Faktdir ki, “Azərsu” Açıq Səhmdar Cəmiyyəti (ASC) ölkəmiz üçün olduqca strateji əhəmiyyət kəsb edən dövlət qurumlarından biri hesab olunur və hər il bu sahədə yeni-yeni layihə proqramlarıın icra olunmasına imza atılır, müxtəlif məqsədlər üçün dövlət büdcədən külli miqdarda vəsaitlər ayrılır. Başlıca məqsəd, məhz qarşıya qoyulan layihə proqramlarının icraasını həyata keçirmək, bu yöndə əmələ gələn hər cür problemləri aradan qaldırmaq olur. O halda sual oluna bilər ki, görəsən bu sahədə rəhbər vəzifə sahibi olan şəxsləri sakinlərin taleyi, yoxsa daha çox gəlir əldə etmək düşündürür? Media üzərindən apardığımız araşdırmaların, həyata keçirdiyimiz ümumi müşahidələrin, çoxsaylı sakinlərin danışdıqlarının və s. nəticəsi olaraq, bu gün bizdə belə bir qənaət formalaşıb ki, hazırda ASC-nin rəhbər şəxsləri bir çox ərazilərdə olduğu kimi, Abşeron rayonunun Masazır qəsəbəsində yaşayan sakinlərə qarşı da “yezidlik etmək”lə məşğul olurlar. Çünki redaksiyamıza daxil olan məlumatlara görə, adı çəkilən bu qurumda rəhbər vəzifə sahibi olanlar bu gün Masazır sakinlərini su ilə “imtahana çəkirlər”. Yəni, ilin-günün belə bir vaxtlarında vəzifə sahibi olanlarda rəhm, insaf və s. olmadığından, onlar hər cür rəzalətə qol qoyurlar. Bir anlığa diqqət yetirək ki, dövlət büdcəsindən ayrılan vəsaitlər hesabına 2019-cu ildə Masazır qəsəbə sakinlərinə su-boru xətti çəkilir və bir müddət sakinlərin bu yöndə təminatları ödənilir, zaman keçdikcə isə yeni-yeni problemlər əmələ gəlir. Hal-hazırda bu yaşayış məntəqəsində ümumi vəziyyətin dözülməz həddə çatdığı bildirilir. Yəni, sakinlərə yalnız gecə saat 2 radələrində su verilsə də, saat 4 radələrində verilən su tam şəkildə dayandırılır. Bu da o deməkdir ki, sakinlərin su ilə təmin olunmasına cavabdehlik daşıyan şəxslər, məhz hazırda həmin şəxsləri hissiyatları ilə oynayırlar. Məsələnin düşündürücü tərəfi odur ki, sakinlər mövcud problemlə bağlı dəfələrlə “Azərsu” Açıq Səhmdar Cəmiyyətinin “Qaynar xətt”inə zəng etsələr də, hələ ki, heç bir nəticə yoxdur. Ramin müəllimin rəhbərlik etdiyi Abşeron Sukanal idarəsində baş mühəndis vəzifəsini daşıyan şəxsin verdiyi cavab isə, sanki hər kəsi şoka salır. Çünki, o, “Bilirsiniz, vaxtilə su anbarı kiçik tikilib, indi sakinlərin sayı artıb, suyu çatdırmaq olmur” deməsi, birbaşa Abşeron Sukanal idarəsini sığortalamaqdan başqa bir şey deyil.

