Və ya sakinlərin şikayətləri necə «oğurlanır»?
«Gündəm xəbər» qəzetinin redaksiyasına daxil olan bu müraciətdə İmişli rayonunda bəzi yerli məmurların özbaşnalıqlarından bəhs olunur. Kifayət qədər müdhiş faktların yer aldığı müraciətlərin nüsxələri nazirliklərə və komitələrə, xüsusilə də dövlət başçısı İlham Əliyevə ünvanlanıb.
2013-cü ildə mütəmmadi olaraq çəkisi 10 kq-larla sayılan çoxsaylı ərizə, müraciət, şikayətlərimi sizə və Nazirlər Kabinetinə, habelə Dövlət Torpaq və Xəritəçəkmə Komitəsinə, Ekologiya, Mədəniyyət və Turizm, ədliyə və Daxili İşlər Nazirliyinə, baş prokuror və Korrupsiya İdarəsinə, Meliorasiya və Su Təsərrüfatı ASC-yə, Fövqəladə Hallar Nazirliyinə ünvanlasam da, İmişlidə Heydər Əliyev adına parkın satılması, inkar edilməsi, MRX-nın qarşısındakı parkın cinayət əmələrini ehtiva edən, köçürülərək, sahibkarlara satılması faktlarına göz yumuldu, qulaqlar eşitmədi. Birinci səbəb ərizələrimin sizə çatdırılmaması idi, ikinci səbəb – bu saxtakarlıqları edən rəhbərlərin cinahlarındakı güclü, bizə görünməyən əllər idi. Üçüncü səbəb – bu nazirlik və komitə sədrlərinin yerlərdəki nümayəndələrinin və idarə, şöbə rəislərinin, mütəxəssislərin paylarının vaxtı vaxtında çatdırılması və məsuliyyət dərəcələrinin həddən artıq yükün olması idi. Səbəblər çoxdur və sadalamağa dəyməz.
Məktublarımızı sizə ünvanladıqda, surətlərini də bu nazir v komitə sədrlərinə ünvanlamaqda səhv etdiyimizi əlbəttə düşünürük. Amma bunun onlarda məsuliyyət hissini yaradacağını da istisna etmirik. 2006-cı il ildən başlayan bu şikayətlərimiz bir kulminasiya nöqtəsi olacağına tam əminik. Artıq 8 illik həyatımızı buna sərf etmişik...
Hörmətli cənab prezident!
Kəmaləddin Heydərov çox düzgün olaraq İmişliyə gələrkən vətəndaşları sadə yerdə Yanğından Mühafizə İdarəsinə qəbul etdi. Müavinləri və generalları isə 70%-i Şadlıq Sarayı, 30%-i isə Gənclər Mərkəzi sayılan Muğan Su-Elektrik Stansiyasının mülkiyətində olan, bir sahibkarın mülkü sayılan və Heydər Əliyev adına parkda tikintisinə sərəncamı olmayan binada vətəndaşları qəbul etdilər. Hesab edirik ki, Kəmaləddin müəllim sadaladığımız faktlardan məlumatlıdır, ona görə də bu məkana üz tutmayıb. Amma cənab nazirin müavinlərinə mən şəxsən sizə edilən şikayətlərimi və KİV-lərdə bu barədə dərc olunan bütün məlumatları təqdim etmişdim. Amma bir məsələ qaranlıq qalır. Sərəncamı olmayan və qadağan olunmuş ərazidə tikilən bu binanın isitismar aktına cənab nazirin mütəxəssisləri hansı qanuna istinad edərək, rəy veriblər və imza ediblər? Eyni sahibkara məxsus Viləş AA MMC-nin mülkiyyətinə verilmiş sahədə 9 mərtəbəli otel binasının tikintisinə hansı əsasla rəy verilib?
Eləcə də adıçəkilən aidiyyatı nazirlik və komitə sədrlərinin mütəxəssisləri bu iki binanın tikintilərinə başlanmasına və birinin istismar aktına rəy verərkən düşünməyiblər ki, ən əvvəl bu sahə Heydər Əliyevin adına parka məxsusdur, sərəncamları qüsurludur və aldıqları payları da qusma ehtimalları var. Torpaq Komitəsi və Ekologiya Nazirliyi 2010, 2011, 2012, 2013-cü illərdə ünvanladıqları cavab məktublarda bu qüsurları və qanunsuzluqları təsdiq ediblər, məhkəmələrə müraciət edəcəklərini bildiriblər, amma icra başçılarının cinahlarındakı o əl onlara da barmaq silkələyib, Allaha inandığımız qədər inanırıq ki, o əl sizin deyil, sizin əliniz bizim cinahımızdadır və onu hər an hiss edirik. Yoxsa çoxdan aldığım kəfəni mənə geydirmişdilər.
