Gundemxeber.az » Ölkə » Kirminal » 16 yaşlı gəncin ərindən boşanan bibisi qızı ilə sevgi macərası: “Yad kişi ilə...“
16 yaşlı gəncin ərindən boşanan bibisi qızı ilə sevgi macərası: “Yad kişi ilə...“
Lənkəran rayonunda 2007-ci il təvəllüdlü Təhməz sevgi münasibətində olduğu qohumu Laləyə (adlar şərti verilib – red.) xəsarət yetirib.
Hadisə 24 dekabr 2023-cü ildə Lənkəran rayonunun kəndində baş verib.
Təhməz həmin gün saat 10 radələrində bibisi qızı Lalənin yaşadığı evə gedib, onu sevdiyini bildirib, həmkəndlisi İntiqamla əlaqəsinin olub-olmadığını soruşub. Mübahisə zamanı qonaq otağındakı masanın üzərində olan mətbəx bıçağını götürüb və Lalənin qarın nahiyəsinə zərbə vurub.
İstintaq orqanı tərəfindən Təhməzin barəsində Cinayət Məcəlləsinin 126.2.3 (xüsusi amansızlıqla, o cümlədən zərərçəkmiş şəxsə ağır iztirablar verməklə və ya sifarişlə, habelə təqsirkar üçün aşkar surətdə köməksiz vəziyyətdə olan şəxsə qarşı qəsdən sağlamlığa ağır zərər vurma) və 126.2.4-cü (ümumi təhlükəli üsulla, xuliqanlıq niyyətilə qəsdən sağlamlığa ağır zərər vurma) maddələri ilə ittiham elan edilib.
“Laləgildə qalırdım
Cinayət işi üzrə təqsirləndirilən şəxs qismində ifadə verən Təhməz elan olunmuş ittiham üzrə özünü təqsirli bilib. İfadəsində göstərib ki, Lalə ərindən boşanıb, anasının evinə gəldikdən sonra onunla münasibəti yaranıb: “Təxminən bir il yarım aramızda sevgi münasibəti oldu. Telefonla danışdıq, görüşdük, dəfələrlə onların evində cinsi əlaqədə olduq. Məndə Lalənin çox saylı şəkilləri vardı”.
Təqsirləndirilən şəxs qeyd edib ki, 2021-2022-ci illərdə Laləgildə də qalıb: “Bibim evdə olmayanda Laləylə cinsi əlaqədə olmuşam. Mənim Laləgildə qalmağımı yaşadığımız kənddə çox adam bilirdi. Masallı rayonuna və Bakı şəhərinə işləməyə gedib-gəldikdən sonra gecə vaxtı əmimgilə gedəndə İntiqamı Laləgilin evlərinin qarşısında gördüm. Ondan burada nə gəzdiyini soruşdum, Lalənin çağırdığını dedi. Amma nə üçün çağırdığını söyləmədi. Heç mən də İntiqamın ora nə üçün gəldiyi ilə maraqlanmadım. Düşündüm, bəlkə nəsə işləri var, İntiqamı bibim çağırıb.
Lalə ilə İntiqam arasında münasibətin olması ağlıma gəlmədi. Həmin günün səhəri Laləgilə getdim, anası evdə deyildi. Lalənin telefonunda İntiqamın nömrəsini gördüm. Nömrənin nə üçün onda olmasını soruşdum, anasının İntiqama zəng vurduğunu dedi.
Bundan 7-8 ay sonra İntiqamı yenidən Laləgilin evlərinin yanında gördüm. Yenə səbəbini soruşdum. Lalə İntiqamla əlaqəsinin olmasını etiraf etdi”.
“Etiraf elədi, vurdum”
Təhməz deyib ki, 24 dekabr 2023-cü ildə saat 10 radələrində Laləgilə gedib: “Söhbət zamanı İntiqamla əlaqəsi olduğunu, onunla yaxınlıq etdiyini bildirdi. Mən də əsəbləşərək Lalənin yanında olan bıçağı götürüb ona bir zərbə vurdum.
Bıçağı vurduqdan sora Lalə yıxılmaq istəyəndə onu yıxılmağa qoymadım, tutdum. Bıçağın dərin batdığını fikirləşdim. Özünü pis hiss edirsə, xəstəxanaya aparmağımı, təcili tibbi yardım çağırmağımı təklif elədim. Lalə isə hər şeyin qaydasında olduğunu dedi, xəstəxanaya getmək istəmədi. Həmçinin xahiş elədi ki, gedim, anası gələndə məni görməsin.
