Turqut Özalin ailəsi də qiyamətdən qorxurmuş

gundemxeber.az Mayya təqvimindən sui-istifadə edənlər 21 dekabr tarixini dünyanın sonu kimi qələmə verməyə çalışır, insanlar arasında xof yaradırlar. Sabah dünyanın sonunun olacağına və yalnız Türkiyədəki Şirincə kəndinin salamat qalacağına inanan şəxslər isə bura axın edirlər.

Bunu nəzərə alaraq, İzmir Qəzetçilər Cəmiyyəti Modern.az saytı üçün Şirincə kəndindən xüsusi reportaj hazırlayıb. Anonsunu bir az əvvəl etdiyimiz reportaji oxucularımıza təqdim edirik.

Mayya təqviminə görə, 21 dekabrda Marduk planetinin dünyayla toqquşması dünyanın dağılması ilə nəticələnək. İddiaya görə, bu toqquşma nəticəsində salamat qalan yeganə yerlərdən biri də Türkiyənin İzmir vilayətinin Şirincə kəndi olacaq.

Hazırda Şirincə kəndində həyəcan getdikcə artır. “Qiyamət günü” üçün xüsusi papaq, şərab, şirniyyat, köynəklərin hazırlandığı Şirincəyə beynəlxalq xəbər kanalları və agentliklərinin əməkdaşları da axın edib. Sabahkı günü psixoloji cəhətdən qəbul edib, özünü yaxşı hiss edənlərə psixoloq və psixiatrlar kömək edəcək.

İnsanların təhlükəsizliyi təmin etmək üçün 1500 nəfərlik mühafizə ayrılıb

“Böyük gün”ə hazırlaşan şirincəlilər üçün səlayiyyətli şəxslər bir çox sahədə lazımı tədbirlər görüblər. 1500 mühafizəçinin olduğu kənddə 15 nəfərlik sivil müdafiə komandası, təcili yardım helikopterləri, 5 müxtəlif yerlərdə avtodayanacaq, tam təchizatlı həkimlər briqadası insanların keşiyində duracaq.

Şirincəyə mətbuatın marağı daha böyükdür

Hazırda kənddə turistdən daha çox jurnalist var. Şirincə bazarında və kənd meydanında turistlər qədər, hətta onlardan daha çox həm türk, həm də beynəlxalq mətbuatın əməkdaşları diqqət çəkirlər.

ABŞ-ın məşhur “Wall Street Journal” qəzetinin təmsilçisi Joe Parkinson bildirib ki, sabah üçün bir çox insanın buraya gəlməsini gözləyir. Özləri də buradan xəbər hazırlamaq üçün Şirincəyə gəliblər.

Şirincədə otellərdə boş yerlər yoxdur…

Baş çəkdiyimiz otellərin bir çoxunda boş yerlərin olmadığını dedilər. “Markiz” adlı pansionata baş çəkdik. Resepşndakı xanımdan boş otağın olmasını soruşduqda, bildirdi ki, otel bütünlüklə tutulub və heç boş otaq yoxdur. Eləcə də digər otellərdə boş otaqlarının olmadığını bildirdilər.

"Qiyamət menyüsü”..

“Hitit” Otelin rəhbəri Nuri Türküz artıq bütün hazırlıqların görüldüyünü qeyd edib. “Artemis restoran və şərab evi”ndə isə isə “qiyamət menyüsü”nün hazırlandığını bildirdilər. Menyüdə “Qiyamət şorbası”, “Atəş plovu”, “Cənnət kababı”, “Qadağan olunmuş alma şirnisi” və “Son dəmlənmiş çay” vardı.

Kənd əhalisi isə bizimlə söhbətimiz zamanı bildirdilər ki, sabah pis ruhları qovmaq üçün ocaq qalacayacaqlar.
Şirincədə bir maraqlı xəbər də öyrəndik. Məlum oldu ki, Türkiyənin eks-prezidenti Turqut Özalın ailəsi də buradadır...

İzmir Qəzetçilər Cəmiyyəti
Türkcədən çevirdi Sevinc İltifatqızı