Əsabil Qasımov ona mandat verənlərə salamı belə çox gördü və müharibə qazisini isə qovdu!... Daha bir Şuşa köçkünü Əsmayə Əliyeva da dünyasını dəyişdi
07 sentyabr 2016-cı ildə 79 saylı İmişli DSK-nın qarşısında söhbət edirdik. Bu zaman ağ rəngli “Mersedes-class” avtomobilini digər inomarka markalı avtomobillərin müşayəti ilə DSK-nın qarşısında dayandırdı və ağ avtomobildən keçmiş iş yoldaşım, hal-hazırda deputat olan Qasımov Əsabil və digərləri düşdülər. Əsabil Qasımov heç kimə salam vermədi. Çünki 79 saylı DSK-nın üzvləri ona layiq olmasalar belə, ona millət vəkili mandatı vermişdilər, cəzaları idi ki, bu gün də çəkirlər. Çox keçmədən Əsabil Qasımov onu müşayət edən dəstə ilə birlikdə İmişli RİH-nə daxil oldu. Beş dəqiqə ərzində şikayətçilər toplaşdılar, onun ağ avtomobilini 10 AF 877–ni dövrəyə aldılar. On dəqiqədən sonra Əsabil Qasımov, RİH-nin başçısı Vilyam Hacıyev və YAP İmişli rayon təşkilatının sədri S.Ağayev İH-nin binasından çıxsalar da, onlarla şikayətçi onunla görüşmək istədi. Amma, Əsabil Qasımov heç kəslə görüşmədi. Çünki kifayət qədər var-dövləti, ölçüyə gəlməz dərəcədə sərvəti olan bu şəxs, şikayətə gələnlərdən qurbağadan iyrənən kimi iyrəndi. İcra başçısı Vilyam Hacıyev isə şikayətçilərə: “Sizi mən qəbul edəcəyəm, bunu deputatımız məndən xahiş edir” dedi. Əsabil Qasımova könüllü döyüşçü, Qarabağ müharibəsi veteranı, ulu öndər Heydər Əliyevin çağrışı ilə 16 oktyabr 1993-cu ildə döyüşə gedən Quliyev İsa Arif oğlu yaxınlaşmaq istədikdə, Ə.Qasımov ona “ə, yenə sən gəldin”, əli ilə onun ondan uzaqlaşmasını tələb etdi. İsa Quliyevin iki azyaşlı məktəbə hazırlaşan övladları var və həyat yoldaşı da müəllimədir. Hər ikisi işsizdir və onun bildirdiyinə görə, bədəninin bir hissəsi də iflic vəziyyətdədir. İsa Quliyev onu da bildirdi ki, “atəşkəsə qədər ordu sıralarında olmuşam. Bir həftə bundan əvvəl Bakıda Ə.Qasımovun qəbuluna getdim. Məqsədim ondan azyaşlı övladlarımı məktəbə yola salmaq üçün kömək almaq idi. O, mənə kinayə ilə “sənin biləyin mənimkindən iki dəfə yoğundur, utanmırsan məndən yardım istəyirsən?”-dedi.
Hal-hazırda ərizə yazıb bu ölkədən getməyə hazırlaşıram. Mən bu Vətən üçün döyüşdüm, Əsabillər də milyarder oldular. Vətən mənə oğul demirsə, deputat mənə həqarətlə baxırsa, artıq bu vətən mənim deyil! Bu vətəndə övladlarımın qarşısında xəcalətli qalmaq istəmirəm, mənə köməklik edin ki, icra başçı Vilyam Hacıyev məni qəbul etsin. İmişlili milyarderlərdən Vilyam Hacıyev daha yaxşı insandır, amma pullu deyil”.
Ə.Qasımova yazıçı M.Şahverdiyeva və Günay Qurbanova da məktubla müraciət etsələr də, hepatit xəstəsi olsalar da, o, onlara köməklik etməmiş və telefonlarına da cavab verməmişdir. Günahkar həmin insanların özləri idi ki, onlar Ə.Qasımova beş-on manatdan ötəri səs vermişdilər. Ə.Qasımovun bir “işverənlə” səmimi görüşməsi, çox keçmədi ki, DSK üzvləri tərəfindən gülüşlə qarşılandı.
