Gundemxeber.az » Ölkə » Gülər Əhmədovanın yeni gizlinləri
Gülər Əhmədovanın yeni gizlinləri
Sabiq kompromatları Biləcəridə basdırılıb? Sevinc Babayeva ölümündən öncə Bakıda bir kisə dosye gizlədib
Həbsdəki sabiq deputat Gülər Əhmədovanın “mandat alveri” işi ilə bağlı sensasion xarakterli məlumat yayılıb.Etibarlı mənbələrdən aznews.az-a verilən məlumata görə, sabiq deputata məxsus bir kisə kompromat xarakterli dosye Bakıda gizlədilib. Mənbənin iddialarına görə, G.Əhmədova mərhum Sevinc Babayevanı ölkədən çıxarmazdan əvvəl ona Elşad Abdullayevlə mandat alış-verişi, həmçinin, digər bir sıra şəxslərlə bu cür danışıqlar aparması və digər başqa kompromat xarakterli məlumatları özündə cəmləşdirən dosye verib ki, S.Babayeva həmin dosyeləri özüylə Türkiyəyə aparsın. Lakin S.Babayeva ölkədən çıxarkən yaxalanacağından qorxduğu üçün həmin dosyeləri Türkiyəyə aparmayıb.
Mənbə iddia edir ki, S.Babayeva G.Əhmədovadan aldığı təxminən bir kisə həcmində olan həmin dosyeləri ölkədən çıxmazdan bir gün əvvəl özünə yaxın şəxslərdən birinə verib. Həmin şəxs bəhs edilən sənədləri S.Babayevanın ölümünə qədər öz evində saxlayıb. Lakin S.Babayevanın gözlənilməz ölümünün ardından qorxuya düşən həmin şəxs ölüm xəbərinin ardınca evindəki bir kisə sənədi Biləcəri qəsəbəsində bir ərazidə basdırıb. Bu barədə bilgili şəxsin sözlərinə görə, S.Babayevanın məlum dosyeləri Bakıda kimə verdiyini, hətta G.Əhmədova da bilmir. Qaynağımız bildirir ki, S.Babayeva G.Əhmədovaya həmin sənədləri Türkiyəyə gətirmədiyini deməyib. Hazırda həmin dosyelər bir növ itkin düşmüş vəziyyətdədir və G.Əhmədovaya heç bir köməyi dəyə bilməz. Mənbə deyir ki, qeyd olunan kompromat xarakterli sənədlərin ortaya çıxması üçün S.Babayevanın etibar etdiyi həmin şəxs cəsarət göstərib, dosyelərin onda olduğu barədə G.Əhmədovaya məlumat ötürməlidir. Ancaq o, özünü bu qalmaqallı işin tam ortasına atmaq fikrində olmadığı üçün həmin dosyeləri harada basdırdığı barədə heç kimə məlumat vermək fikrində deyil.
Qeyd edək ki, dünən “Yeni Müsavat” qəzetində gedən bir məqalədə də G.Əhmədovanın əlindəki kompromat xarakterli məlumatları Sevinc Babayeva vasitəsi ilə ölkədən çıxardığı bildirilir. Qəzet iddia edir ki, istintaq sabiq deputatın ölkədən belə sənədlər çıxardığına əmindir.
Qəzetin iddiasına görə, istintaq həmin kompromatları ələ keçirmək üçün hərəkətə keçib. Xəbərə görə, hazırda istintaq qrupunun üzvləri G.Əhmədovanın əlində olduğu ehtimal edilən dosyeləri (burada fotolar, videolar, müxtəlif sənədlər var) Türkiyədə axtarır. İstintaqın ehtimalına görə, G.Əhmədova əlindəki dosyelərin bir qismini mərhum Sevinc Babayeva vasitəsilə ölkədən çıxarıb. Bu səbəbdən də hazırda Türkiyədə S.Babayeva ilə təması olmuş hər kəsin evi, iş yeri, yaxınlarının evləri qəfil basqınlarla axtarışa məruz qalır. Bundan başqa, həmin şəxslər sorğu-suala tutulur, onlardan həmin sənədlərlə bağlı müfəssəl məlumat tələb edilir. Bu məsələdə Türkiyə polisi Azərbaycan hüquq-mühafizə orqanlarına yaxından dəstək verməkdədir.
Xatırladaq ki, hazırda istintaqa rəhbərlik edən Bakı Şəhər Prokurorluğunun müstəntiqi Emzar Qocayevin bir neçə gündür İstanbulda olması, orada istintaq hərəkətləri aparması bu xəbərləri daha da möhkəmləndirir.
“Yeni Müsavat”ın bu yazısı barədə məlumat verən şəxsin iddialarına daha da gücləndirir. Belə ki, hər iki mənbə G.Əhmədovanın S.Babayevaya bu cür kompromat xarakterli dosyelər verdiyinə əmindir. Ancaq bizə daxil olan məlumatda bu sənədlərin S.Babayeva tərəfindən ölkədən çıxarılmadığı barədədir. İstintaq orqanları isə həmin dosyeləri basdırıldığı Biləcəridə yox, uzaq Türkiyədə axtarır.
Vüqar
Oxşar yazılar :
-
-
Gülər Əhmədova eyni vaxtda ölkədən 9 nəfəri ...
30-07-2013, 19:19
-
Sevinc Babayeva adi kitabxanaçı deyilmiş ...
17-12-2012, 23:34
-
Gülər Əhmədova Sevinc Babayevanı döyüb ...
12-11-2013, 13:18
-
“Mən Sevinc Babayeva deyiləm, söz verirəm, ...
12-11-2013, 14:19
-
Sevinc Babayeva harada və necə saxlanılır? ...
23-12-2012, 11:01
Sorğu
Hansı nəqliyyat növündən daha çox istifadə edirsiniz?