Onun sözünə qulaq asmadım, qaldım. Bint, spirt alıb gətirdim, yarasını bağladım. Lalənin anası gələndən sonra nənəmgilə getdim”.
“Anasının telefonu ilə əlaqə saxlayırdım”
Təqsirləndirilən şəxs bildirib ki, Lalə üçün yara binti alıb: “Bunu binti aldığım şəxs, həmin yerin yanında olan bibim oğlu Vasif və digər şəxslər də təsdiq edə bilərlər. Lalə ilə nənəmgilə getməyimi nənəm Sənəm, qohumlarımız Bahar və Yaqub da təsdiq edərlər.
İşdə adı keçən İntiqam qonşumuzdur. Onunla Laləylə əlaqəsi barədə danışmamışam. Ondan Laləgilin evinin yanında nə işinin olduğunu soruşmuşam.
İntiqamı gecə saat 22 radələrində Laləgilin həyətinə giriş qapısının yanında dayanmış vəziyyətdə görmüşəm. Həmin vaxtı bibim də evdəydi. Hadisə baş verəndən 7-8 ay əvvələ qədər Lalənin telefonu yoxuydu. Onunla anasının telefonu vasitəsi ilə əlaqə saxlayırdım”.
“Uşaq yanımızda deyildi”
Təhməzin ifadəsinə görə, Bakı şəhərindən sonuncu dəfə işdən 9 oktyabr 2023-cü ildə gəlib: “Bundan sonra Bakı şəhərinə getmədim. Mənim öz evim yoxdur, uşaqlığımdan qohumların evində, o cümlədən Laləgildə qalmışam. Bibimin qızı ilə münasibətimdən, onu sevməyimdən xəbəri olmayıb.
Laləni bıçaqla vurmağımın səbəbi onu İntiqama qısqanmağım oldu. İntiqamı hadisədən bir gün əvvəl görmüşdüm. Lalədən İntiqamla əlaqəsi barədə soruşdum, cavab məni qane etmədiyi üçün onu bıçaqla vurmuşam. Lalə İntiqamla əlaqəsinin olmasını mənə etiraf etmədi.
Hadisədən 7-8 ay əvvəl Lalənin telefonunda İntiqamın mobil nömrəsi bloklanmış nömrələr siyahısındaydı. Ondan bunun səbəbini soruşdum. Bəhanə gətirdi, İntiqamla anasının danışdığını dedi. Bu səbəbdən əsəbləşib Lalənin telefonunu sındırdım. Sonra da ustaya aparıb düzəltdirdim.
Hadisə vaxtı əvvəl Laləni vurmaq niyyətim yoxuydu. Lakin sözlərinə əsəbləşərək onu vurdum. Laləni vuranda azyaşlı oğlu Cavid otaqdaydı. Amma mənim Laləni vurmağımı görmədi. Laləni eyvanda vurdum, Cavid isə otaqdaydı. O, yalnız mübahisələrimizi eşitdi. Amma anasını vurduqdan sonra yanımıza gəldi.
Nənəmgilə gedəndə ona Laləni bıçaqla vurmağım barədə heç bir söz demədim. Laləyə ağır xəsarət yetirmək məqsədim yoxuydu. Hadisə ani baş verdi. Vurduğum bıçağın tiyəsi təxminən 3-4 santimetr Lalənin qarın nahiyəsinə keçdi”.
“Ailə qurmaq fikrim vardı”
Təqsirləndirilən şəxs qeyd edib ki, Lalə onunla danışdığı vaxt onu əsəbləşdirib: “Özümü saxlaya bilməyib bıçağı götürdüm və vurdum.
Mən İntiqamla Laləni bir yerdə görməmişəm. Lakin onların sözlərinin uyğun gəlmədiyini hiss edəndə şübhəmə əmin oldum. Onların əlaqəsini sübut etdim. Çünki Lalənin telefonunda İntiqamın telefon nömrəsini aşkarlamışdım.
Mənim Laləylə ailə qurmaq fikrim vardı. Fikrimi bıçaqla vurmamışdan əvvəl və bıçaqla vurduğum gün də ona demişdim. O da mənə hərbi xidmətə gedib-gəldikdən sonra evlənəcəyimizi dedi.
Əməlimdən peşmanam. Lalədən məni bağışlamasını xahiş etdim, amma məni bağışlamadı. İntiqam yalan danışır, onun Lalə ilə əlaqəsi olub”.
