Gənc əsgərlərə hədə-qorxu gələrək onların pullarını alan mütəşəkkil dəstə üzvlərinə cəza verildi

Hədə-qorxu yolu ilə pul tələb etməkdə və başqa ağır cinayətlər törətməkdə təqsirli bilinən Kürdəmir rayon sakini, 1994-cü il təvəllüdlü Əmiraslan Süleymanovun və onunla birlikdə ittiham olunan Mirzalı Hacıyevin, Amil Həmidovun, Həsən Cəbiyevin, Finyad Muradovun və Elgün Allahverdizadənin cinayət işi üzrə məhkəmə prosesi başa çatıb.

İttihama görə, təqsirləndirilən şəxslər Müdafiə Nazirliyinin Hərbi Hava Qüvvələrinin Şəmkir şəhərində yerləşən “N” saylı hərbi hissəsində xidmətdə olublar.

Əmiraslan Süleymanov həmin hərbi hissənin avtomobil-texniki bölüyünün sürücü-mexaniki vəzifəsində, əsgər rütbəsində xidmətdə olarkən bölükdə əsgərlərin özləri tərəfindən qoyulmuş qeyri-qanuni qaydalara əsasən onların özləri tərəfindən bölüyün idarə edilməsinə “xüsusi status” verən “böyük” təyin edilməsindən istifadə edib. O, 2 iyul 2013-cü il tarixdə, səhər saatlarında hərbi hissənin Şəmkir şəhərində yerləşən avtomobiltexniki bölüyünün ərazisində tabelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozub.

Əmiraslan Süleymanov bölüyün əsgəri Elşən Şıxəliyevin üzərində zorakılıq göstərib. Əmiraslan Süleymanov onu və bölüyü incidəcəyi ilə bağlı hədə-qorxu gəlib. Axşamadək vaxt qoymaqla ondan 5 manat məbləğində balansartırma kartı

almasını tələb edib.

Elşən Şıxəliyevin imkanı olmadığından buna nail ola

bilməyib. Bu səbəbdən axşam saat 20 radələrində məqsədinə nail olmaq üçün Elşən Şıxəliyev və bölüyün əsgərləri Mais Musayev, Əmrah Sadıqov və Alim İsgəndərovu sıraya düzüb. O, həmin əsgərlərə qarşı zor tətbiq edib, təpiklə Elşən Şıxəliyevin ayağının dizdən aşağı hissəsindən vurub.

Bundan başqa, Əmiraslan Süleymanov həmin ilin avqust ayının ortalarında əsgər yataqxanasında bölüyün tabeliyində olan şəxsi heyətini düzüb. Onlara veriləcək əsgər məvaciblərini yığacağını bəyan edib. Bundan imtina edən əsgərlərə işgəncə verəcəyi və onlar üzərində zor göstərəcəyi ilə hədələyib.

Bundan sonra 2013-cü ilin avqust-dekabr ayları ərzində bölüyün tabeliyində olan əsgərləri Mais Musayev, Güləş Fəxrətov, Əmrah Sadıqov, Alim İsgəndərov, Pərvin Xəlilov, Heybulla Lokov, Muxtar Tağıyev, Elşən Şıxəliyev və Feyruz Şirəliyevin hər birindən 11 manat alıb.

Əmiraslan Süleymanov 2013-cü ilin avqust ayının əvvəllərində axşam saatlarında hərbi hissənin Şəmkir şəhərində yerləşən avtomobil-texniki bölüyünün ərazisində bölüyün istintaqa məlum olmayan əsgərinin səhv hərəkətinə görə bölüyün şəxsi heyətini düzüb və opnlara özünü “böyük” kimi “xüsusi statusa” malik olduğunu göstərib.

