Kiyevdə etirazçılar öz avtomobilləri ilə Azadlıq Meydanına gedən yolu bağlayıblar. ANS PRESS-in "RİA Novosti"yə istinadən verdiyi məlumata görə, aksiya iştirakçıları meydanda cərgə ilə avtomobillərini saxlayaraq barrikadalar qurublar. Onlar həm də mitinqə toplaşan əhalini mümkün hücumlardan qorumaq məqsədi güdürlər.

Hazırda Kiyevdə temperatur sıfır dərəcədən də aşağıdır. Təşkilatçılar meydanda çadırlar quraraq nümayişçiləri qida, istilik və qızınmaq üçün lazım olan hər şeylə təmin ediblər.

Ukrayna hüquq-mühafizə orqanları kütləvi etiraz aksiyaları zamanı toqquşmalarda jurnalistlərin döyüləməsi ilə bağlı 26 faktın daxil olduğunu xəbər verirlər. Hər bir faktla bağlı cinayət işi açılıb. Bu barədə Ukrayna Daxili İşlər Nazirliyinin mətbuat xidmətinin rəhbəri Oleq Tatarov məlumat verib.
DİN-in məlumatına görə, artıq bu gündən jurnalistlərə üzərində press yazılmış jiletlər paylanıb.

Xatırladaq ki, Ukraynada etirazçılar hökumətin avrointeqrasiya proqramını dayandırmasına etiraz əlaməti olaraq noyabrın 21-dən aksiyalara başlayıblar. Aksiyalarda xeyli sayda xəsarət alanların olduğu, o cümlədən, 40-dan artıq jurnalistin yaralandığı xəbər verilir.


* * * *

Kiyevdə mitinqçilər prezidentin Bankovaya küçəsində yerləşən iqamətgahına bir neçə istiqamətdən yaxınlaşıblar.

APA-nın “RBK-Ukraina” saytına istinadən verdiyi məlumata görə, iqamətgaha aparan İnstitutskaya, Şelkoviçnaya küçələrini dolduran və nəqliyyatın hərəkətinin dayanmasına səbəb olan kütlə Lüteranskaya küçəsi istiqamətindən də iqamətgaha yaxınlaşıb. Mitinqçilərin sayı təxminən 50 min nəfərdir. Onların iqamətgahı qoruyan “Berkut” xüsusi təyinatlıları ilə arasında cəmi 50 metrlik məsafə var. Təxribatlara yol verməmək üçün fəallar kütlə ilə milislər arasında kordon yaradıblar.

“Batkivşina” fraksiyasının lideri Arseni Yasenyuk bildirib ki, prezident Viktor Yanukoviç hökuməti istefaya göndərərək növbədənkənar prezident və parlament seçkiləri elan edənə qədər prezident iqamətgahının qarşısında etiraz aksiyaları davam edəcək.


17:33

Ukrayna Ali Radasının hökuməti istefaya göndərmək barədə qərar layihəsini rədd etməsindən sonra Kiyevdə insanlar yenidən Müstəqillik Meydanına axışmağa başlayıb.

APA-nın “Censor.net” saytına istinadən verdiyi məlumata görə, meydanda qurulmuş səhnədə çıxış edən müxalifətçilər bütün Ukraynanın total şəkildə səfərbər olaraq Kiyevin baş meydanına gəlməsi haqda çağırışlar edirlər: “Burada bir neçə milyon insan toplanmalıdır”.

Müxalifət liderlərindən biri, millətçi “Svoboda” Birliyinin lideri Oleq Tyaqnibok hökumət binalarının mühasirəsini davam etdirəcəklərini açıqlayıb.

* * * *
Avropa Birliyi ilə Assosiasiya Razılaşması imzalamaqdan imtina etdiyi üçün prezident və hökumətin istefasını tələb edən müxalifət tərəfdarları yenidən meydanlara axışıb.

Müxalifət tərafdarlarının Kiyevdə keçirdiyi etiraz aksiyasından AzadlıqRadiosunun Ukrayna xidmətinin verdiyi canlı video yayımı təqdim edirik:

CANLI YAYIMI İZLƏMƏK ÜÇÜN BURAYA TIKLATIN
Live streaming video by Ustream