Bu gün Əvəz Şükürov və adını çəkib şərəfləndirmək istəmədiyim, tərbiyədən uzaq, İmişli RPŞ-də rəis müavini Habil Ağayevin və digər polis əməkdaşlarının sevimlisi olan birisi barədə, Baş Prokurora yazdığım şikayətlə bağlı İmişli rayon prokuroru Pənah Abbasovla görüşdüm. Gənc və yüksək mədəniyyətə malik olan prokuror köməkçisi Sultan Muradova ilk izahatımı verdim. Səmimiyyətə görə rayon prokuoru cənab P.Abbasova təşəkkür edirəm. Eləcə də mənə verdikləri dəstəyə görə “Gündəm xəbər” qəzetinin yaradıcı kollektivinə, ADP sədrinin müavini Həsrət Rüstəmov və xüsusilə də analitik təhlili açıqlamalarına görə “Konflikt” xəbər-portalına təşəkkür edir, hər birinin qarşısında baş əyirəm!. “Hər şeyin təzəsi, dostun köhnəsi” Həsrət bəy! Sizə təşəkkürlər!
Kim kimə borcludur, borcunuzu beləmi qaytardınız Əvəz Şükürov! Talehin işinə bax!. 2001-ci ilin əvvəlində Əvəz Şükürovun mərhum qardaşı, dostum Rüstəm Əvəzovdan İmişli bazarının sahibindən, Əziz Quliyev adlı şəxs Naxçıvanlı iş adamı olan bəy Mamedə söykənərək, məhkəmələr vasitəsilə bazarı əllərindən alanda, həmin qardaşlara, ilk dəstəyi Davud və Məhbub Zülfüqarlılar verdi. Qardaşları Məcnun Şükürovu infakt vurmuşdu, o zaman gedib səbr dilədim. Başçı Əli Məmmədov bunların 72 min manatını qaytardı. Əvəz Şükürov Əziz Quliyevə bir sillə vurduğuna görə, sabiq polis rəisi Zahid Məmmədov Əvəzi həbs etdi və nəyinsə qarşılığında az sonra onu azad etdi. Əvəz Şükürov 12 yanvar 2001-ci ildə biz qardaşlara Qurani-Kərimə and verdirdi. Bakıda ADP baş katibi Sərdar Cəlaloğlu ilə görüşdən qayıdırdıq. Əziz Quliyev biz qardaşları polislə təqib etdirirdi deyə, Davud Zülfüqarlı o vaxtdan BAXCP-a keçdi. Qüdrət Həsənquliyev Davud bəyi qoruya bildi və 31 may 2001-ci ildə isə RPŞ rəisi olmuş Zahid Məmmədov məni “polisə müqavimət” adı ilə 15 günlük həbs etdirdi. Əziz Quliyev Davud bəyi 52 dəfə bəndənizi, 21 dəfə məhkəmələrə çəkdirdi. Nəhayət 25 sentyabr 2009-cu ildə İmişli rayon Məhkəməsində bir il müddətinə məni CPM-147-2 maddəsi ilə cəzalandırdı. Həmin iş Avropa Məhkəməsinin icraatındadır.
Bugünkü milyarderlərin 2000-ci illərə qədər və bu günə olan var-dövlərinin həcmi aydınlaşdırılmalı, Vergilər, DSMF eləcə də Korrupsiyaya Qarşı Mübarizə İdarəsi bu şəxslərin qazanc mənbələrini aydınlaşdırmalıdırlar. Əziz Quliyev, Əvəz Şükürov eləcə də Əsabil Qasımov yuxarıda qeyd etdiyim kimi aşağı təbəqədən qurbağadan iyrənən kimi iyrənirlər. Əziz Quliyev 70 yaşlı qadından yer haqqı 4 manat, eləsindən 5 manat rusum aldırır. Bazardakı apteklər 500-700 manat, mağazalar 200-400 manat yer haqqı ödəyirlər. Heç kəsdən heç birinin çəkinəcəyi yoxdur. Vergilər Nazirliyindən tələb edirəm ki, araşdırsınlar bu sahibkarlar aldıqlarından nə qədər rüsum vergi ödəyir. Referendiumdan sonra yəqin ki, cənab Prezident vətəndaşları halallıq, sahibkarlıq adı ilə dövlətindən, prezidentindən asi salanların kimliyini aydınlaşdıracaq. Yəqin ki, ..... inanıram. Amma politoloqlar əksini deyir, onları da başa düşmək olar. Biz qardaşlar bu xalqdan, dövlətdən ötəri canımızı fəda etdik, ikinci dəfə dünyaya gəlsək, yenə də bu gözəl, səmimi, siyasətdən uzaq, bir qədər də talehinə laqeyd, sadəlövh xalqımızdan ötəri canımızı əsirgəmərik. Amma, kimsələr var-dövlət hərislərinin bizləri təqibini də anlayırıq, sağ olsunlar, biz qardaşları bu xalqa sevirdiklərinə görə Əsabillərə təşəkkür edirik!
