2017.07.01, 17:53

ABŞ-ın Arkanzas ştatının mərkəzi Litl Rok şəhərində gecə klublarından birində atışma olub.

Atışma Pover Ultra Lounç adlı klubda baş verib.

İlkin məlumatına görə hadisə zamanı 17 nəfər yaralanıb.

İnformasiyaya əsasən, gecə klubunda olan iki nəfər arasında mübahisə yaranıb. Mübahisə daha sonra silahlı qarşıdurmaya çevrilib.

***

Baş verən silahlı olay nəticəsində yaralıların sayı 28-ə çatıb.

Bu barədə “Foks Nyus” məlumat yayıb.

Yaralılardan birinin vəziyyəti ağırdır.

***

ABŞ-ın Arkanzas ştatında silahlı hücumun baş verdiyi gecə klubu bağlanıb.

Bu haqda şəhər meri Mark Stodol məlumat yayıb.

Polis hadisənin terror aktı olmadığını bildirib./report/