Unutmaq olmaz ki, sabiq sədr Qorxmaz Hüseynovun özünə müavin təyin etdiyi şəxslər, o cümlədən Teyyub Cabbarov, Etibar Məmmədov, Köçəri Həsənov və digərləri hazırda elə bir idarəçiliklərini həyata keçirirlər ki, bu da sonda sakinlərin dövlət-hakimiyyət orqanlarından narazı düşmələri ilə nəticələnir. Yəni, adı çəkilən bu şəxslər ASC-də söz sahibi olsalar da, onlar 16 fevral 2011-ci il tarixdən “Azərsu”ASC-nə rəhbərlik edən Qorxmaz Cavanşir oğlu Hüseynovun görəvdən salınmasını heç cür həzm edə bilmirlər. Bundan əlavə, adı çəkilən bu şəxslər zaman-zaman qohum-əqrəbalarını ASC-nin aşağı strukturlarında işlə təmin ediblər, hətta onlara “arxa-dayaq” da olublar. Deməli, sabiq sədr Qorxmaz Hüseynovun rəhbərlik etdiyi bu dövlət qurumu zaman-zaman bir şəbəkəyə çevrilmiş və adı çəkilən şəxslərin təsir dairəsinə də salınmışdır. Belə bir səbəblər üzündən də, bu gün həmin şəxslər sakinləri dövlət qurumlarından narazı salmaqla məşğul olurlar. Hətta, belə bir ehtimal da var ki, “Azərsu”ASC-ni təsir dairələrinə salmış bu şəxslər gələcək sədrə “quyu qazacaqlar”. Çünki, bugünkü təxribatlar gələcək planların həyata keçirilməsinə tam əsas verir.

Diqqəti daha çox cəlb edən halın varlığı isə, hal-hazırda ASC-də mətbuat xidmətinə rəhbərlik edən Anar Cəbrayıllının köhnə təfəkkürdən xilas ola bilməməsidir. Yəni, bu şəxs yenə də Qorxmaz Hüseynovun dönəmindəki idarəçilikdən bərk-bərk yapışmaqda davam edir. Bir anlığa diqqət yetirək ki, Anar Cəbrayıllı “Azərsu”ya aid problemlə bağlı zəng edən şəxs(lər)in telefon zənglərinə cavab vermir. Bu da o deməkdir ki, kiçik oliqarxa çevrilən bu şəxs vaxtilə Qorxmaz Hüseynovun tətbiq etdiyi idarəçiliyi yaşatmaqdadır. Onu da yada salaq ki, xeyli müddət bundan öncə Bakı şəhəri, Binəqədi rayonu, Ziya Bünyadov prospekti-7 ünvanında yerin alt hissəsindən su çıxmasını və boş ərazi ilə axıb getməsini bildirən şəxsi, məhz Anar Cəbrayıllı ən alçaq ifadələrlə aşağılamışdı. Yəni, o, həmin şəxsi “Ay sənin kişiliyinə tüpürüm, sənin üzünə tüpürüm, sizin kimi jurnalistləri “dama soxmaq” lazımdır. Siz nə qədər abırsız-həyasız adamlarsınız, hər şeydən ötəri Qormaz müəllimi niyə narahat edirsən” deyir. Təqribən üç dəqiqədən sonra Anar Cəbrayıllı bir daha həmin şəxsə “Siz nə qədər abırsız-həyasız adamlarsınız, mən dura-dura niyə Qorxmaz müəllimə zəng etmisən” deyir və telefonunu qapadır. Bəli, belə bir ifadələri işlədən Anar Cəbrayıllı olur və bu gün də o, ASC-də mətbuat xidmətinə rəhbərlik etməkdədir. Kiçik bir xatırlamanı yada salaq ki, bugünkü vəzifəsinə təyin olunmazdan öncə o, toy şənliklərinə getməzdən əvvəl, vaxtilə “Azəriqaz”ın mətbuat xidmətinə rəhbərlik etmiş Kamandar Eyvazlının “qəbulunda olurdu” və az sonra yolunu davam etdirirdi. Yəni, bunların hər biri unudulmaz bir tarixdir.

Deməli, adı çəkilən bu şəxslərin ambisiyaları, hikkələri o qədər böyükdür ki, hətta onlar ölkə rəhbəri cənab İlham Əliyevin verdiyi tapşırıqları bu gün də saya salmırlar və atdığı addımları ilə iç üzlərini açıb ortaya qoyurlar. O halda sual oluna bilər ki, görəsən yayın belə bir isti günlərində düşüncəsi və amalı Masazır sakinlərinə “qənim kəsilməyə” köklənmiş bu şəxslərin “Azərsu” ASC-nin rəhbərliyində vəzifə daşımalarına mənəvi haqları çatırmı? Odur ki, bir qədər həm düşünək, götür-qoy edək, həm də gəldiyimiz qənaəti birbirimizlə bölüşməyə də çalışaq.

Mövzu diqqətimizdədir.

Gundemxeber.Az