Keçmiş icra başçısının məhkəməsi davam etdirilib. O, dələduzluqda ittiham edilir.

Gundemxeber.az musavat.com-a istinadən xəbər verir ki, Bakı Ağır Cinayətlər məhkəməsində Münsif Səfərovun cinayət işi üzrə məhkəmə iclası davam etdirilib.
Hakim Mirzə Xankişiyevin sədrliyi ilə keçirilən prosesdə hökm oxunub.
Məhkəmənin hökmü ilə M.Səfərova şərti cəza verilib və o, məhkəmə zalından azadlığa buraxılıb.
Xatırladaq ki, M.Səfərov məhkəmədən qaçdığı üçün barəsində axtarış qərarı çıxarılmışdı.
Prokuror çıxışında M.Səfərovun 8 il müddətinə azadlıqdan məhrum edilməsini və barəsində seçilən qətimkan tədbirinin həbs qətimkan tədbiri ilə əvəz olunmasını, məhkəmə zalında həbs edilməsini istəmişdi.
Qeyd edək ki, sabiq icra başçısının şəriki Rüstəm Bayramova da məhkəmənin hökmü ilə şərti cəza verilib.
Bildirək ki, Münsif Səfərov 1992-ci ildə Ağcabədi rayon İcra Hakimiyyətinin başçısı olub.
İttihama görə, təqsirləndirilən şəxslər Fərabi Mənsur adlı şəxsin evini dələduzluq yolu ilə ələ keçirərək bankdan küllü miqdarda pul götürüblər. Həmin şəxslər F.Mənsura 60 min manat ziyan vurublar və hər iki şəxsə qarşı Cinayət Məcəlləsinin 178.3.2-ci (dələduzluq; küllü miqdarda törədildikdə) maddəsi ilə cinayət işi başlanıb.