“Kür” Vətəndaş Cəmiyyəti Qərargahı FHN-in istifadəyə
verilmiş evlərin siyahısı üzrə Zaqatalada monitorinq keçirir

Ölkənin gərgin bölgələrindən biri Zaqatala olaraq qalır. Ötən ilin mayında bu rayonda 6 bal gücündə zəlzələ olub. Zəlzələnin fəsadlarının aradan qaldırılması üçün dövlət büdcəsindən öncə 20 milyon manat, daha sonra 300 milyon manat vəsait ayrıldı.
Bölgədə 3 min 500 evin, 35 məktəbin tikilib istifadəyə verilməsi nəzərdə tutulub. FHN-nin yanvarın 27-də açıqladığı rəqəmə görə, 2 min 984 ev istifadəyə verilib. Bu isə ciddi şübhələrə yol açmışdı. Çünki zəlzələdən sonra ilk 6 ay ərzində 682 ev tikən nazirliyin 2 ay müddətinə birdən-birə, az qala, 3 min evin inşasını bitirməsi inandırıcı görünmür. Tikinti zamanı vəsaitin yarısından çoxunun nəyə xərclənməsi də sual doğurur
“Kür” Vətəndaş Cəmiyyəti Qərargahı hazırda bölgədəki real durumu araşdıraraq FHN-in istifadəyə verilmiş evlərin siyahısı üzrə rayonda monitorinq keçirir. Monitorinq «Kür» koordinatoru Oqtay Gülalıyev, “Turan” İnformasiya Agentliyinin rəhbəri Mehman Əliyevin rəhbərliyi altında aparılan monitorinqə jurnalist heyəti də cəlb edilib.