YAZIDAKI AŞAĞILAYICI SÖZLƏRİN RİTORİKASINDAN DA GÖRÜNÜR Kİ, BUNUNLA, QABAQCADAN DÜŞÜNÜLƏN ÇİRKLİ BİR PLANA START VERİLİB

Rusiyadakı Facebook dostlarımızın ünvanımıza göndərdikləri "Ocaq" adlı bu media vasitəsi, guya, Federasiyanın Samara vilayətində məskunlaşan soydaşlarımızın eyniadlı qəzetlərinin internet versiyasıdır. Qonşu dövlətin bu böyük regionundakı həmvətənlərimizin qəzetlərinin olması, öncə, bizim sevincimizin səbəbi oldu. Lakin yazılara göz gəzdirməklə, bu xoş əhval-ruhiyyənin üstündən eninə-uzununa qara xətlər çəkdik! Ona görə ki, həmin yazılarda milli maraqlarımızdan, həqiqətdən, reallıqdan, düzlükdən, təmizlikdən və obyektivlikdən uzaq, yalana, şərə, böhtana, təhqirə, söyüşə... qədər hər şeylə rastlaşdıq! Sanki həmin yazıların üstündə "qələm qıranlar" insanlığa lənət yağdırmağı, tənə etməyi, çirkin və təhqiramiz ifadələr işlətməyi həyatlarının başlıca mənasına çevirən şeytan xislətli digər millətin nümayəndələridir. Dəhşət ondadır ki, həmin qəzetin yazılarında Rusiyadakı soydaşlarımızın hədəf götürülməsi belə adi hala çevrilib.

"Ocaq"da, çoxdan ən ağrılı problemimizə çevrilən Qarabağ həqiqətlərinə aid sanballı bir yazıya rast gəlməməyimiz də, dərin təəssüfümüzə səbəb oldu. Bütün bunlar azmış kimi, fəal diasporçu kimi yaxşı tanıdığımız və Rusiya Azərbaycanlıları İttifaqının rəhbərliyində olan yazıçı-publisist Mirkazım Seyidovun Federasiyadakı ermənilərə qarşı aqressiv mövqeyi də, qəzetin bir yazısında "daha ciddi tənqid atəşinə tutulub". Adını azərbaycanlı qoyan yazı müəllifinin, Rusiyadakı Azərbaycanlıların Hüquqları və Qanuni Maraqları üzrə "Yedinstvo" ("Birlik") Regionlararası Konqreslər Assosiasiyasının prezidenti postunu da tutan tanınmış diasporçunu, Novosibirsk azərbaycanlıları ilə, ermənilərin arasındakı "isti və şirin münasibətə zəhər qatmasına" görə vurmasını heç cür başa düşmək olmur və bizi hədsiz dərəcədə məyus edir.
Yuxarıda sadaladığımız səbəblərə görə, "Ocaq" qəzetinin soydaşlarımıza məxsusluğu şübhə doğurur. Erməni sevgisi hədsiz olan və "yaradıcılığını" Mirkazım Seyidovdan qisas almağa kökləyən qəzet əməkdaşının öz yazısında, etdiklərindən doymayaraq, bir naxçıvanlı kimi, onun simasında bütün Naxçıvanın, eləcə də doğulduğu Sədərək bölgəsinin şəninə istehzalı və aşağılayıcı ifadələr işlətməsi də, başa düşülən deyil. Bu yerdə, şərəf və qeyrətdən uzaq belələri üçün bir xatırlatma kifayətdir: Sədərək, tarixən, mənfur düşmənə göz dağı kimi məşhurlaşan qeyrət qalamız olub! Bütün dahilərin də belə qəbul etdikləri bu qeyrət simvolumuzun haqdan doğan qüdrətinə, əzəmətinə və vüqarına istehza, ironiya, məkr, şər, böhtan, xəyanət qoxulu qara ləkələr yapışmaz!
