Müxbirimiz xəbər verir ki, bu dəqiqələrdə daha 5 nəfər həbs olunub. Həbs olunan şəxslərin hara aparıldığı məlum deyil. Əlavə məlumat verəcəyik.

* * *

Müxbirimiz xəbər verir ki, Fəvvarələr meydanında oturaq aksiya başlayıb.

Təxminən 30-40 nəfər etiraza qalxıb. Onlar bir ağızdan "Qazimiz ölməsin, vətən morqa dönməsin" şüarını səsləndirirlər. Amma bir neçə dəqiqə keçməmiş polis hərəkətə gələrək aksiyanı dağıdıb. 10-dan çox müxalifətçi həbs olunub. Onlar maşına basılaraq aparılıb.

Polis Fəvvarələr meydanına girişi bağlayıb. Ora heç kim buraxılmır

* * *15:49

Müxbirimiz xəbər verir ki, hazırda müxalifətçilərin Fəvvarələr meydanına axını başlayıb.

Onun sözlərinə görə, Müsavat və AXCP fəalları meydana toplaşmaqdadır. NİDA Hərəkatının üzvləri, “Azad gənclik” təşkilatının fəalları, tanınmış vəkil Aslan İsmayılov, müxalif yazar Şahvələd Çobanoğlu, partiya funksionerləri və digərləri hazırda meydandadırlar və aksiyanın başlayacağı anı gözləyirlər. Əməkdaşımız bildirir ki, gənc fəalların bir çoxu meydana toplaşanların qoluna qara lent bağlamaq aksiyası keçirir.

* * *

Müxbirimiz xəbər verir ki, bu dəqiqələrdə (saat 15:50-də) Fəvvarələr meydanına əlavə polis qüvvələri gətirilib: “Bir neçə dəqiqə öncə daha iki post-patrul xidməti maşını əraziyə gəldi. Daha iki avtobus polis də gətirildi. İçində polislərin olduğu avtobuslar meydanın kənarlarında dayanıb.

“McDonalds” restoranının qarşısında yüzlərlə mülki geyimli, idmançı görkəmli polislər toplaşıb növbə çəkir. Ətraf küçələrdə də sıxlıqdır. Hər yer polislə doludur. Amma hələ heç bir hərəkətlilik yoxdur”.

◀▶
* * * 15:43

Virtualaz.org saytının hazırda Fəvvarələr meydanında olan müxbiri xəbər verir ki, meydana xeyli sayda polis qüvvələri yeridilib.

“Meydanda hazırda iki avtobus dolusu polis var. Bundan əlavə, daha 8 post-patrul xidməti avtomobili və mülki və uniformada olan xeyli sayda polis əməkdaşları var” - deyə xüsusi müxbirimiz bu dəqiqələrdə bildirib.

Onun sözlərinə görə, zahiri sakitlik hökm sürsə də polis əməkdaşlarının hərəkətindən gərgin olduqları sezilir.

Müxbirimizin verdiyi xəbərə görə, sosial şəbəkələrdə mitinqə çağırış edən gənclər Baş Prokurorluğa çağırıldı. Onların üç nəfər olduğunu deyən əməkdaşımız bildirir ki, meydanda hazırda müxalif əhval-ruhiyyəli xeyli gənc fəal var. Onlar ikibir-üçbir toplaşaraq nəyisə gözləyirlər.

◀▶
Müxbirimiz xəbər verir ki, Fəvvarələr meydanında oturaq aksiya başlayıb.

Təxminən 30-40 nəfər etiraza qalxıb. Amma bir neçə dəqiqə keçməmiş polis hərəkətə gələrək aksiyanı dağıdıb. 10-dan çox müxalifətçi həbs olunub. Onlar maşına basılaraq aparılıb.

* * *15:49

Müxbirimiz xəbər verir ki, hazırda müxalifətçilərin Fəvvarələr meydanına axını başlayıb.

Onun sözlərinə görə, Müsavat və AXCP fəalları meydana toplaşmaqdadır. NİDA Hərəkatının üzvləri, “Azad gənclik” təşkilatının fəalları, tanınmış vəkil Aslan İsmayılov, müxalif yazar Şahvələd Çobanoğlu, partiya funksionerləri və digərləri hazırda meydandadırlar və aksiyanın başlayacağı anı gözləyirlər. Əməkdaşımız bildirir ki, gənc fəalların bir çoxu meydana toplaşanların qoluna qara lent bağlamaq aksiyası keçirir.

* * *

Müxbirimiz xəbər verir ki, bu dəqiqələrdə (saat 15:50-də) Fəvvarələr meydanına əlavə polis qüvvələri gətirilib: “Bir neçə dəqiqə öncə daha iki post-patrul xidməti maşını əraziyə gəldi. Daha iki avtobus polis də gətirildi. İçində polislərin olduğu avtobuslar meydanın kənarlarında dayanıb.

“McDonalds” restoranının qarşısında yüzlərlə mülki geyimli, idmançı görkəmli polislər toplaşıb növbə çəkir. Ətraf küçələrdə də sıxlıqdır. Hər yer polislə doludur. Amma hələ heç bir hərəkətlilik yoxdur”.

◀▶
* * * 15:17

Qarabağ qazisi Zaur Həsənovun ölümünə etiraz olaraq Bakıda keçiriləcək qanunsuz aksiya ilə əlaqədar polis qüvvələri Fəvvarələr meydanını nəzarətə götürüb.

Musavat.com-un verdiyi məlumata görə, çoxlu sayda polis avtomobilləri və mülki geyimli şəxslər var. Meydana təzyiqli suvuran maşınlar da gətirilib.

Daxili İşlər Nazirliyindən isə bildirilib ki, razılaşdırılmamış aksiyanın qarşısı alınacaq.

Qeyd edək ki, Qarabağ qazisi Zaur Həsənovun ölümü ilə əlaqədar sosial şəbəkələrdə bu gün saat 16:00-a razılaşdırılmamış aksiya təyin edilib.

Virtualaz.org saytının müxbiri xəbər verir ki, qazinin dəfn mərasimi bitəndən sonra onlarla gənc fəal Bibiheybət qəbiristanlığından Fəvvarələr meydanına yürüş edərək orada etiraz aksiyası keçirmək barədə qərar qəbul ediblər. Hazırda həmin gənclərlə bərabər aksiya məkanı kimi seçilmiş yerə gələn müxbirimiz onu da əlavə edir ki, gənclər bu fikirlərində qəti olduqlarını bildirirlər.