Yaxud Gəncədənin "Park bulvar"ındakı obyekt kimin üçün tikilib?

Uzun müddətdir ki, Gəncə şəhərində Gəncə çayının sahilində yeni salınan “Park bulvar”da möhtəşəm bir binanın kimə məxsus olduğu yerli sakinlərin maraq dairəsindədir. Heç kim bu suala aydınlıq gətirmək istəmir. Bununla bağlı binanın inşası zamanı tikinti işlərinə nəzarəti həyata keçirən, hazırda Gəncə şəhər 8 saylı Ərazi Maliyyə Hesablaşma Mərkəzinin müdiri vəzifəsində çalışan, bölgədə təhsil nazirliyinin qeyri -rəsmi "kuratoru" vəzifəsini icra edən Vusal Məmmədova bir müddət öncə müraciət etdik. O, bizə cavabında bildirdi ki, binanın ona heç bir aidiyyatı yoxdu.

İqdisadiyyatla bağlı hər hansı təhsili olmasa da, Təhsil Nazirliyi tərəfindən 8 saylı Ərazi Maliyyə Hesablaşma Mərkəzinə rəis vəzifəsinə oturdulan Vüsal Məmmədov doğrudanmı nazirin sinif yoldaşıdır?



Bu barədə araşdırmalarımız zamanı maraqlı məlumatlar əldə etdik. Əldə etdiyimiz məlumata görə, Vüsal Məmmədovun gəncəlilərə özünü "Təhsil Naziri Mikayıl Cabbarovun sinif yoldaşıyam" kimi sırımaası əslində onun uydurmasıdır. O, nazirlə sinif yoldaşı olmayıb.

Gəncə 8 saylı Ərazi Maliyyə Hesablaşma Mərkəzinin rəisi Vüsal Məmmədov 1976-cı ildə Gəncədə anadan olub və 1№-li orta məktəbi bitirib. Onun oxuduğu orta məktəb illəri ilə nazir Mikayıl Cabbarovun orta təhsil illəri uyğun gəlmir. Araşdırmmazı zamanı o da məlum oldu ki, Vüsal Məmmədov Mikayıl Cabbarovun deyil, nazirlikdə əsas söz sahiblərindən biri olan, yenicə birinci müavin təyin olunan Mətin Eynullayevin necə deyərələr, “çətiri altındadır”. Bölgədə təhsillə bağlı bütün məsələlərə kuratorluq etmək kimi səlahiyyətə sahib olan Vüsal Məmmədovun deyəsən, əli möhkəm ətəkdə olduğu üçün təhsil hesabına ortaya hesablar çıxara bilir.

Qayıdaq sözügedən bina ilə bağlı mətləbə. Vüsal Məmmədov bir müddət öncə Gəncə şəhərində müəyyən dairələrdə həmin binanın Təhsil naziri Mikayıl Cabbarova məxsus olduğunu açıqlayıb. Necə deyərlər, “yerin də qulağı var”. Bu məlumat artıq mediaya da sızıb. Yarım hazır vəziyyətdə olan bina ilə bağlı Vüsal Məmmədovla əlaqə saxladıqda onun cavabı bu oldu: “Mənim o qədər pulum hardadır ki, həmin obyekti tikdirim”.



Məlumat üçün bildiririk ki, adı gedən tikintinin inşasında küllü miqdarda yeyinti olduğundan şübhələnən obyekt sahibi Bakıdan ekspert yollmalı olur. Ekspertin gəlişindən narahat olan "inşaatçı" mənimsədiyi vəsaitdən obyekt sahibinin xəbər tutacağından qorxduğundan əlləri əsir və belə bir fikrə düşür. O, nəhayət "inşaatçı" eksperti dilə tutmağı bacarır. Bu dünyada etibarın pul qarşısında acizliyindən ekspert onu yoxlamaya göndərənin qarşısına "müsbət" rəylə geri qayıdır. Yəni Gəncədən cibi dolu Bakıya qayıdan ekspert sonda "tam inşa olunub başa çatmayan binada hər hansı bir yeyintiyə yol verilməyib " deyərək obyekt sahibinə saxta raport verir.

Etibarlı mənbələrdən əldə etdiyimiz məlumatlarda o da deyilir ki, hazırda tam bir il olar ki, adı gedən quruma rəhbərlik edən V.Məmmədov burada saysız maliyyə maxinasiyalarına yol versə də, nədənsə Təhsil Nazirliyi hələ susur. Yenicə fəaliyyət göstərməsinə baxmayaraq, görünməmiş rəzalətlər yaşanan bu qurumda korrupsiya , dövlət əmlakını talama halalrı baş alıb gedir. Kağız üzərində “təmir olunan” orta məktəblər, məktəbdən kənar idman müəssisələrindəki açınacaqlı hallar və s.

Onu da qeyd edək ki, 8 saylı Ərazi Maliyyə Hesablaşma Mərkəzindən təmin olunan Kəlbəcər, Goranboy, Göygöl, Samux rayonlarına qış mövsümü ilə əlaqədar olaraq odun və dizel yanacağı üçün xərc ayrılıb. Lakin kağız üzərində. Həmin sənəd imzalansa da, sözügedən vəsait təyinatı üzrə xərclənməyib və mərkəz rəhbərliyi tərəfindən mənimsənilib. Adı gedən qurumun rəhbərliyinin qanuna zidd olan əməlləri sayəsində olunan Kəlbəcər, Goranboy, Göygöl, Samux rayonlarına qış fəslini yola vermək üçün orta məktəblərdə elektrik qızdırıcılarından istifadə olunur ki, bu da dövlət büdcəsinə vurulan növbəti zərbədir.

Mehriban Əzizqızı