Əgər Rusiya Ukraynaya qarşı müharibədə məğlub olaraq dağılsa, o zaman bütün MDB ölkələri bu vəziyyətə düşəcək.

Gundemxeber.az xarici agentliklərə istinadən xəbər verir ki, bu barədə Belarus prezidenti Aleksandr Lukaşenko MDB ölkələrinin daxili işlər nazirləri Şurasının iclasının iştirakçıları ilə görüşdə bəyan edib.

Lukaşenko, həmçinin tədbir iştirakçılarını birliyə və əməkdaşlığa çağırıb.

O, Rusiyanın Ukraynaya qarşı müharibəsini xatırladıb və bu səbəbdən bəzi ölkələrin sanksiyalara məruz qalmamaq üçün “sovet dövründə yaranmış inkişaf tendensiyası”ndan uzaqlaşmağa çalışdığını deyib.

“Sabah bizimlə, dövlətlərimizlə nə baş verəcəyini və kömək üçün Rusiyaya müraciət edə biləcəyimizi heç kim bilmir”,-deyə Belarus lideri maraqlı cümlə işlədib.

Gundemxeber.az