Bəturə Səmədova: “Məktəbdə yaşananları ictimailəşdirməyə çalışdım ki, qoy təhsil nazirimiz cənab Mikayıl Cabbarov da bilsin ki, məhz onun rəhbərlik etdiyi nazirliyin yerli strukturlarında bu cür əxlaqa, bu cür düşüncə tərzinə malik müəllimlərimiz də var”

Hər zaman təhsil ocaqlarında yaşanan ab-hava, yəni istər tədris onunan dərsliklərin keyfiyyəti, istər müəllim şagird, istərsə də müəllim valideyin münasibətləri və.s belə, daha çox nəzər-diqqəti cəlb edən mövzulardan biri olub. Belə bir münasibətlərin qarşılığında, fəaliyyəti davam etdirilən təhsil ocaqlarına qarşı ictimai münasibət formalaşır ki, bu da yeri gəldikdə hər kəsin təhsil ocağı barədə konkret mövqeyini ortaya qoymasına səbəb olur. Bəs bu gün nələr baş verir ki, Abşeron rayonunun Xırdalan şəhərində fəaliyyət göstərən 9 saylı Ərəb Təmayüllü Məktəbdə yaşananlar, təkcə məktəb kollektivi tərəfindən deyil, hətta ətraf ərazilərdə yaşayan sakinlər və geniş ictimaiyyət tərəfindən müzakirəyə çıxarıldığından, bu gün də tənqid atəşinə tutulmaqdadır.



Adı çəkilən təhsil ocağında yaşanan olaylar haqda redaksiyamıza ərizə ilə müraciət edən və Xırdalan şəhəri Quşçuluq massivi adı ilə tanınan ərazidə yaşayan Səmədova Bəturə Ələsgər qızı yazdığı şikayət ərizəsində bildirir ki, “bir neçə gün bundan öncə oğlum Lətif Qasımlını, məktəbdə biologiya müəlliməsi işləyən Rumiyə xanım baş nahiyəsindən ağır zərbə ilə vurur. Azyaşlı oğlum sudurğa xəstəsi olduğundan, onun səhhəti olduqca pisləşir. Bu haqda xəbəri eşitdim və ləngimədən məktəbə üz tutdum ki, uşağımın hansı səbəbdən vurulmasını aydınlaşdıra bilim. Rumiyə xanımı görüb oğlumu niyə vurduğunu soruşduqda, çox keçmədi ki, 9 saylı Ərəb Təmayüllü Məktəbdə direktor müavini işləyən Sevinc xanım, məni təhqiramiz ifadələrlə, ifadə olunması mümkün olmayan küçə sözləri ilə təhqir etdi. Hətta, bu azmış kimi onun “ay küçə qadını, axrıncı qadın, tərbiyəsiz ana, sən bura niyə gəlmisən, müəllim şagirdi döyüb tərbiyə edir” dedikdə, öz-özlüyümdə çox fikirləşdim ki, bu cür əxlaq, davranış, danışıq qabiliyyəti olan müəllimələrdən, övladlarımız hansı tərbiyyəni götürə bilərlər? Düzdür, övladımın vurulması nə qədər ağrılı-acılı olsa da, məktəb müəllimələrindən nalayiq ifadələri eşitməyim isə, mənim üçün daha ağır oldu. Elə bu səbəbdən də, məktəbdə yaşananları ictimailəşdirməyə çalışdım ki, qoy təhsil nazirimiz cənab Mikayıl Cabbarov da bilsin ki, məhz onun rəhbərlik etdiyi nazirliyin yerli strukturlarında bu cür əxlaqa, bu cür düşüncə tərzinə malik müəllimlərimiz də var”.

Bəli, əslində belə bir addımların atılması qanunla qadağan olunsa da, deyəsən 9 saylı Ərəb Təmayüllü Məktəbdə nə qanunu, nə də qaydanı saya salan var. O halda ortaya çoxsaylı suallar çıxır ki, görəsən Rumiyə xanımın xəstə şagir başına zərbə yetirməsinə, adı çəkilən təhsil ocağının rəhbərliyimi ixtiyar verib, yoxsa kimsəmi? Bax bu haqda düşünmək, bu yöndə lazımi araşdırmalar aparmaq lazımdır ki, bəzi mətləblərdən xəbər tuta bilək. Yoxsa...

Mövzunu diqqətdə saxlayacağıq.

Mirzə

gundemxeber.az