"ANALOQSUZ İNKİŞAF"IN FANTANLARI...

Sumqayıt cüzi yağışa bənddir ki,sel suları altında qalsın.Şəkildə gördüyünüz mənzərə, İnşaatçılar qəsəbəsinin,"İnşaatçılar Mədəniyyət Klubu"nun qarşısıdır.10 illərlədir ki bu vəziyyətdədir.

Klubda Qubadlı qaçqınları məskunlaşıb. 50 metrliyində Qubadlı rayon icra hakimiyyəti "bərqərar" olub."Gündəm xəbər"in elektron poçtuna məktub göndərən, sakinlərin dediyinə görə, şikayətə baxan yoxdur.

Sumqayıt İH başçısı Zakir Fərəcovla,hakimiyyətin ÜSTqatı ilə qahım olan,Qubadlı RİH başçısı Malik İsaqov öcəşib.Problemin həllini, bir-birinin üzərinə atır.Nəticədə,sakinlər əziyyət çəkir.



Bundan başqa,yaxınlıqda yerləşən 9 saylı tam orta məktəbə gedən şagirdlər,ayaqları islanmış halda,dərslərin axırına qədər oturmaq məcburiyyətində qalırlar.

1940-cı illərdə Sumqayıtın mərkəzi sayılan bu qəsəbə, 1944-cü ildən sonra, Alman əsirləri tərəfindən inşa edilib. Alman mütəxəssislərin yoxlamasından sonra, qərara alınıb ki,ərazidə 2-3 mərtəbəli evlər tikilə bilər.

Elə həmin vaxtdan, qəsəbədə 5 mərtəbəli evlərin tikintisi qadağan olunub. Mütəxəsislər səbəb kimi, torpaq sıxlığının yükgötürmə qbiliyyətinin olmamasını göstəriblər. Sumqayıtın İnşaatçılar qəsəbəsində,alman əsirlərdən sonra,daşı-daş üstə qoyan olmayıb.Yollar və kommunal infrastruktur bərbad gündədir.

Hazırda qolunu çırmayıb "abadlıq"işlərinə girişən icra hakimiyyəti başçısı, Zakir Fərəcov yolunu bir dəfə də olsun, bu qəsəbədən salmayıb.Sumqayıtın abadlığı üçün ayrılan milyonlar, israfsızcasına talan edilir.



H.Əliyev parkında, sabiq İH başçısı Eldar Əzizov (Tort Eldar) tərəfindən H.Əliyev Mərkəzi tikdirməsinə baxmayaraq, Z.Fərəcov ölkə böhran altda rəzil olduğu bir vaxtda,israfçılıq edərək, prezident İ.Əliyevə yarınmaq üçün, inşaat materialları xaricdən gətirilmiş,yeni H.Əliyev mərkəzi tikdirdi.Həmin mərkəzə xərclənən vəsaitlə, 9 mərtəbəli, 90 mənzilli,bina tikdirmək olardı. Bu da kirayələrdə yaşayan,boşanma astanasında olan, 90 gənc ailənin mənzil probleminin həlli olardı.



Əlbətdə ki, bu cür problemlər bütün şəcərəsini yağ-bal içində saxlayan, Sumqayıt şəhər İH başçısı Z.Fərəcov üçün elə də önəmli deyil.

Sumqayıtın "gözəlləşdirilməsi"əsasən kosmetik qaydada aparılır. Belə ki,protokol yolları (prezidentin hərəkət proyektoriyası) və ətraf küçə,binalara kosmetik əl gəzdirməklə cənab başçı işini bitmiş hesab edir.

Subtropik ölkələrdən od qiymətinə dekorativ kol,palma ağacları gətilməsinin bir adı var,TALAN...! Əkilən ağacların çoxu iqlimə uyğunlaşmayıb quruyur.Bu "xərcləmələr" cənab Z.Fərəcovun şəxsi büdcəsindən xərclənmədiyindən (At özgənin...prinsipi) ona elə də təsir etmir.

İşsizlikdən, qul bazarının daimi sakinlərinin sırası hər gün artmaqdadır.Çox təssüflər olsun ki,Sumqayıta ayrılan milyonların hesabına, minlərlə iş yerləri açmaq olardı.



"Gündəm xəbər"olaraq, biz heç də abadlığın əleyhinə deyilik.Biz aidiyyatı üzrə xərcləmələri təqdir edir,TALANI yolverilməz hesab edirik...

Şakir Həsənsu