Dövlət qulluqçusunun xüsusi növünün bütün səhiyyə və təhsil sahəsində çalışanlara şamil edilməyəcəyi deyilir


Azərbaycanda həkim və müəllimlərin dövlət qulluğunun xüsusi növünə aid ediləcəyi gözlənilir. Dövlət qulluğu haqqında qanunla müəyyən edilən statusları olmasa da həkim və müəlimlərin Hüquq-Mühafizə orqanlarının əməkdaşları kimi, dövlət qulluğunun xüsusi növü olaraq xüsusi statusları olacaq.

Hazırda 16 saylı şəhər poliklinikasında çalışan həkim- terapevt Sevinc Qəyyumova dövlət qulluğunnu xüsusi statusunun verilməisni müsbət ideya hesab edir. 15 ildir həkim kimi çalışan Sevinc xanım bunun həkim və müəllimlər üçün daha geniş imkanların yaradacağına ümid edir.

Milli Məclisin sosial siyasət komitəsinin üzvü Məlahət İbrahimqızı ölkədə 350 minə yaxın təhsil və 150 minə yaxın səhiyyə işçisi olduğu üçün bu prosesin uzandığını deyir. Millət vəkili dövlət qulluqçusunun xüsusi növünün bütün səhiyyə və təhsil sahəsində çalışanlara şamil edilməyəcəyini və bunun üçün dövlət imtahanının veriləcəyini söylədi.

Millət vəkili bir sıra məqamların araşdırılmasından sonra xarici ölkələrin təcrübəsinə söykənərəK dövlət qulluqçusu statusunun tətbiqini vacib hesab edir.

Həkim və müəllimlərin dövlət qulluğunun xüsusi növünə aid edilməsi ilə bağlı prezident yanında xüsusi dövlət qulluğu məsələləri üzrə komissiyada hazırda bununla bağlı işlər aparılır və normativ hüququ baza hazırlanır.

Xatırladaq ki, hələ 2011 ildə ölkə başçısı tərəfindən həkim və müəllimlərin dövlət qulluqçusunun xüsusi növünə aid edilməsi barədə sərəncam imzalanmışdı. Hazırda Azərbaycanda dövlət qulluğu haqqında qanunun şamil edildiyi dövlət qulluqçularının ümumi sayı 30 min nəfərdir.