Bu gün Lənkəran Ağır Cinayətlər Məhkəməsində Biləsuvar Rayon İcra Hakimiyyətinin keçmiş başçısı Mahir Quliyevin işi üzrə hazırlıq iclası keçirilib.

Hazırlıq iclasında Quliyevin anket məlumatları dəqiqləşdirilib.

Bundan sonra sabiq icra başçısının vəkilləri onun barəsində həbs qətimkan tədbirinin ev dustaqlığı ilə dəyişdirilməsi barədə vəsatət qaldırıb. Ancaq məhkəmə kollegiyası bu vəsatəti rədd edib. Mahiyyəti üzrə dinləmələr sentyabrın 2-nə təyin edilib.

Quliyev 2020-ci ilin aprelində həbs edilib. O, maliyyə pozuntuları, vəzifə səlahiyyətlərindən sui-istifadə və mənimsəmədə  ittiham olunur.

Gundemxeber.az