Daşkəsənin icra başçısı Əhəd Abıyevin yaxın qohumlarına yüksək vəzifə verilib

Musavat.com-a daxil olan məlumata görə onun qardaşı Zəfər Abıyev DİN-in Qazaxıstan və Qırğızıstandakı nümayəndəliyinin rəhbəri təyin edilib. Xatırladaq ki, bu təyinatadək Z. Abıyev DİN Cinayət-Axtarış İdarəsində şöbə rəisi işləyib. Əhəd Abıyevin qardaşı oğlu Heydər Abıyev isə MTN-in Quba rayon şöbəsinə rəis təyin olunub. Əhəd Abıyev əməkdaşımızla söhbətində bu xəbəri təsdiq edib.