1 yanvardan etibarən maliyyələşmə durdurulur
Bir neçə gündür ki, Prezident Administrasiyasının rəhbəri Ramiz Mehdiyevə yaxın, daha doğrusu Əli Həsənovun kurasiyasında olan mətbuatın böhran keçirməsi barədə xəbərlər yayılmaqdadır. Bununla bağlı çox maraqlı informasiyalar daxil olub.
Mötəbər mənbənin redaksiyamıza verdiyi informasiyada qeyd olunur ki, gələn ilin yanvar ayından etibarən PA şefinə yaxın bütün mətbu orqanların fəaliyyəti dayandırılacaq: «Bu vaxta qədər həmin qəzetlər təlimatı Prezident Administrasiyası adından PA-nın şöbə müdiri Əli Həsənovdan alsalar da, müxtəlif qaynaqlar hesabına maliyyələşiblər və həmin qaynaqların əksəriyyəti Ramiz Mehdiyevə əks-qütbdə dayanan məmurlara aid olub. İndi isə sözügedən KİV-lərin fəaliyyətinin dayandırılması qərarı verildiyindən, ilkin addım kimi maliyyə qaynaqları durdurulur».
Mənbəmiz iddia edir ki, hətta bu əsnada bir neçə nüfuzlu ənənəvi qəzetlər də zərər görəcək: «Təbii ki, bu zaman işsiz jurnalistlərin sayı da artacaq. Amma buna baxmayaraq, Mehdiyevə aid media imperiyasının çökdürülməsi qərarı qəti olduğundan, geri çəkilmə mümkün deyil».

Rasim