Xeyli müddətdir ki, Səbail rayonunun Batamdar qəsəbə bələdiyyəsində yaşanan problemlər ciddi müzakirə mövzusuna çevrilib. Buna da səbəb olan bir çox amillər var. Belə ki, “Gündəm Xəbər”in redaksiyasına çatdırılan məlumatlarda bildirilir ki, bələdiyyənin bugünkü sədri Həbib Əsədovla adı çəkilən qurumda vergi şöbəsinə rəhbərlik edən Ramiq Mustafa ələlə verərək, neçə illərdir ki, Batamdar qəsəbə ərazisindəki torpaq sahələrinin “altından girib üstündən çıxıblar”. Məsələnin maraqlı tərəfi ondan ibarətdir ki, rayonun əvvəlki rəhbərliyi adı çəkilən hər iki şəxsin belə bir çirkin oyunlarından lazımınca məlumatlı olsa da, nədənsə heç zaman onların “xətrinə dəyməyib”. Belə bir cəzasızlığın varlığı da, hər iki şəxsi daha ciddi qanunsuzluq əməllərinə qol qoymağa sövq edib. Elə ki, bir müddət bundan öncə Azərbaycan Respublikasının prezidenti cənab İlham Əliyevin imzaladığı sərəncam əsasında Vüqar Zeynalov Səbail RİH-nin başçısı təyin olundu, o halda Batamdar qəsəbə bələdiyyəsində “sular durulmağa” başladı. Yəni vəzifəsinin icrasına başladıqdan az sonra, adı çəkilən qəsəbə bələdiyyəsində “gedən oyunlar”dan ətraflı məlumatlı olan İcra başçısı, çox keçmədi ki, qətiyyətli mövqeyini ortaya qoydu. Bir halın varlığına da diqqət yetirək ki, bir müddət bundan öncə Batamdar qəsəbəsindəki 236 saylı orta məktəbdə RİH-nin başçısı cənab Vüqar Zeynalovla sakinlər arasında keçirilərkən, icra başçısı bələdiyyənin sədri Həbib Əsədova “Sənin necə və kimlərlə işlədiyini yaxşı bilirik. Heç də fikrləşmə ki, sən seçkili orqana rəhbərlik edirsən” deyir.

“Gündəm Xəbər”ə daxil olan məlumatlara görə artıq on gündən çoxdur ki, Səbail RİH-nin başçısı bələdiyyənin sədri Həbib Əsədovu “kontrola götürüb”. Daxil olan məlumatlarda o da bildirilir ki, bələdiyyə sədri qəsəbə torpaqlarının qeydiyyatı ilə bağlı sənədləri başçının masasının üstünə qoysa da, icra başçısı həmin sənədləri Həbib Əsədovun üstünə atır və ona “Sən məndən nələrisə gizlədirsən, mənə düzgün məlumat ver” deyə lazımi tapşırığını verir. Belə bir ab-havanın varlığı o deməkdir ki, bələdiyyə sədri artıq “yol üstədir”. Yəni, rayon rəhbərliyinin yanaşmasından aydın olur ki, icra başçısı bələdiyyə sədrini tez bir vaxtda “yola salmaq” fikirinə düşüb. Əldə etdiyimiz başqa bir məlumatlarda o da vurğulanır ki, Həbib Əsədov və Ramiq Mustafa Putin-Medvedev “oyununu oynamaq” istəyirlər. Yəni, söylənilənlərə görə hər iki şəxs belə bir fikirə düşüblər ki, keçiriləcək bələdiyyə seçkisində onların hər ikisi də iştirak etsin və bu dəfə Ramiq Mustafa sədr olsun, Həbib Əsədov isə müavin vəzifəsini daşısın. Atalar deyir: “Sən saydığını say, gör fələk nə sayır”. Odur ki,

Bundan başqa onu da bildirək ki, Batamdar qəsəbə bələdiyyəsində vergi şöbəsinə rəhbərlik edən Ramiq Mustafa heç bir dövlət tədbirlərində, o cümlədən Heydər Əliyevlə bağlı keçirilən anım tədbirində də iştirak etmir. Bu da böyük şübhələrin əmələ gəlməsinə səbəb olur.

Mövzu diqqətimizdədir.

Gundemxeber.az