Eləcə də, digər əsgərlər üzərində öz üstünlüyünü nümayiş etdirmək və onları öz iradəsinə tabe etmək məqsədilə bölükdə guya nizam-intizam yaradılması üçün cəza kimi “sillə vəziyyəti al” deyə göstəriş verib. Əmiraslan Süleymanov sıranın qarşısı ilə irəli-geri hərəkət etməklə rəis kimi hərbi xidmət üzrə vəzifələrin yerinə yetirilməsi zamanı Silahlı Qüvvələrinin Daxili Xidmət Nizamnaməsinin 47-ci maddəsinin tələblərini təkrarən kobud şəkildə pozub. O, sırada dayanmış tabeliyində olan manqanın əsgəri Alim İsgəndərovun sifət nahiyəsindən iki-üç sillə zərbəsi vurmaqla onu döyüb.

Əmiraslan Süleymanov daha sonra Heybulla Lokov, Pərvin Xəlilov, Əmrah Sadıqov, Mais Musayev və Güləş Fəxrətovun hər birinin sifət nahiyəsinə 2-3 sillə zərbələri vurmaqla onlara qarşı zor tətbiq edib.

Bunlardan başqa, Əmiraslan Süleymanov 10 avqust 2013-cü iltarixdə, axşam saatlarında hərbi hissənin Şəmkir şəhərində yerləşən avtomobil-texniki bölüyünün ərazisində andiçmə

mərasimindən sonra əsgər Pərvinm Xəlilovun valideynlərinin yanına gəlib və ona pul verməsini öyrənib. Bu səbəbdən o, şəxsi heyətin qarşısında alçaldacağı ilə bağlı hədələməklə Pərvin

Xəlilovdan 20 manat məbləğində pulu tələb edib. Hədənin

reallaşacağından qorxan Pərvin Xəlilovdan tələb olunan 20 manat məbləğində pulu almağa nail olub.

Əmiraslan Süleymanov 20 avqust 2013-cü il tarixdə, nahar yeməyindən sonra hərbi hissənin ərazisində Pərvin Xəlilovun pulu olduğundan mobil telefon almaq istədiyini öyrənib. O, Pərvin Xəlilovu bölüyün məişət otağına çağırıb və ondan 20 manat verməsini tələb edib. Bu zaman Pərvin Xəlilov pulunun olmadığını bildirdikdə təkrarən ona qarşı zor tətbiq edib. O, daha sonra əsgəri döyərək 20 manatını ala bilib.

Daha sonra Əmiraslan Süleymanov sentyabrın 1-də, saat 12 radələrində hərbi hissənin ərazisində əsgər Mais Musayevin bölüyün siqaret çəkmək üçün nəzərdə tutulmuş ərazisinə çağırıb və orada olan əsgərlərə dağılmalarını bildirib. O, Mais Musayev gəldikdə ona “mənə təcili kontur lazımdı, təcili mənə 10 manatlıq kontur yüklə” deyə bildirib. Mais Musayev imkanının olmadığını deyib.

Bu zaman Əmiraslan Süleymanov zorakılıq göstərməklə Mais Musayevdən yenidən balansartırma kartı almasını tələb edib. Ancaq Mais Musayev pulunun olmadığını və pulu verə

bilməyəcəyini bildirib. Belə olanda Əmiraslan Süıeyumanov ona qarşı zor tətbiq edib, sifətinin sol nahiyəsindən sillə ilə dörd və qarın nahiyəsinə dörd yumruq zərbəsi vurub. Sonra ondan 10 manat məbləğində balansartırma kartını alıb.

Bundan sonra, Əmirsalan Süleymanov vtomobil-texniki bölüyünün oksigen çıxartma stansiyasının manqa komandiri vəzifəsində xidmətdə olarkən, 2013-cü ilin sentyabr ayının əvvəllərində axşam saatlarında hərbi hissənin Şəmkir

şəhərində yerləşən avtomobil-texniki bölüyünün ərazisində bölüyün istintaqa məlum olmayan əsgərinin səhv hərəkətinə görə bölüyün şəxsi heyətini düzüb. O, sırada olan bölüyün

tabeliyində olan əsgərlər Alim İsgəndərov və Feyruz Şirəliyevin hər birinin sifət nahiyəsinə 2-3 sillə zərbəsi vuraraq onları döyüb.

