Xaçmaz rayonunda sevdiyi qızın anasını baltalayaraq öldürməkdə təqsirli bilinən 1989-cu il təvəllüdlü Samir Hacıəliyevin cinayət işi üzrə məhkəmə prosesi başa çatıb.

Ali Məhkəmədə Hafiz Nəsibovun sədrliyi ilə baş tutan prosesdə prokurorun apelyasiya protesti, təqsirləndirilən şəxsin apelyasiya şikayəti üzrə araşdırma aparılıb.

Prokurorun təqsirləndirilən şəxsin cəzasının ağırlaşdırılması barədə verdiyi protest, təqsirləndirilən şəxsin cəzasının daha yüngül cəza ilə əvəz olunması barədə şikayəti təmin olunmayıb.

Bakı Ağır Cinayətlər Məhkəməsinin hökmü ilə Samir Hacıəliyev 10 il 6 ay müddətinə azadlıqdan məhrum edilib. Hökmdən narazı qalan Samir Hacıəliyev aldığı cəzadan narazı qalıb. O, barəsində çıxarılan hökmdən apelyasiya şikayəti verib. Şikayətə Sumqayıt Apelyasiya Məhkəməsində hakim Hüseyn Nəbiyevin sədrliyi ilə baxılıb.

Prokurorda apelyasiya şikayətinin təmin edlməməsini, cəzanın qüvvədə saxlanılmasını istəyib. Samir Hacıəliyev isə ona daha yüngül cəza verilməsini xahiş edib.

Məhkəmə tərəfləri dinlədikdən sonra qərara alıb ki, Cinayət məcəlləsinin 120.1-ci (qəsdən adam öldürmə) maddəsi ilə ittiham edilən Samir Hacıəliyev barəsində çıxarılan hökm qüvvədə saxlanılmalıdır.

İttihama görə, Samir Hacəliyev 2014-cü ildə tanış olduğu Xaçmaz rayonu, Yalama kənd sakini Şəfanə Feyzullayeva ilə ailə qurmaq istəyib.

Amma Şəfanənin anası Gülnaz Sultanova onların münasibətinə müdaxilə edərək ailə qurmalarına maneəçilik törədib. Bu zaman Şəfanə Feyzullayeva ilə münasibəti pozulub.

Gülnaz Sultanova Samirin qızı ilə yox, onun özü ilə ailə qurmasının istəyib. Samir Hacıəliyev mərhumun müxtəlif vasitələrə əl atmasından, mütəmadi olaraq anası Simnarə Hacəliyevaya və bacısı Maya Hacəliyevaya zəng etməsindən bezib.

Mərhum Samir Hacəliyevanın ailə üzvlərinə zəng edərək onu sevdiyini, onunla ailə qurmaq istəyini bildirib.

Bir çox hallarda isə öz qısqanclıq iradlarını ona kobud şəkildə bildirərək onun və ailə üzvlərinin ünvanına nalayiq ifadələr işlədib.

26 mart 2017-ci il tarixdə Samir qardaşının evində Gülnaz Sultanova ilə görüşüb və spirtli içki qəbul ediblər. Bu zaman Samir Gülnazdan ondan əl çəkməsini, qızı ilə ailə qurmaq istədiyini deyib. Amma Gülnaz Samirin bu tələbini rədd edib.

Bu görüşdən bir gün sonra Samir evdə olarkən Gülnaz Sultanova Samirə bir neçə dəfə zəng edib. Əvvəl telefonu söndürsə də, sonra Gülnaz Sultanovanın zənginə cavab verib. Bu zaman Gülnaz Sultanova Samirdən qəzəblə nəyə görə telefon zənglərinə cavab vermədiyini soruşub və qısqanclıq iradlarını yenə də kobud şəkildə bildirməklə, həm onun, həm də anası Simnarə Hacəliyeva ünvanına nalayiq ifadələr işlədib.