Bir də, erməni xislətli həmin "yazarın" diqqətinə çatdırmaq istəyirik ki, Novosibirskdəki ən fəal diasporçu kimi çoxdan tanıdığımız Mirkazım Seyidovu, heç vaxt, bir erməninin görməyə gözü olmayıb. O, Qarabağ mövzusunda böyük layihəli tədbirlər həyata keçirərkən, çox vaxt, mənfur düşmən təcavüzünə məruz qalıb, sonda, ciddi xəsarətlər alıb. Nəticədə, səhhətində yaranan ciddi problemlər ucbatından, Novosibirsk şəhərində ürəyindən ağır cərrahiyyə əməliyyatı keçirib, uzun zaman sağlamlığının bərpası ilə məşğul olmaq məcburiyyətində qalıb. Müalicəsini başa vurduqdan sonra, mənəvi-psixoloji gərginlikdən çıxmağın yeganə yolunu, yenə də, doğma Vətənin taleyi ilə bağlı möhtəşəm işlər həyata keçirməkdə görüb. İndinin özündə də, ölkədaxili aktiv ictimai-siyasi fəaliyyəti ilə bərabər, respublika hüdudlarından kənardakı əvvəlki işlərini də yorulmadan davam etdirməsi, diaspor quruculuğunda Heydər Əliyev ideyalarının təntənəsinə xidmət edən möhtəşəm layihəli tədbirləri layiqincə həyata keçirməsi danılmazdır. Məhz bunlara görədir ki, onun uğurlarını gözləri götürməyənlər, belə səviyyəsiz media vasitələrində bu Vətən oğlunun, ona yaxın diaspor fəallarının haqqında, ağıllarına gələn hər şeyi ermənidən betər səviyyədə ortaya qoyurlar.
Yeri gəlmişkən, qeyd etmək istərdik ki, "Ocaq" öz yazılarında təkcə bizim yaxşı tanıdığımız bir eloğlumuza qarşı ironiyalı, təhqiramiz və aşağılayıcı ifadələr işlətməir. Neçə-neçə layiqli Vətən övladı da, onun "hədəfindədir", üstəlik, xalqı təhqir etməklə, iç üzünün murdar olduğunu belə açıb, ortaya qoyur. Bütün bunlar, bizim kimi, gör, neçə-neçə ağlı-kamalı olan, milli dövlətçiliyimizin möhkəmlənməsi naminə canından keçməyə hazır alovlu vətənpərvər həmvətənlərimizin əhval-ruhiyyəsini zəhərləyir. Axı, harada yaşamasından asılı olmayaraq, ana yurdun hər bir oğul övladı Vətən torpağına xəyanət edən mənfur düşmənlə barışmaz mövqedə durmalı, onu dişiylə didməyə hazır olmalıdır! Amma, bu gün, "Ocaq"da azərbaycanlı imzası ilə, bütün dövrlərdə, qüdrətli, vüqarlı və əzəmətli görünən Azərbaycanımızın və onun layiqli övladlarının simasına kimlərinsə yaxmaq istədiyi yalan, şantja, böhtan, iftira qoxulu aşağılayıcı ifadələr söylənməsi, hamını olduqca məyus edir.
Araşdırmalarımızdan məlum olur ki, "Ocaq"da belə yazıları daha çox dərc edən, həmin qəzetin Facebook səhifəsində də biabırçı materiallar paylaşmağı özünə şərəf bilən "Mirzə Əlil" ləqəbli Xeyrulla Xəyaldır. Əslən Salyanın Ərəbqardaşbəyli kəndindən olan və 1985-ci ildən Samarada yaşayan, Vətəndən olduğu kimi, milli təəssüb hisslərindən də çoxdan uzaq düşən Xeyrulla Xəyalın -- Xeyrulla Cahangir oğlu Süleymanovun Facebook-da yerləşdirdiyi foto-şəkillərindəki sifət cizgilərindən də aydın görünür ki, o, psixi cəhətdən normal olmayan bir insandır. Yalnız, bu, bizdə belə bir əminlik yaradır ki, onun yazılarının xarakterinin, insani xüsusiyyətləri ilə eyniyyət təşkil etməsinin başlıca səbəbi də, elə, qeyri-normal düşüncəli olmasıdır. Onun barəsində, samaralı