.Əzizovun tapşırıqına (dobrosuna) əsasən həyətlərindəki yaşıllıqlar məhv edilir.

Ümumiyyətlə başçı bu şəhərə təşrif buyurandan sonra çoxsaylı yaşıl “soyqırıma” imza atıb.Adam yaşıllığı və ağacları sevmir. İllah da adına adaş olan eldar şamlarını. Dəfələrlə Mehriban Əliyevaya,Ekologiya və Təbbi Sərvətlər Nazirliyinə yazdıqları şikayət nəticəsiz qalıb.Ekologiyadan gələn əməkdaşın İH başçısı E.Əzizovun şəriki tikinti maqnatı Aslanla anlaşmasıdan sonra həyətlərindəki çoxillik ağaclar qırılaraq yerində göydələnlər tikilib.

14-cü məhəllə sakinləri ilə söhbətləşərkən sakinlər onlarla yarıya qədər (yarımdarəvi) kəsilmiş ağacların şahidi olduq.14-cü məhəllə Sumqayıt şəhərində ilk salınan məhəllərdəndir.Ahıl insanların öz əlləri ilə əkdikləri ağacların gözləri qarşısında qırılmasını qəbul etmirlər.Məhəllədə artıq körpələrin istirahəti üçün demək olar ki,təhlükəsiz yer yoxdur.Şikayətçilər bildirir ki,E.Əzizovun yaxınlarından birinə məxsus 14-cü məhəllədə fəaliyyət göstərən kafe mövcuddur.Bu kafe priton kimi fəaliyyət göstərdiyindən məhəllə sakinlərinin qəzəbinə səbəb olub.

Həyətlərində priton kimi fəaliyyət göstərən kafe haqqında dəfələrlə adiyyatı qurumlara şikayət edilsə də bir nəticəsi olmamışdır.Kafeyə gələn yüngül əxlaqlı insanlarla sakinlər arasında dəfələrlə dava-dalaş baş vermişdir.Boşuna deyilməyib: “arxalı köpək qurd basar”.

Eldar Əzizov Sumqayıta təyinatından sonra Aslan adlı sahibkarla şərikli inşaat işlərinə girişib.”Aslan”ın əli ilə müxtəlif əraziləri zəbt edərək göydələnlər tikib. Sumqayıtda Aslanın aslanlıq eləməsinə səbəb İH başçısı Eldar Əzizovun tikinti maqnatına himayədarlığıdır

Şikayətlərindən sonra Sumqayıt İH nümayəndələri sakinlərlə görüşərkən,həyətlərinin nümunəvi həyət kimi yenidən qurulmasını əsas gətiriblər.Sonradan “həmin nümunəvi həyət”lərində göydələnlər tikilib.Bundan əlavə sakinlərə məxsus (sənədli) qarajlar,binaların qızdırılması üçün nəzərdə tutulan qazanxana yerlə yeksan edilərək yerində binalar tikilib.Hal-hazırda tikinti meydançası hasarsız olduğundan azyaşlıların həyatına təhlükə var.

Sakinlərin şikayətini dinlədikdən sonra şəhərin mərkəzinə üz tutduq.Sumqayıt Şəhər Təhsil Şöbəsinin 10 adımlığında piyadaların gediş-gəlişi üçün nəzərdə tutulmuş səki hasarlanmışdı.Qoltuğu papqallılarla mübahisəsinin şahidi olduq.Tez hasarı sökün deyirdilər.Fəhlə papqalıya:”Müəllim başçının bu işdən xəbəri var, gedin işinizlə məşğul olun”.Özlərini Sumqayıt şəhər İcra Hakimiyyətinin nümayəndələri kimi təqdim edən şəxslər bu sözdən sonra suyu süzülə-süzülə ərazidən uzaqlaşdılar.

Bələdçimiz bizi Heydər Əliyev prospektinin köhnə xəstəxana deyilən ərazisində yolu zəbt edərək “Bioloji Təbabət Klinkası”kimi sakinlərin “xidmətində”duran səhiyyə “ocağı”ilə də bizi tanış etdi.Bu kimi qanunsuz obyektlər Sumqayıtda onlarladır.

Sumqayıt Şəhər İcra Hakimiyyətinin başçısı Eldar Əzizovun Gəncədə İH başçısı işləyərkən özündən təlim görmüş müavinləri,kommunal təssərüffat işçiləri,memarlar,özünə məxsus tikinti briqadaları”Çiqan”sayağı Sumqayıtın altını-üstünə çevirir.Eldar Əzizovun göstərişinə əsasən parklardakı ağaclar qırılaraq yerini restoran,şadlıq evi,klinika,kafe,market,çayxana yeri kimi sahibkarlara satdırır.

Sakinlər dəfələrlə ölkə başçısı İlham Əliyevə bu özbaşınalıqlar barədə şikayət məktubları göndərsələr də heç bir nəticəsi olmayıb.Məhəllə sakinləri Eldar Əzizova və Sumqayıtda aslanlıq edən Aslana dur deyən axtarışındadırlar.

Kənan

gundemxeber.az