“Anama deməyə qorxdum”
İş üzrə zərərçəkmiş qismində ifadə verən Lalənin sözlərinə görə, Təhməzin onu sevdiyini eşidib: “Ancaq yaxınlaşaraq məni sevdiyini deməyib. Təhməz də, mən də eyni kənddə yaşayırıq. O bizə gəlib-gedirdi. Həmin vaxtlar anam da evdə olurdu. Mən tək olanda Təhməz bizə gəlməyib. Mənim telefonum olmayıb.
Təhməzgilin evləri bizə yaxındı. O məni ev bıçağıyla vurdu. Həmin vaxt 2021-ci il təvəllüdlü oğlum Cavid də yanımdaydı.
Təhməz gedəndən bir az sonra anam evə gəldi. Təhməzin məni bıçaqladığını anama oğlum dedi. Özüm anama deməyə qorxdum. Yaramı Təhməz özü bağladığı üçün qan axmadı.
Təhməzin mənim şəkillərimi hansı məqsədlə çəkdiyini bilməmişəm. Hətta şəkilin birini o mənim özümə çəkdirmişdi. Təhməzi bağışlamamışam, onunla barışmaq istəməmişəm. Ondan şikayətçiyəm”.
“Sevgi münasibətim olmayıb”
Zərərçəkmiş şəxs qeyd edib ki, hadisədən sonra Təhməz onun yanında təxminən 4 saat müddət ərzində qalsa da, onu xəstəxanaya aparmayıb:
“Bu müddət ərzində mənim yaramı sarıyıb, amma yalan danışır, yaramı bağladığı bint evimizdəydi. Yaramı bağladıqdan sonra onunla nənəmgilə getməmişik. Çünki nənəmgillə danışmırdıq.
Təhməzlə aramızda sevgi münasibəti olmayıb, onunla cinsi əlaqədə olmamışam. Sevgi barədə danışmamışıq, mütəmadi telefon əlaqəsi saxlamamışıq, mesajlaşmamışıq. Təhməz məni vurandan sonra yerə yıxmaq istədi, lakin mən yıxılmadım. O mənə xəstəxanaya aparmağı təklif etmədi. Əksinə özüm ona məni xəstəxanaya aparmasını istədim. Lakin Təhməz imtina elədi. Təcili yardıma anam zəng vurdu.
Təhməz məni bıçaqlayandan sonra 4 saat bizdə qalıb hadisə barədə kiməsə məlumat verməyə qoymadı. Kiməsə məlumat verilməməsi üçün aktiv hərəkət etmədi, əllərimi tutmadı. Sadəcə evdə qaldı, kiməsə məlumat verməyi lazım bilmədiyini dedi.
Xəstəxanada cərrahiyyə əməliyyatı edildikdən sonra bir həftə stasionarda yatdım, sonra evə buraxıldım. Təhməz mənə ailə qurmaq istədiyini də deməyib”.
Zərərçəkmişin ifadəsinə görə, oğlu Cavid onların yanına sonradan gəlməyib, Təhməzin onu bıçaqla vurduğunu görüb, qışqıraraq ağlamağa başlayıb.
Lalə bildirib ki, əri Rusiya Federasiyasında evləndiyi üçün ondan boşanıb: "Ərim mənimlə ailə qurduqdan sonra Rusiyaya getdi. O, uşağı ilə danışır, arada aliment ödəyir”.
Bu cinayət işinə Lənkəran Ağır Cinayətlər Məhkəməsində baxılıb. Məhkəmənin hökmü ilə Təhməzin ittiham olunduğu Cinayət Məcəlləsinin 126.2.3 və 126.2.4-cü maddəsi həmin məcəllənin 126.1-ci (qəsdən sağlamlığa ağır zərər vurma) maddəsinə tövsif edilib.
Təhməz 3 il müddətinə azadlıqdan məhrum edilib./Teleqraf.com
Oxşar yazılar :
-
-
Nizami Bəhmənovun gəlininin bıçaqlanması ilə ...
5-02-2020, 12:44
-
Gecə yatdığı yerdə kürəkənini yandıran ...
27-11-2018, 12:17
-
Beşqat dünya çempionuna 8 il cəza istənildi - ...
11-06-2019, 13:16
-
Yaşlı anasını amansızcasına döydü ...
16-12-2015, 02:34
-
Bakıda bacısını bıçaqlayan şəxsə hökm oxundu ...
11-03-2019, 15:26
Sorğu
Hansı Antivirusdan istiafdə edirsiniz?