mənbəmizdən araz.az-a ötürülən məlumatlar da, öncə söylədiklərimizin birbaşa təsdiqidir. "Xeyrulla Xəyal yazar yox, lənət və böhtan yağdırmağı, xəyanət və tənə etməyi, çirkin və təhqiramiz ifadələr işlətməyi özünün həyat amalına çevirən, milli məfkurədən uzaq düşən, hamının unutduğu, eləcə də arvad-uşaqsız, qardaş-bacısız qalan, daxili məni kimi, itirəcəyi heç nəyi qalmayan, əxlaqi və mənəvi hisslərdən uzaq nihilist bir insandır: Belə bir insana, --özü də, Rusiya kimi çətin və gərgin bir ölkədə, -- qəzet etibar etmək də düzgün deyil. Başa düşə bilmirik ki, bizim Samaradakı həmişə sinələrinə döyüb, öyünən diaspor "başbilənlərimizi" indiyədək bu ciddi məsələ niyə maraqlandırmayıb?! Axı, düzlükdən, təmizlikdən və obyektivlikdən uzaq işin faydasının olmadığı, çoxdan, onlara da məlumdur! Biz, belə başa düşürük ki, daşıdıqları insani keyfiyyətlər və xüsusiyyətlər norması sarıdan kasıb, ağıldan kəm, təfəkkürdən dayaz, imanları zəif belə insanlarla işləmək onlara daha sərfəlidir -- istədikləri vaxt Xeyrulla Xəyal kimilərdən geninə-boluna istifadə edə bilirlər. Yəqin ki, kimlərinsə "qapısına qol vurmaq üçün", öz tapşırıqları ilə, belələrindən "pas" gözləmək, diaspor işinə bələd həmin "başbilənlərə" daha faydalıdır.
Sübutsuz, dəlilsiz tanınmış adamları, nüfuzlu ictimai təşkilat rəhbərlərini böhtanla vurmaq istəyən sifarişçilər yaxşı bilirlər ki, mətbuatda bu iyrənc işi istedadlı fırıldaqçı, böhtan və şantaj ustası kimi məşhurlaşanların əliylə, bir də, Xeyrulla Xəyal kimi ağıl və düşüncədən kasad dəlilərin adıyla daha yaxşı yerinə yetirmək olur. Onun iyrənc sifarişlər icraçısı olduğu barədə, burada olduqca çox söz-söhbətlər gəzir. Milli adamlara qarşı kin-küdurət, qəzəb, şantaj, böhtan dolu sifarişləri küçə sözləri yazmaq qədər əcaibləşdirib, dramatikləşdirmək, həmişə hədəfdəki milli adamların "kürəyindən bıçaq saplamaq" məhz onun xarakterinə uyğundur.
Biz, tam əminliklə demək istəyirik ki, özlərini Azərbaycan xalqından həmişə üstün sayan və ermənilərə xidmət edən dairələr belə yazıların sifarişçiləridir. Bu dəliyəbənzər isə, onlara xoş gəlmək üçün, tanınmış soydaşlarımızın ünvanına aşağılayıcı sözləri yazmağa itrat dərəcədə şirnikən bir icraçıdır. Bu dəfə də, sifarişin ona ünvanlanması təsadüfi olmayıb və elə yerdən gəlib ki!.. Görəsən, belə məlumatları ona ötürən şəxslərdən başqa, bizim digər düşmənə ehtiyacımız qalırmı?! Paxıl və intriqant belə insanların iyrənc əməlləri əsl erməni hoqqasına bənzəmirmi?!
Belə insanların hərəkətlərinə reaksiya verməmək, onların getdikcə daha paxıl hərəkətlər etməsinə səbəb olur. Sussaq, növbəti hədəfdə kimlərin və nələrin olacağı da aydın olur. Onu da deyək ki, burada söhbət yalnız yazanın və haqqında yazılanın kimliyindən getmir, söhbət milli dəyərlərimizdən, milli əxlaqdan gedir. Və bu çərçivədə də, ozünə, ailəsinə, xalqına sayğı duyan hər kəs, Xeyrulla Xəyal kimilərin sosial mediasını başına alan belə mənəviyyatsız, tərbiyəsiz yazılara qarşı vaxtında reaksiya göstərməlidir.