Bundan sonra Samir Gülnazı öldürmək qərarına gəlib. Bu niyyətlə Gülnaz Sultanovanı anası Simnarə Hacəliyeva ilə görüşdürəcəyi bəhanəsi ilə yaşadığı evə dəvət edib. Gülnaz Sultanova Samirgilin evinə gələrkən sərxoş vəziyyətdə olub.

Qadını qapıda qarşılayan Samir həyətdə odun doğramaq üçün istifadə etdiyi baltanı götürərərk arxadan Gülnaz Sulatanovaya yaxınlaşıb və onun baş nahiyyəsinə 5 zərbə endirib.

Samir Gülnaz Sultanovanın öldürdüyünü güman edərək Xaçmaz rayon polis şöbəsinin Yalama polis bölməsinə gedərək təslim olub. Gülnaz Sultanova Xaçmaz mərkəzi rayon xəstəxanasına çatdırılsa da, həyatını xilas etmək mümkün olmayıb.

Bakı Ağır Cinayətlər Məhkəməsində istintaq aparılarkən Samir Hacıəliyev bildirib ki, hadisə baş verən günü evdə olub və Gülnaz onun anasına zəng edib: "Məni pis söyüşlərlə söydü. Görüşəndə mübahisə elədik, vurdum".

Təqsirləndirilən şəxs qətlə yetirdiyi şəxsin qızı ilə sevgi münasibətləri yarandığını deyib: "Mən onlara gedib-gəlməyə başladım. Qızın nənəsi məni çox istəyirdi. Qızın anası aramızı vurdu və sonradan bildim ki, Gülnaz məni sevir, ona dedim ki, məndən əl çək, ayıbdır. Məndən əl çəkmirdi, maşın tutaraq arxamca gəzirdi. Dostlarımın yanında məni sevdiyini deyirdi. Deyirdi ki, məni sevməsən qızımı öldürəcəm. Gülnazla yeyib-içdik. Sonra məndən əl çəkməsini istədim. Dedi ki, ya mənim olmalısan, ya da səni öldürəcəm.

Ona dedim ki, nəyəm ki sənin olum? Sonra Gülnaz evlərinə getdi. Onunla görüşməkdə məqəsədim məndən əl çəkməsinə nail olmaq idi. Gülnazla mənim münasibətimi heç kim görməyib. Bu hadisədən bir neçə gün əvvəl də Gülnazla cinsi əlaqədə olmuşam. Onunla iki dəfə cinsi əlaqədə olmuşam".

Məhkəmə prosesində qətlə yerilən qadının qızı Reyhan Feyzullayeva dindirilib. O, Bakıda işləyən zaman Samir Hacıəliyevin ona zəng etdiyini bildirib: "Mənimlə tanış olmaq istədiyini söylədi. Dedim elçi göndər. Rayona gələndə də onunla danışdım. Lakin bizə elçi göndərmədi. Bu barədə anama danışdım. Sonra münasibəti kəsmək istədim. Samir əl çəkmədi, mənə və anama zəng edirdi. Anamla mübahisə edəndən sonra Samirgilə getdim. Orada qaldım. Səhər anam gəldi və mənim evə qaytmağımı istədi. Qayıtmadım, üç gün onlarda qaldım. Həmin vaxtlar mənimlə kobud davranırdı. Anama zəng edəndə telefonu yerə çırpdı. Samir içkili idi.

Sonra anamla danışıb, məni aparmasını istədim. Anam gəldi. Lakin Samirin anası getməyimi istəmədi. Anamla evimizə getdim. Samir sonra məni evlərinə aparmaq istədi, razı olmadım. O, çıxıb getdi. Ona bizdə alınmadığını söylədim. Məni sevə-sevə anamla da münasibət saxlayırdı. Buna görə də xəcalət çəkirəm. Bununa bağlı maraqlandım. Mənə dedilər ki, "onların münasibətləri var, guya sən bilmirsən?" Həm anamla, həm də Samirlə danışdım. Samir and içdi ki, anamla münasibəti yoxdur. Amma ona inanmadım".

Hacı ZEYNALOV