Dəmirbank Sumqayıt filialı hər ay 3 milyon kredit verir, bununla filial 540000 manat yəni satışın 18 faizi qədər verginin büdcədən yayınmasına köməklik edir

Dəmirbank rəhbərliyi bankin istehlak kreditlərinin verilməsini bankın prioriteti olmasını dəfələrlə bildirmişdir. Bəziləri elə başa düşür ki, bank əhalinin sosial problemlərinin həllində köməklik edir. Amma bankın bu kreditləri necə verdiyini dərindən öyrəndikdən sonra aydın olur ki, burada bankın rəhbərliyini ancaq çox pul qazanmaq maraqlandırır.
DəmirBankın Sumqayıt filialının istehlak kreditləri verilməsi üzrə maxinasiyaları barədə redaksiyamıza ilginc məlumatlar daxil olub. Bizə danışan mənbənin sözlərinə görə Bank məişət avadanlığı satışı həyata keçirən mağaza ilə əməkdaşlıq müqaviləsi bağlayır. Bu malları alan vətəndaşları kreditləşdirir. Bu kreditləri vətəndaşa verməyərək ,birbaşa mağazanın hesabına ödəmədən mağazanın sahibkarına nagd formada ödəyir. Bununla sahibkarın vergi dövriyyəsini gizlətməyə şərait yaradır. Əgər pul mağazanın kassasına ödənilərdisə sahibkar müvafiq vergi ödəməli olacaqdır. Amma bank tərəfindən kreditin nağd formada sahibkara ödənidikdə mal anbardan birbaşa müştərinin evinə aparılır. mağazada isə satış uçota alınmır. Bu da sahibkarın külli miqdarda vergidən yayınmasına səbəb olur.
Dəmirbank Sumqayıt filialı hər ay 3 milyon kredit verir. Bununla filial 540000 manat yəni satışın 18 faizi qədər verginin büdcədən yayınmasına köməklik edir. Filial müdiri Nahid Agayev isə bunun müqabilində 5 faiz "şapk! a" alır . Dəfələrlə Nahid Agayev haqqında mətbuatda məqalələr getsə də "krışa"sının möhkəm olması səbəbində o arxayıncasına dövlət büdcəsinə ziyan vurmağı davam etdirir.
Bu Dəmirbankın bir filialında baş verəndir. Dəmirbankın 30 filialının olmasını, belə maxinasiyaların da hər filialda təkrarlandığını nəzərə alsaq bank tərəfindən ayda 10-15 milyon manat vergidən yayınmaya şərait yaradılması müəyyən olunur. Bu da DəmirBankın dövlətimizin büdcəsinə vurduğu zərərdir. Dəfələrlə bu barədə materiallar mətbuatda dərc olunsada vergi,hüquq mühafizə orqanları bu hallara heç bir reaksiya vermirlər.

Vüsal