Gundemxeber.az xəbər verir ki, Ukrayna Xarici İşlər Nazirliyinin sözçüsü bu barədə sosial şəbəkədə yazıb.

“Monqolustan təqsirləndirilən cinayətkarın ədalətdən qaçmasına icazə verdi və bununla da onun hərbi cinayətlərinə görə məsuliyyəti bölüşdü. Bu hadisənin Ulan-Bator üçün nəticələrinin olmasını təmin etmək üçün tərəfdaşlarla işləyəcəyik”, deyə Tixıy yazıb.

Qeyd edək ki, Putin sentyabrın 2-də Monqolustana iki günlük rəsmi səfərə gedib. Səfər SSRİ və Monqolustanın Xalxin Qol çayında yapon militaristləri üzərində qələbəsinin 85-ci ildönümü ilə əlaqədar baş tutub.

Rusiya prezidentinin Ulan-Batora səfərindən əvvəl Ukrayna Xarici İşlər Nazirliyi Monqolustanı məcburi beynəlxalq həbs orderini icra etməyə və Putini Haaqa Beynəlxalq Cinayət Məhkəməsinə təhvil verməyə çağırıb.

ICC nümayəndəsi Fadi əl-Abdallah da xatırladıb ki, Monqolustanın məhkəmə ilə əməkdaşlıq öhdəliyi var və ölkə onun qərarlarına əməl etməlidir.

“Əməkdaşlıq olmadıqda, BCM hakimləri müvafiq qərar qəbul edə və müvafiq olaraq İştirakçı Dövlətlərin Assambleyasına məlumat verə bilərlər. Bundan sonra məclis məqsədəuyğun hesab etdiyi hər hansı tədbiri görməlidir”, deyə Əl-Abdallah bildirib.

Bloomberg-in məlumatına görə, Monqolustan hakimiyyəti Putinin ölkəyə səfəri zamanı həbs olunmayacağına zəmanət verib. Rusiya prezidentinin mətbuat katibi Dmitri Peskov bildirib ki, Kreml qarşıdakı səfərdən narahat deyil, çünki səfərin bütün aspektləri diqqətlə hazırlanıb.

Xatırladaq ki, Monqolustan 2002-ci ildə BCM-nin fəaliyyət göstərdiyi Roma Əsasnaməsini ratifikasiya edib və 2023-cü ildə ölkənin nümayəndəsi iki il müddətinə BCC-nin hakimi seçilib.

Gundemxeber.az