Onlar evdən 5 min manat oğurlayıblar

Sumqayıtda oğurluqla məşğul olan qrup zərərsizləşdirilib. APA-nın məlumatına görə, Sumqayıt şəhər sakini Şərif Ağalarov polisə ərizə ilə müraciət edərək evindən 5 min manat pul oğurlanması barədə məlumat verib.

Daxil olan məlumat əsasında həyata keçirilən tədbirlər nəticəsində hadisəni törədən şəxslər - 23 yaşlı Möhübbət İslamov, 34 yaşlı Abbas Əliyev, 27 yaşlı Qədir Əliyev və Ədliyyə Nazirliyi Penitensiar Xidmətin məntəqə tipli cəzaçəkmə müəssisəsində cəza çəkən 23 yaşlı Firuz Bağıri tutulublar.

Hazırda polis saxlanılan şəxslərin digər cinayətlərinin olub-olmadığını araşdırır.