Bütün sadaladıqlarımız, bizim üçün, sözün həqiqi mənasında, çox kədərli bir mənzərə yaradır. Öz soydaşlarımıza qarşı belə həyasız, ağılsız hücumlar insanı çox təəccübləndirir. Onlar əməllərində əqidə və ideyalılıq dəyəri saxlamır, mənəvi örnək olmağa layiq tanınmış soydaşlarımızı, öz həyat tərzlərinə baxmadan və Vətənə sədaqət, əxlaq normalarından çıxaraq, təhqir edirlər. Bizcə, bütün bunlar "düşmən dəyirmanına su tökməkdən" başqa bir şey deyil.
Həyatda necə olmasından və nə cür yaşamasından asılı olmayaraq, Xeyrulla Xəyalda vacib insani keyfiyyətlərin, arzulardan doğan hisslərinin çoxdan öldüyünü yaxşı bilirik. Yazısında ayrı-ayrı həmvətənlərimiz kimi, hamının, hətta xalqının ünvanına təhqiredici sözlər və aşağılayıcı ifadələr işlətməsi bunu bir daha təsdiq edir. Beləsinə baş qoşmaq da istəmirsən. Çünki, o, zatən həyatından küskün, bədbəxt bir insandır. Füzuli Məmmədovun, hətta digər qrupların yanında olanlara, eləcə də onlarla bərabər olan Qarabağ qazilərinə onun nədən çaqqal deməsini biz yaxşı başa düşürük. Bilirik ki, ağlı yerində deyil. Axı, ağlı yerində olan heç kim hamıya elə deməyə ürək etməz, çünki belələri bilir ki, ölkədə nə qədər Qarabağ qazisi var. Onu ortaya salanların günahkar olduqları isə, heç kəsə sirr deyil. Belə yaramazlara layiq olduqları şillə vaxtında vurulmur deyə, riyakarlıqlarını müxtəlif pərdələr altında gizlədərək, bir növ, vicdanlarını mənəvi yükdən azad edirlər. Bir sözlə, bu halda vicdan məsələsi onların insani xüsusiyyətlərdən arxaya keçir!" -- bu sözlər, samaralı soydaşlarımızın araz.az-ötürülən açıqlamalarından götürülüb.
Bu yerdə onu da qeyd etməyi vacib bilirik ki, həmin yazının sifarişi təkcə Mirkazım Seyidovu deyil, həm də xaricdə nüfuz sahibi olan, həm də ölkəmizdə azərbaycanlı iş adamı kimi yaxşı tanınan Rusiyadakı "İntersever” şirkətlər qrupunun rəhbəri, xeyriyyəçi, ictimai xadim, siyasətçi, Dünya Azərbaycanlıları İttifaqının və Ümumdünya Azərbaycan Mədəniyyət Fondunun prezidenti, eləcə də bu yaxınlarda Federasiyanın bütün regionunu təmsil edən diaspor qurumları təmsilçilərinin Moskva şəhərində təsis etdikləri Rusiya Azərbaycanlıları İttifaqına rəhbər seçilən Füzuli Məmmədovu "vurmaq" üçün verilib. Araşdırmalarımıza görə, Rusiya kimi çətin bir ölkədə məskunlaşan soydaşlarımızı vahid bir təşkilatda birləşdirməyə çalışan tanınmış diaspor fəalımızı hədəfə gətirənlər isə, xəyanətkar xarakterli azərbaycanlılardır. Bədniyyət sifarişçilər bu xoş niyyətli işin qarşısını almaq üçün, belə bir iyrənc metoda əl ataraq, süjet xətti adlara ironik yanaşmayla və iyrənc sər, böhtan ritorikasıyla zəngin yazılar mövzusunu, indi də, Xeyrulla Xəyal kimi anlaşılmaz bir yazara ötürüblər.
