Təhsil naziri Mikayıl Cabbarov hara baxır?
Azərbaycanda təhsil islahatları, bu sahədə hökm sürən problemlər aparılan işlər hər zaman cəmiyyətin diqqət mərkəzində olub. Çünki elə bir xalq ola bilməz ki, öz gələcəyi, dolayısı ilə təhsil sistemi üçün narahatlıq keçirməsin. Ölkəmiz müstəqillik qazandığı dövrdən indiyə qədər keçən zaman kəsimində təhsil sistemi enişli-yoxuşlu mürəkkəb bir yol keçib. İki fərqli sistemin harmoniyasından yeni, uğurlu bir təhsil sistemi formalaşdırmaq çətindir. Müasir dünyaya sürətlə inteqrasiya edən ölkəmizin təhsil sistemini yeni tələblər əsasında qurmaq, köhnə və müasir dünyagörüşlərinin qarşılığından yeni vətəndaş yetirmək təbii ki, mürəkkəb prosesdir. Lakin, nəzərə almaq lazımdır ki, islahatlar təkcə qəbul edilən qanunlarla, proqramlarla həyata keçirilmir. İslahatların ən birinci uğuru həm də onları həyata keçirməyə qadir olan müasir təfəkkürlü islahatçılardır.

Müstəqilliyimizin memarı, yeni Azərbaycanın qurucusu olan ümummilli lider Heydər Əliyev hər zaman təhsil sistemini dövlətin aparıcı prioritet sahəsi hesab edib. Hələ Sovet imperiyasının sərt təzyiqləri altında o, müstəqil Azərbaycanın təhsil sisteminin əsaslarını hazırlayırdı. Tarixin Ulu Öndərə verdiyi xilaskarlıq missiyası ilə hakimiyyətə dönüşündən dərhal sonra bu sahədə inqilabi dəyişikliklərin əsasları qoyuldu. Vaxtilə SSRİ-nin ali təhsil ocaqlarında çoxsaylı Azərbaycan ziyalı kontingentinə hamilik edən lider indi müstəqil ölkənin gələcəyi üçün çalışırdı. .

Azərbaycan ərazi baxımından kiçik ölkədir. Ancaq burada baş verən elə unikal hadisələr olur ki, dünyanın dörd bir çevrəsini dolaşsan, belə bərabərinə rast gəlmək mümkün deyil. Təsadüfi deyil ki, xalqımıza çox zaman şair təbiətli xalq deyirlər. Bu həm də bizim yaradıcı təbiətimizdən yenilikçi ruhumuzdan irəli gəlir. Hərgah bizlər bu yaradıcı qabiliyyətimizi, şair təbiətimizi doğru-düzgün istifadə etsəydik daha böyük nailiyyətlər qazanardıq. Lakin bütün bunlara baxmayaraq, "böyük" ideyaları çox zaman şəxsi maraqlarımıza qurban verdiyimiz üçün xalqımız onun bəhrəsini görmür, olsa-olsa bir neçə nəfər onun xeyrini görür. Amma, xeyrini deyirəm haa. Əslində jurnalist araşdırmamızın ictimai rəyi nəticəsində yaranan bu yazıyla mən təhsilimizi rüsvay edənlərin çılpaqlıqlarını özlərini idarə etdiyi sahəsinin "balaca padşahları" hesab edənlərin çirkin əməllərinin çox kiçik bir hissəsini ölkə prezidentinə, onun birinci xanımına çatdırıram.

Belə ki, son vaxtlar Yasamal rayonu ərazisində yerləşən 286 saylı məktəbdən redaksiyamıza ünvanlanan şikayətlər artmaqda davam edir. Mövzu ilə bağlı əvvəllər kifayət qədər məlumat vermişik. "M.Cabbarovun 30 minlik direktor əməliyyatı" adlı səhifəmizdə dərc edilən yazıdan sonra məktəbin müəllim və valideyn kollektivi tərəfindən redaksiyamıza ünvanlanan şikayətlər çoxaldı. "Köçürülümə əməliyyatı" adı altında Bakının 129 nömrəli ümumtəhsil orta məktəbindən 286 saylı ümumtəhsil orta məktəbinə ixtisasca idman müəllimi olan Samir Mehdizadə məktəbin müəllim kollektivinə "müharibə istəyirsinizsə, müharibə edək" və yaxud "bu necə idman zalıdır ki, zaldan səs gəlir" deməsi ilə açıq "müharibə" elan etdi. Hələ ilk pedoqoji şuranın iclasında Samir Mehdizadə "Mən bura müəllimləri və valideynləri tərbiyələndirməyə görəvləndirilmişəm" ifadəsi böyük müəllim kollketivini qəzəbləndirmişdi. İxtisasca idmançı direktoru məktəbin idman zalından gələn səs-küyün narahat etməsi bizi təəccübləndirdi. Sonradan aydın oldu ki, direktor-müəllim idmanın yalnız şahmat sahəsinə maraqlıdır.

Təəccüblüdür? 2400 şagird kollektivi, 400 nəfərə yaxın müəllim və işçi heyəti olan məktəbə pedoqoji kollektivlə işləməyi bacarmayan, ixtisasca idman müəllimi göndərildiyi halda ona kömək məqsədilə ixtisasca əmək müəllimi Həqiqət Əliyeva müavin kimi niyə göndərilir? Əgər nəzərə alsaq ki, bu məktəbdə kifayət qədər müavin vəzifəsini icra edən müəllim var. Bu "qaranlıq" müavinin pərdəarxası "fəaliyyəti" barədə gələcəkdə məlumat verəcəyik.

Aldığımız son məlumatlarda bildirilir: "Artıq məktəb direktorunun bu xoşagəlməz idarəetməsindən bezmişik. X-XI siniflərdə davamiyyət olduqca aşağıdır. Jurnallar dövlət sənədi olduğu halda, pozuntularla doludur. Bir sözlə, bu şəxsdən bizə direktor olmaz. Olsa-olsa şahmat məşğələləri təşkil olunarsa heç olmasa öz sahəsini bilirsə müəllim olar. Hətta son hadisələrdən birini qeyd edərdik ki, valideyn və direktor arasında olan mübahisənin sonu direktorun iş otağında onun döyülməsi ilə başa çatmışdır. Hesab edirik ki, təhsil naziri M.Cabbarov nəhayət özündə bir iradə taparaq özünün yaxın dostlarına; - müavinə və yaxud aparat rəhbərliyinə qanunamüvafiq qaydada tapşırıqlar verməyinin zamanı çatdığını düşünəcəkdir.

gundemxeber.az