Avropa Komissiyasının rəhbəri Ursula fon der Lyayen Slovakiyanın Baş naziri Robert Fitsoya qarşı sui-qəsd cəhdini qətiyyətlə pisləyib.

Gundemxeber.az bildirir ki, bu barədə o, “X” hesabında müvafiq bəyanat paylaşıb.

“Mən Robert Fitsoya qarşı alçaq hücumu qəti şəkildə pisləyirəm. Bu cür zorakılıq aktlarına cəmiyyətimizdə yer yoxdur. Bu cür hərəkətlər ən dəyərli ümumi sərvətimiz olan demokratiyaya xələl gətirir. Düşüncələrimlə Baş nazir Fitso və onun ailəsinin yanındayam”, - deyə Ursula fon der Lyayen paylaşımda qeyd edib.