Hamıya məlumdur ki, Azərbaycanın dövlət proqramında daha çox Rusiyada məskunlaşan soydaşlarımızı bir araya gətirməyin vacibliyi önə çəkilib, bu, əsas vəzifə kimi qarşıya qoyulub. Hamı yaxşı bilir ki, bu böyük ölkənin dörd bir yanına səpələnən həmyerlilərimizin özlərinin ayrı-ayrılıqda təsis etdikləri təşkilatların bir mərkəzdə birləşməsi tezliklə baş tutmasa, onlar gözlənilən çox ağır günlərini yaşayacaq. Təəssüflər olsun ki, ölkənin xaricdə uçan qanadları olan bu gözəl sözləri əlimizdə şüar tutaraq, indiyədək bu adı doğrulda, Federasiyadakı milli diasporumuzun birliyinə nail ola bilməmişik. Bunun günahkarları da, çox vaxt "sapı özümüzdən baltalar" olublar. Nəticəsi isə, göz qabağındadır: Getdikcə daha da zəifləyən diasporumuzun köhnə və nüfuzlu təşkilatlarını itirmişik.
Qəti şəkildə qeyd edirik ki, xaricdə nüfuz sahibi olan soydaşlarımıza qarşı özümüzünkülərin iyrənc planları əsasında başladılan qəbuledilməz qarayaxma kampaniyaları, belələri tərəfindən düşünülmüş şəkildə ortaya "səpilən qarşıdurma toxumları", eləcə də ortadakı saysız-hesabsız intriqa və ədavətlər diasporumuzun işinin normal inkişafına əngəl yaradan başlıca səbəblərdir. Bu, həm də, milli diasporumuzun tarixinə qara ləkələr vurur. Bu məyusedici mənzərə həmvətənlərimizin daha çox yaşadıqları çoxmillətli Rusiya Federasiyasında daha acınacaqlı şəkildə nəzərə çarpır. Nüfuz sahibi olan həmin soydaşlarımıza qarşı qərəz, kin-küdurət çərçivəsində başladılan şər-böhtan kampaniyalarının, öz yerlilərimiz barəsində səsləndirilən məsuliyyətsiz fikirlərin, diaspor qurumlarımız arasında qəsdən törədilən intriqa və ədavətlərin illərdir davam etməsi, bunların qarşısını alacaq kimsənin tapılmaması ürək göynədir. Həmişə diaspor təşkilatlarımızın fəaliyyət istiqamətlərini hansısa vahid qurum yox, onları yaradan şəxsi liderlik ambisiyaları güclü şəxslər müəyyənləşdirib. Diaspor təşkilatlarında yüksək vəzifə tutan bu şəxslərin xoşlarına gəlməyən həmyerliləri barədə yuxarılara alçaq donoslar ötürmələri, daxili münaqişə və intriqaların artmasına şəxsi mənafe naminə qəsdən münbit şərait yaratmaları, liderlik uğrunda vicdan çərçivəsinə sığmayan xoşagəlməz mübarizələri, getdikcə qızışan digər iddiaları isə, dövlətimizin və xalqımızın ümumi mənafeyi naminə olacaq diaspor birliyinə imkan verməyib. Beləcə, təkhakimiyyətlik uğrunda mübarizəyə son verməyənlərin bağışlanmaz günahları ucbatından, diaspor təşkilatlarında komanda ruhu yaranmayıb. Halbuki hər bir azərbaycanlı, harada yaşamasından asılı olmayaraq, dövlət, dövlətçilik anlamlarının müqəddəsliyini dərk etməli, bunu, şərəf məsələsi olaraq, bütün dəyərlərdən üstün tutmalıdır. Lakin təxribatçı qüvvələr hələ də meydandadırlar və öz çirkin əməllərindən əl çəkmək istəmirlər. Əgər hər hansı təşkilat rəhbərinin reputasiyası təmizdirsə, ona qarşı hücumlar başladır, onları siyasi intriqalara cəlb edib, qaralamaq niyyətlərini reallaşdırmaq üçün hər an fürsət güdürlər.
Belə görünür ki, elə, "Ocaq" da bu təxribatçı qruplardan birinin " uzaqvuran silahı" rolunu oynayır. İntriqaçı belə insanların müsbət xarakterli, təəssübkeş, Vətən sevgili öz həmvətənlilərinə qarşı qəbuledilməz soyuq münasibətləri göz qabağındadır. Bütün bunlara görə, onların vicdanlarının zərrə qədər ağrımaması isə, əsl müsibətdir.
Deyilənlər barəd məlumatlarımız çoxdur. Araşdırmalarımızı davam etdiririk. Bizi izləyin.