Ətəyində günahsızların qanı olan, günahkarların qüdrətinə qüdrət qatan dünyanın (oxu Ə.Qasımovların, İmişlidən olan milyard sahiblərinin) lüğətində “Ədalət” sözünün var olduğuna şübhəm var...
Uşaq qanı ilə, uşaq göz yaşı ilə gülləri sulanan bir dünyada ədalət günəşinin doğmasına da şübhəm var. Facebookdan L.Fikrətli, “bəli, dünya baş ayaq dünyadı”. Şükür ki, ölkəmizin müxalifəti qeyri-zorakıdır və prezident İlham Əliyevin belələri ilə müqayisədə ürəyində Allah xofu var. Ölkəmizi hələ ki, Suriya, İraq, Liviya, Əfqanıstana dönməyə imkan verilmir və müxalifətin qeyri-zorakılığı, eləcə də prezidentin hadisələrə layiq yanaşması var. Prezident harınlaşmışları qandallatsa da, milçək toxumu kimi artırlar, onlar öz bildiklərini edirlər, xalqı sobotajla, qiymət artımı ilə təxribata çəkirlər.
Məni faş olmuş MTN-lər hədələyirlər ki, “sən radikal müxalifətçi olaraq İlham Əliyevin düşmənisən”. Onlara yazıqlar olsun deyirəm: “Mən prezident İlham Əliyevi yenilməz etmək üçün müxalifətçiyəm, rəsmən müxalifətdən çıxsam da, qəlbən müxalifətçiyəm, Ali Baş Komandan İlham Əliyevə isə, “əsgərəm”-deyirəm.
Əsabil Qasımovun qovduğu İsa Quliyev Qarabağ müharibəsi iştirakçısı, qan-qada görmüş əsgər, ulu öndər Heydər Əliyevin çağrışı ilə silaha sarılmış vətən oğludur. Ə.Qasımovdan bu vətən üçün başı uca əsgərdir. Bəs şəhid olsa idi necə? Qəbrinin üstünə, üzünə yalançı qəmginlik verməklə gül-çiçəkmi qoyacaqdın? Üstümə reket qaldıranlar, məhz sənə söykənirlər cənab Qasımov! Axı sən ruspərəstsən, istəyirsənmi rusların sənə qoyduğu ayamanı da deyim?
ADƏM-dən HƏVVA-ya üzü bu yana biz qardaşlar heykəl qurbanlarıyıq. Qardaşım Davudu 11 mart 1990-cı ildə Səməd Vurğunun heykəlini mərmərə batırdığı üçün həbs etmişdilər. Bəndənizi isə, mərhum prezidentimiz Heydər Əliyevin parkını öz adına qaytartmaq istəyinə görə cəm iş verənlər təqib etdirirlər.
P.S. Bu gün daha bir şuşalı köçkün Əsmayə Əliyeva dünyasını dəyişdi. Onu İmişli Kommunal Təsərüfat İstehsalat Birliyinin rəisi Rasim müəllim və işçiləri təmtəraqla, lazımı qaydada dəfn etdilər. 4 il əvvəl isə, onun bacısı Sevil müəllimə dünyasını dəyişmişdi. Şuşalılar ilk dəfə İmişliyə gələndə, bu insanlara ilk yardımı cəbhəçi olaraq bəndəniz və mərhum dostum Sumbat Kazımov etmişdi. Bütün ləvazimatlarla, hətta stəkan, çaynik və ərzaqla biz təmin edib qarşılamışıq. RİH-nin hüquqşünası Rahim Zahidov yerlə təmin etmişdi. Hətta, geyəcək paltarlarını qoyub çıxmışdılar. Mərhum Sumbat Kazımov hər şeylə təmin etmişdi.

Akif Quliyev