Nazirə Qazax mərkəzi xəstəxanasından şikayət olundu

Qazax rayon mərkəzi xəstəxanasının qəbul şöbəsinin müdiri Yeganə Əliyeva tərəfindən Səhiyyə naziri Oqtay Şirəliyevə müraciət edib. Həmin müraciəti olduğu kimi diqqətinizə çatdırırıq:
“Bildirirəm ki, mənim tibb sahəsində 30 ildən artıq təcrübəm vardır. Xəstəxananın qəbul şöbəsində isə 28 ildir ki, işləyirəm. Bunun 7 ilini sıravi işçi, 27 ılini isə müdir işləmişəm və hazırda da işləyirəm. İşlədiyim müddətdə isə xəstəxanada nə qədər neqativ hallar olsa da həmişə qadın ləyaqətimə hörmət edərək sakit dayanmışam. Lakin, bu gün isə dözmək fikrində deyiləm. Belə ki, rayonda yeni xəstəxananın inşaası ilə bağlı bizi üzürlü səbəbdən ayrı-ayrı tibb ocaqlqrında yerləşdiriblər. Nə olar, buna dözməliyik. Lakin məsələ bunda deyil. Bu vəziyyətdən istifadə edənlər səhiyyəni anarxiyaya çeviriblər. Onu da qeyd edim ki, bu gün Qazax səhiyyəsini yaşı 70-ə yaxın olan güclü rüşvətxor, daima Qazax səhiyyəsini anarxiya və özbaşınalığa çevirmiş Əsəd Xəlilov idarə edir. Əsəd Xəlilov o Əsəddir ki, o hərbi komissarlıqda tibbi komissiyanın da sədridir. Hər çağırışda ən azından 10-20 nəfəfdən 500-600 manat almaqla xəstə adı ilə onları müvəqqəti olaraq hərbi xidmətdən yayındırır. Səhiyyədə islahat vaxtı sabiq baş həkim Kavının başına oyun açaraq tibb bacılarından küllü miqdarda pul yığdı. İndi də qəbul şöbəsinə ilişir. Yəni bu şöbəyə mən baxdığım halda səlahiyyətlərimi məhdudlaşdırır. Xəstəxananın ayrı-ayrı yerlərə köçürülməsi ilə əlaqədar biz də Qazax şəhər doğum evində məskunlaşmışıq. Mənim tabeçiliyimdə 2 nəfər terapevt və 2 nəfər cərrahiyə şöbəsinə baxacaq tibb bacıları vardır. Onlar mənə hesabat verirlər. Terapiya şöbəsinə baxanlar bunu etsə də cərrahiyə şöbəsinə baxanlar tam səlahiyyətsizdir. Bunlara Əsəd Xəlilov icazə vermir. Açığı hegomonluq edir. Stsionar xəstənin tibbi kartasını, yəni Forma 66-nı mən doldurmalı olduğum halda, terapiya şöbəsi üçün bu həyata keçirilsə də, cərrahiyyə şöbəsində özləri doldururlar. Bəs onda qəbul şöbəsi nəyə lazımdır?. Onlara da Forma-66-nı xəstəxananın baş mühasibi, Qazaxda hmının onu dəllək kimi tanıdığı Məmməd adlı şəxs verir.Cərrahiyə şöbəsində qeyri-qanuni Forma-66 dəldurulduqdan sonra “svodka” nazirliyə xəstəxananın kompüterşiki Kamran adlı ışçinin əli ilə verilir. Cərrahiyə şöbəsinə Binyamin Abbasəliyev, 2 oğlu, gəlini və həyat yoldaşı rəhbərlik edir. Dəhşət burasıdır ki, Binyaminin övladları “Odlar Yurdu” universitetinin tibb fakültəsini bitiriblər. Bəs onların cərrah kimi fəaliyyəti olmadığı halda hansı əsasla cərrah işləyirlər?. Qanun buna necə yol verir?. Məhz bunun nəticəsidir ki, Binyaminin əməliyyatında tez-tez adam ölür. Binyaminin övladlarindan heç biri də əsgəri xidmətdə olmayıblar. Hər ikisi saxta “niqodnı” sənədi alıblar.
Cənab nazir. Mən bu haqsızlığı barədə Əsəd Xəlilovun özünə çatdırdım. Yekəxana bildirdi ki, “xoruz plmasa səhər açılmırmı ki?. Üstəlik, get hara şikayət edirsən et, heç bir qüvvə mənə heç nə edə bilməz!” Bəli, bu gün Qazax səhiyyəsində tam özbaşınalıqdır. 70 yaşlı Əsəd Xəlilov özbaşınalıq edir. Cərrah Binyaminin ailəsi ilə əlbir olaraq vətəndaşları gözgörəsi talamaqla ölkə başçısından narazı salırlar. Odur ki, bir nazirlik kimi bizə yaxından köməklik etməyinizi xahiş edirik.”