Qarabağ Qazisi haqqını istəyir: “Əgər bir ay müddətində Sumqayıt İH başçısı E.Əzizov onu evlə təmin etməsə ölkə vətəndaşlığından imtina edəcəm”

Eldar Əzizovun Qarabağ Qazisinə "Qayğısı"adlı yazı "Gündəm xəbərdə"dərc olunandan bir gün sonra I qrup Qarabağ Qazisi Malik Məcidovu Sumqayıt şəhər İH başçısı qəbul edib. Qəbulda IH başçısının müavini Tariel Hacıyev , Mənzillərin Uçotu , Bölüşdürülməsi və Dəyişdirilməsi şöbəsinin müdiri Sədaqət Əsədova iştirak etmişlər. Xatırladaq ki, M.Məcidov aldadılarkən həmin ərəfədə Mənzillərin Özəlləşdirilməsi və İnventarlaşdırılması şöbəsində müdir vəzifəsində işləyən Sədaqət Əsədova sabiq İH başçısı Vaqif Əliyevin göstərişi ilə M.Məcidovun evini saxta sənədlərlə başqasının adına özəlləşdirərək satmışlar. Qəbul zamanı E.Əzizov tərəfləri üzləşdirmişdir. İH yetkililəri etdikləri maxinasiyanı etiraf etmişlər. Sonda E.Əzizov M.Məcidovun Qarabağ və şəhid ailələri üçün nəzərdə tutulmuş ev növbəsinə götürülməsi haqqında tapşırıq vermişdir.Söhbət zamanı M.Məcidov tezliklə ona ev verilməsini tələb etmişdir. M.Məcidovun dediyinə görə ev növbəsinə tələb olunan bütn sənədləri toplamasına baxmayaraq Mənzillərin Uçotu, Bölüşdürülməsi və Dəyişdirilməsi şöbəsinin müdiri Sədaqət Əsədova onu növbəyə götürməkdən imtina edir.
Xatırladaq ki,adıcəkilən yazıda Sumqayıta Vaqif Əliyevin rəhbərlik etdiyi dövrdə Qarabağ əlilləri və şəhid ailələri üçün tikilən binadan bir mənzilini də I –ci qrup əlil M.Məcidova verirlər. Təəssüflər olsun ki, həmin evdə yaşamaq Qarabağ Qazisinə qismət olmur. Evlər paylanarkən H.Əliyevin anım günü və “Gül bayramı”na hazırlıq gedirmiş.Sumqayıtın sabiq İH başçısı V.Əliyev pul “sıxıntısı”keçirirmiş.Bu səbədən pul əldə etmək üçün mənzillərdən birini satmaq qərarına gəlirlər.Başçının göstərişi ilə münasib və “yolagəlimli” adam axtarışına çıxırlar.Həmin vaxt Mənzillərin Uçotu ,Bölüşdürülməsi və Dəyişdirilməsi şöbəsinin müdiri Gülsarə Əhmədova vasitəçilik edərək M.Məcidovla sabiq İH başçısı V.Əliyevlə təmasını təşkil edir.Başçının iş otağında evi satmaq barədə sövdələşirlər.Sövdələşmədə M.Məcidova bildirlir ki, ona növbəti ev bölgüsündə 2 mənzil veriləcək.Bundan əlavə ona “Karvan Ticarət Mərkəzi”dən bir dükanda hədiyyə ediləcək.Bu minvalla M.Məcidovu aldadaraq evini satırlar. “Gül bayramı” təmtərala yola verilir. Xeyli müddətdən sonra ev bölgüsündə vəd verildiyinə baxmayaraq M.Məcidova ev verilmir. O, İH başçısı V.Əliyevdən evini tələb etsədə heçnəyə müvəffəq ola bilmir.Ümid yeri kimi Sumqayıt şəhər məhkəməsinə üz tutur. Nə yaziqlar olsun ki, məhkəmə M.Məcidovun hüquqlarını bərpa etmir.Bu azmış kimi onu ev növbəsindən də çıxarırlar. M.Məcidov qəzetimiz vasitəsi ilə prezident İ.Əliyevə müraciət edərək,prezident seçkilərini nəzərə alaraq bildirir. “Sumqayıtın keçmiş İH başçısı V.Əliyev məni aldadaraq evimi satdırıb mərhum prezident H.Əliyevin anım gününə və “Gül bayramı”na xərclədi. Vəd verdikləri kimi mənə ev vermədilər. Hal – hazırda Xəzər bağlarında qohumumun bir otaqlı bağ evində ailəmlə yaşayıram. Ev bataqlıqda tikildiyindən divarları nəmişlikdir.V.Əliyevin ucbatından ailəliklə revmatizm xəstəliyinə tutulmuşuq.”
M.Məcidov sonda bildirir ki, “əgər bir ay müddətində Sumqayıt İH başçısı E.Əzizov onu evlə təmin etməsə ölkə vətəndaşlığından çıxmaq üçün Diplomatik Korpuslardan sığınacaq istəmək məcburiyyətində qalacaq”.
Musa