Gundemxeber.az » Ölkə » Kirminal » Şoltsun rəhbərlik etdiyi koalisiya seçkilərdə ciddi məğlubiyyətlə üzləşdi
Şoltsun rəhbərlik etdiyi koalisiya seçkilərdə ciddi məğlubiyyətlə üzləşdi
Almaniya kansleri Olaf Şoltsun rəhbərlik etdiyi koalisiyaya daxil olan partiyalar Almaniyanın iki əsas əyalətində - Bavariya və Hessendə keçirilən seçkilərdə ciddi məğlubiyyətlə üzləşiblər.
Gundemxeber.az xarici mediaya istinadla bildirir ki, ölkənin hakim partiyalarının hər üçü - Sosial Demokratlar (SPD), Yaşıllar və Azad Demokratlar Almaniya seçicilərinin təxminən beşdə birinin yaşadığı Bavariya və Hessendə dəstəyi itirirlər.
İfrat sağçı "Almaniya üçün Alternativ” (AfD) Hessendə ikinci, Bavariyada isə üçüncü ən güclü siyasi qüvvəyə çevrilib ki, bu da onun artan populyarlığını göstərir.
Hessendə SPD Federal daxili işlər naziri Nensi Feserin rəhbərlik etdiyi kampaniyadan sonra üçüncü yerə düşüb. İlkin nəticələrə görə, Şoltsun Sosial Demokratlar Partiyası 15,1% səs toplayıb. Partiya bu torpaqda heç vaxt belə aşağı səs payı almayıb.
Lakin Hessenin baş naziri Boris Reynin rəhbərlik etdiyi mühafizəkar Xristian Demokrat İttifaqı (CDU) zəfərini qeyd edir: Xristian Demokratlar 34,6% səslə 2018-ci il seçkiləri ilə müqayisədə nəticəni əhəmiyyətli dərəcədə artırıb (+ 7,6 %). Reynin koalisiya tərəfdaşları Yaşıllar 2018-ci ildəki nəticələrini artıra bilməyib və 14,8% (- 5%) yığıb.
CDU ilə birlikdə əyalətdə seçkilərin ən böyük qalibi AfD-dir ki, bu da öz payını 5,3% artıraraq 18,4%-ə çatdırıb. Azad Demokratlar 5% səslə əyalət parlamentinə çətinliklə keçə bilib.
Bavariyada mühafizəkarların qardaş partiyası, Baş nazir Markus Söderin Xristian Sosial Birliyi (CSU) seçkilərdə qalib gəlib. İlkin nəticələrə görə, CSU 0,2% itirərək 37,0% səs toplayıb.
Bavariyada ikinci yerdə 15,8 faizlə "Azad seçicilər” qərarlaşıb. Sonrakı yerdə 14,6% ilə AfD, 14,4% ilə Yaşıllar və 8,4% ilə SPD gəlir. Azad Demokratlar 3 faizlə əyalət parlamentinə daxil olmayıb.
Bu iki bölgədə keçirilən regional seçkilər ictimai əhval-ruhiyyənin mühüm göstəricisi kimi qiymətləndirilir.
Gundemxeber.az
Oxşar yazılar :
-
-
Almanlar yenə Merkeli seçdi ...
23-09-2013, 11:59
-
Almaniyada parlament seçkilərinin yekun ...
25-09-2017, 10:15
-
İraq və İspaniyadan sonra Almaniya – BAVARİYA DA ...
6-10-2017, 12:36
-
Angela Merkel vəzifədən getməyə hazırdır ...
30-10-2018, 14:21
-
Olaf Şolts Ukraynaya tank çatdırılması barədə ...
8-04-2022, 16:00
Sorğu
Hansı bölmədə daha çox xəbər görmək istərdiniz?