Gəncədə tanışını qətlə yetirməkdə təqsirləndirilən Emil Quliyevin məhkəməsi başlayır.

Cinayət işi baxılması üçün Gəncə Ağır Cinayətlər Məhkəməsinə göndərilib.

İş hakim Dadaş İmanovun icraatına verilib.

Məhkəmənin hazırlıq iclası avqustun 3-nə təyin edilib.

Qeyd edək ki, hadisə bu ilin martında Gəncədə qeydə alınıb.

Belə ki, 2001-ci il təvəllüdlü Emil Quliyev şəxsi münasibətlər zəminində aralarında baş vermiş mübahisə zamanı bıçaqla 1991-ci il təvəllüdlü Abbas Əliyevi qətlə yetirib.

E.Quliyevə qarşı Cinayət Məcəlləsinin 120.2-ci (qəsdən adam öldürmə, xuliqanlıq niyyəti ilə adam öldürmə) maddəsi ilə ittiham irəli sürülüb.

Gundemxeber.az