Həmçinin Əmiraslan Süleymanov Elşən Şıxəliyev, Muxtar Tağıyev, Heybulla Lokov, Pərvin Xəlilov, Əmrah Sadıqov, Mais Musayev və Güləş Fəxrətovun hər birinin sifət nahiyəsinə 2-3 sillə zərbəsi vuraraq onlara qarşı zor tətbiq edib.

Əmiraslan Süleymanov sentyabr ayının ortalarında bölüyün əsgərləri – Heybulla Lokov, Alim İsgəndərov, Pərvin Xəlilov, Əmrah Sadıqov, Mais Musayev və Güləş Fəxrətovun üzərində təkrarən zor göstərməklə hədələyib. Onlara qarşı zor tətbiq edəcəyi, xidmətdə problem yaradacağı, şəxsi heyətin qarşısında alçaldacağı ilə bağlı hədələməklə hər birindən 20 manat məbləğində pul tələb edib və bir həftə müddət müəyyən edərək pulu vermədikdə hədəni reallaşdıracağını bildirib.

Bundan başqa, o, əsgər Güləş Fəxrətovdan hədə-qorxu yolu ilə 5 manatlıq kontur tələb edib. Həmin məbləğdə konturu verə bilməyən əsgəri döyərək incidib.

Bundan əlavə istintaq sənədlərində Əmiraslan Süleymanovun əsgərlərdən hədə-qorxu yolu ilə pul və kontur tələb etməsi ilə bağlı çoxsaylı işgəncə faktları var.

Həmçinin Əmiraslan Süleymanovla yanaşı digər əsgərlər Mirzalı Hacıyevin, Amil Həmidovun, Həsən Cəbiyevin, Finyad Muradovun və Elgün Allahverdizadə də ona köməklik ediblər. Onlar mütəşəkkil dəstə yaradıblar. Hədə-qorxu yolu ilı əsgərlərin pullarını ələ keçiriblər.

Təqsirləndirilən şəxslər Cinayət Məcəlləsinin 182.2.2,182.2.3-cü (təkrar və zor tətbiq etməklə hədə-qorxu yolu ilə tələb etmək), 332.2.1, 332.2.2-ci (təkrar, iki və ya daha çox şəxs barəsində t abelik münasibətlərində olmayan hərbi qulluqçular arasında qarşılıqlı münasibətlərin nizamnamə qaydalarını pozma) maddələri ilə ittiham ediliblər.

Gəncə Hərbi Məhkəməsinin hökmü ilə Əmiraslan Süleymanov 7 il, Mirzalı Hacıyev 5 il, Amil Həmidov 4 il, Həsən Cəbiyev 3 il, Finyad Muradov 5 il, və Elgün Allahverdizadə 4 il müddətinə azadlıqdan məhrum ediliblər.

Hökmdən narazı qalan təqsirləndirilən şəxslər apelyasiya şikayəti veriblər. Onlar günahsız olduqlarını və barələrində bəraət hökmünün çıxarılmasını istəyiblər. Onların şikayəti araşdırılması üçün Gəncə Hərbi Məhkəməsinə göndərilib. Hakim Elçin Xasməmmədovun sədrliyi ilə keçirilən prosesdə təqsirləndirilən şəxslərin bəraət istəmələri ilə bağlı şikayətləri təmin edilməyib, amma təqsirləndirilən şəxslərdən Əmiraslan Süleymanov və Finyad Muradova aid hissədə hökm dəyişdirilib. Əmiraslan Süleymanovun cəzası 5 il 6 aya, Finyad Muradovun isə cəzası 5 il 3 aya endirilib.

Bu qərardan təqsirləndirilən Əmiraslan Süıeymanov narazı qalaraq kasasiya şikayəti verib. Onun şikayəti araşdırılması üçün

Ali Məhkəməyə göndərilib. Hakim İlqar Qılıcovun sədrliyi ilə keçirilən prosesdə təqsirləndirilən şəxsin kasasiya şikayəti təmin edilməyib.