Mənə bildirirlər ki, artıq sizin məktublar iy verir, qoxuyub, heç nəzarətə də götürülmür. Məni bir məsələ ciddi narahat edir. Nazir və komitə sədrlərinin, Əmlak Komitəsinin mənə də surətləri ünvanlanmış məktubların əksəriyyəti tədbir görülmək üçün İmişli rayon İcra hakimiyyətinə göndərdilir. RİH-nin huqüq-şöbə müdürü R. Zahidov etiraf edib ki, sizin məktublara cavab yazmaqdan barmaqlarım mazol olub. Nə demək istəyirsiniz? Siz istəsəniz də, istəməsəniz də biz deyən olacaq. Şadlıq Sarayı tikilib, hətta orada müdür və rəislərin 70 manatdan pul yığılıb, 31 dekabr 2013-cü il bayram konseti keçirilib. 14 yanvardan sonra hər gün toy mərasimi keçiriləcək. Şadlıq Sarayının, eləcə də otelin H. Əliyev Mərkəzinin və parka aidiyyatı yoxdur-deyib. Bəs elə isə, biz soruşuruq, niyə Rahim Zahidova bu günə qədər vəzifəsindən sui-istifadə məktub və şikayətləri qanunsuz olaraq bağladığına görə və s. Cinayət maddələri ilə məsuliyyətə cəlb edilməyib. Vətəndaşların bütün şikayətlərinin bağlanmasında və dövlətdən narazı salınmasında R. Zahidovun bir-başa barmağı var. Buna görə də, o başçıların sevimlisidir ki, 30 ildir həmin şöbədə çakçukunu davam etdirir. Çoxlu torpaq sahələri, dükan, marketləri, fermaları bu hesaba qazanılıb, hələ qazanacaq da. Bəs ona “dur” deyən olmayacaq? Maraqlıdır, bu ciddi məsələyə icra başçıları və müavinləri nə üsulla don geydirirlər. Prezident Administrasiyasının hüquqşunasları və rayon kuratorları bu “donu” donluq şəklində qəbul edirlər? Vallah belə çıxır!
Artıq iki ildir ki, bu binaların dəmir məmulatından hazırlanmış, fəaliyyət göstərən 3 çayxanalarına, Şadlıq Saraylarına elektrik enerjisi sayğacsız verilib. Yalnız bizim çıxışımızdan sonra smart kart tipli sayğac deyəsən quraşdırılb. Bəs sərəncamı olmayan Şadlıq Sarayına enerji ASC tərəfindən texniki şərt hansı əməliyyatdan sonra verilib? İllərlə işlədilən bu sahədə enerji miqdarı nə cür hesablanıb və pulu hansı hesaba köçürüblər. Hər iki tərəf hüquqi şəxsdir. Sıravi vətəndaş 10 m2 sahə üçün texniki şərt almaq üçün zülm ayaqlayır.
Araz çayı boyunca karxanalar sağ və sol sahillərini, mühafizə zolaqlarını bürüyüb. Şikayətlərmizə rəğmən bu illər ərzində dövlətə bir manat dağ-mədən vergisi verməyən karxana sahibləri aidiyyatı təşkilatların yoxlayıcı mütəxəssislərinə yardım fondu təşkil ediblər. Siz dövlət məmurlarının əmək haqqlarını qaldırdıqca, onlar da şirinlikləri qaldırırlar. Mütəxəssis olaraq deyirk: Normativlərə və Qanunlara əməl edən karxana olsa-olsa 011 markalı jiquli ala bilər, daha Jeep, Mercedes, Prado, Lexus-da gəzə bilməz. Çaxırlı, Xubyarlı, Cahar, Qaradonlu və sair kəndlərin zonalarında fəaliyyət göstərən karxanalar dövlətdən milyardlarla manat vəsait gizlədiblər. Acınacaqlısı budur ki, şəhər ərazisindən Araz çayı boyunca 3 karxana fəaliyyət göstərməyə başlayıb. Bu karxana sahibləri ciddi oliqarxlardır ki, onlardan hətta keçmiş deputat İltizam Əkbərli Parlamentin tribunasından çıxış edib, mətbuatda dəfələrlə ehtirazını bildirib.Karxananın biri Tural S MMC-ni RİH-nin hüquq-şöbə müdürü Rahim Zahidov yaratmışdı ki, artıq nəinsə müqabilində böyük məbləğə Nakim Şərifova verib. Başçı V. Hacıyev də sərəncam verib. Bütün nazirlər və komitə sədrələri Tural S MMC-yə “dobro” veriblər. Həmin karxana hərbi əhəmiyyətlı körpünün çox yaxınlığındadır ki, hətta FHN-nin nümayəndəsi gəlib şirinlik alandan sonra mənə cavab yazmışdı ki, körpüdən karxana 1100 metr uzaqdır. N. Şərifova isə mobil telefonla deyib ki; “ M. Zülfüqarlı səndən yenə yazıb, bacar onu ələ al.” Eləcə də Ekologiya, Torpaq və K. Həsənovun komitəsi müdafiə edən cavablar yazırlar, hansı ki, şəhər ərazisindəki karxanalar qırmızı kitaba düşmüş yulğun ağaclarını məhv ediblər. Şəhər ərazisinə isə qrunt suyu verirlər. Bunu məhşur ekoloq Xanalı Əliyev deyir. AZE MMC-dən isə həmən Xanalı Əliyev və deputat İ. Əkbərli dəfələrlə örüş sahəsini zəbt etməsi barədə şikayətlər ediblər. Bu krxanalar hərbi əhəmiyyətli yolu da xaraba qoyublar. SSSR dövründən ayrılmış Çaxırlı ərazisində 110 hektarlıq qum-çınqıl yatağı və yeraltı sərvət isitismar edilib və Çaxırı Bələdiyyəsinə bir manat da dağ-mədən vergisi mədaxil edilməyib, amma çoxu deyir ki, vermişik. Nəzarət edən yoxdur və bu gündə olmayacaq. Mən sizə Axırıncı yazdığım şikayət məktubunun KİV-də dərc edildiyini bir ərizəmin qəzet variyantını əlavə edirəm. Bir daha inanıram ki, siz rəsmi göstəriş verib və bundan qabaqki ərizələrimdə göstərdiyim faktları ciddi, obyektiv, hərtərəfli araşdırılması üçün göstəriş verəcəksiniz. Hörmətlə!
Məhbub Zülfüqarov