Bu günlərdə “Gundemxeber.az” saytının redaksiyasına Şamaxı rayonu Göylər kənd sakini İsmayılov Aqil Əbilcan oğlu tərəfindən şikayət ərizəsi daxil olub.

Şikayətçi yazmış olduğu ərizəsində qeyd edir ki, "Azərbaycana xarici ölkələrdən baytarlıq dərmanlarını gətirib onun satışı ilə məşğul olan “Railvet” firmasının saxtakarlığı nəticəsində respublikamızda kütləvi şəkildə mal-qara tələf olub. Zərərçəkən şəxslərdən biri də mənəm ki, “25 may 2018-ci il tarixdə “Railvet” firmasının gətirdiyi və iribuynuzlu heyvanların gənə parazitlərinə qarşı istifadə olunan “Diactdol” dərmanını alıb lazımi miqdarda su ilə qarşıdırdıqdan sonra, mal-qaramı təlimata uyğun çimizdirdim. Bundan bir-neçə dəqiqə sonra isə, 13 baş iribuynuzlu inəklərim tələf oldu. Bunun “Diactdol” adlı dərmandan istifadə etdiyim və nəticəsi ilə əlaqədar baş verdiyi mənə izah olundu. Sonradan öyrəndim ki, “Ralivet” firmasının gətirdiyi “Diactdol” adlı dərmandan iki il ərzində Azərbaycanda yüzlərlə iribuynuzlu heyvanlar tələf olub. Bu dərmanı İoradiya ölkəsindən Azərbaycana gətirən “Ralivet” firmasının Rauf adlı sahibi, əslində həmin vaxtlarda cinayət məsuliyyətinə cəlb olunmalı idi.

Çünki, adı çəkilən dərmanın istifadəsinin təhlükəli olması faktı tam subuta yetirilir. Belə ki, “Ralivet” firamsının Azərbaycana gətirdiyi “Diactdol” adlı dəmandan 2017-ci ilin noyabr ayında istifadə etmiş Ucar rayonunun Bərgüşad kənd sakininə məxsus 16 baş iribuynuzlu mal-qara da tələf olmuşdu. Həmin şəxsin şikayətindən sonra “Ralivet” firmasının 3 əməkdaşının və “Diactdol” dərmanını istehsal edən İordaniya ölkəsinin Bassan adlı vətəndaşının iştirakı ilə, Ucar rayonunun Bərgüşad kəndində eksperiment aparıldı.
Həyata keçirilən eksperimentlə bağlı video-çəklişlə aparıldı, o halda ki, “Diactdol” dərmanı ilə yuyulan inək iştirakçı nümayəndələrin gözləri qarşısında tələf oldu. Bununla da öz maddi maraqlarına görə kütləvi mal-qara tələfatına yol verən “Railvet” firmasının sahibi Rauf adlı şəxsin bəhanələrinə son qoyuldu və o, belə bir səbəblər üzündən də ifşa olundu. Hansı ki, həmin eksperimentə qədər “Diactdol” dəmanından baş vermiş təlafatın peraparatdan düzgün istifadə edilməməsi bəhanələri gətirilirdi. Video-çəkliş həyata keçirilərkən orada Ucar rayon baytarlıq xidmətinin əməkdaşı və digər vəzifəli şəxslər də iştirak edirlər. Bunların hamısı video-çəkilşdə var".

“Gündəmxəbər”ə daxil olan müraciətdə o da qeyd olunur ki, “Ucar rayonunun Bərgüşad kəndində həyata keçirilən video-çəklişinə şəxsən baxmışam və yaxın günlərdə onu ictimayiyyətə təqdim edəcəyəm”. Bu da tam hüquqi əsas verir ki, kənd təsərrüfatına, ümumilikdə Azərbaycan xalqına kütləvi ziyanlar vuran “Railvet” firmasının Rauf adlı sahibi cinayət məsuliyyətinə cəlb olunaraq həbsə atılsın. Hətta, cinayət əməlini gizlətməyə çalışan “Railvet” firmasının sahibi Rauf adlı şəxs, video-çəklişin yayımlanmaması üçün Ucar rayonu, Bərgüşad kənd sakininə dəymiş ziyanı yerindəcə ödəmişdi. Bunlar video-çəklişdə var. “Railvet” firmasının gətirdiyi “Diactdol” dərmanından tələf olmuş 13 baş mal-qaranın dəyərinin mənə ödənilməsi üçün, mərkəzi orqanlara etdiyim şikayətlərə hələ də müsbət cavab əldə edə bilməmişəm.
Çünki, “Railvet” firmasının sahibi Rauf öz əməllərini ört-basdır etmək üçün, dərmandan düzgün şəkildə istifadə etmədiyimizi bəhanə gətirir. Ancaq yuxarıda qeyd etdiyim kimi “Railvet” firmasının Azərbaycana gətirdiyi “Diactdol” dərmanının mal-qara üçün ciddi təhlükə olması video faktla da subut olunub. Həmçinin onu da qeyd edim ki, “Railvet” firmasının xarici ölkələrdən Azərbaycana gətirdiyi baytarlıq dəmanlarının istifadə təlimatları tərcümə olunmur. Mən bunları mətbuat vasitəsi ilə Azərbaycan Respublikasının prezidenti cənab İlham Əliyevə, Baş Prokuror cənab Zakir Qaralova, Kənd Təsərrüfatı Naziri cənab İnam Kərimova, Qida Təhlükəsizliyi Agentliyinin sədri cənab Qoşqar Təhməzliyə və Dövlət Baytarlıq Xidmətinin rəisi Bayandur Rzayevə və digər vəzifə sahblərinə çatdıraraq onu bildirmək istəyirəm ki, kənd təsərrüfatına, fermerlərə kütləvi ziyanlar vuran “Railvet” firmasının sahibi Rauf adlı şəxs haqqında cinayət işi başlanılsın və onunla bağlı lazımi tədbirlər də görülsün.
Qarşı tərəfin də mövqeyini dinləyə bilərik.

GundemXeber.Az