Vidadi İsgəndərli: “Ziya Məmmədov Potu kəndində sahəsi 100 hektar olan villa, göl və helikopter meydanı tikdirib”
Suallara hüquq müdafiəçisi Vidadi İsgəndərli cavab verib. Qeyd edək ki, hüquq müdafiəçisi dekabrın 15-də azadlığa çıxıb. O, Göyçay rayonunda həbs edilib və məhkəmə tərəfindən 15 sutka cəzaya məhkum olunmuşdu. Həmin vaxt rəsmi qurumlar hüquq müdafiəçisinin içkili vəziyyətdə olduğunu, polis əməkdaşlarına müqavimət göstərdiyi haqda açıqlama yayıblar. Müsahibimiz isə bütün bunları təkzib edərək həbs olunma əməliyyatından, ona qarşı olan düşmən münasibətdən danışıb.
- Vidadi bəy, hər zaman azadlıqdda. Siz son dəfə doğma rayonunuzda həbs edilmisiniz. Bu sizin neçənci həbsinizdir və həbsə səbəb nə idi?
- Qeyd etmək istəyirəm ki, mən huquq mudafiəçisi kimi fəaliyyətə 2008-ci ildən başlamışam. Fəaliyyətimlə əlaqədər ötən müddət ərzində şəxsən baş prokuror Zakir Qaralov, daxili işlər naziri Ramil Usubov tərəfindən qəbul edilmişəm və “məni gələcəkdə nə gözləyir”in anonsunu o vaxt onlardan almışam. 2009-cu ildə şəxsən Qaralov tərəfindən “GEN” MMC işi ilə əlaqədər əvvəl xəbardarlıq aldım, sonra barəmdə cinayət işi başlandı. 2010-cu ildə DİN-nin iddaaları əsasında ayrı-ayrılıqda Cinayət Məcəlləsinin (CM)147 .2 maddəsi ilə 3 cinayət işi başlandı. 2010-cu il parlament seçkiləri zamanı İTV -də 4 dəqiqəlik çıxışımdan sonra şəxsən baş prokuror Zakir Qaralov tərəfindən CM-nin 159.2 və 160. 2 maddələri ilə cinayət işi başlandı. Lakin hansısa səbəbdən o vaxt həbs edilmədim. 2 aprel mitinqində 10 sutka, 17 aprel 2011-ci ildə 15 sutka cəza aldım. Mayın 2-də, ad günümdə 6 ay müddətində Qaralov tərəfindən başlanmış cinayət işi üzrə həbs edildim və 3 il azadlıqdan məhrum edildim. Azadlıqa çıxandan sonra bu ilin aprel ayının 17-də polisə müqavimət ittihamı ilə 15 sutka və nəhayət 30 noyabrda Göycayda polisə tabe olmamaq ittihamı ilə 15 sutka cəza aldım.
Qeyd etmək istəyirəm ki, sonuncu həbsim digərlərindən bir az fərqlənir.Yəqin hamıya məlumdur ki, Akif Muradverdiyev hansı səbəbdən həbs olunub. Hakimiyyət orqanlarının böyük imkanları var. Dövlətin - MTN , DİN, Xüsusi İdarə və s kimi qurumları var. Bu gün Facebook sosial şəbəkəsi bu qurumlar tərəfindən izlənilir. Son 4-5 ayda facebokda statuslar yazırdım.Və hakimiyyət orqanlarına , Ziya Məmmədovun həm iqtisadi, həm də dövləti cinayətlərindən yazırdım. Təxminən 3 ay qabaq məni Göyçay Rolis İdarəsinin rəisi İslam Hümbətov dəvət etdi. Rəis məndən ,Ziya və Mənsur Məmmədovdan statuslar yazmamaqı xahiş etdi. Mən dolayısi ilə başa saldım ki, onlar xəyanətkardılar, tək millətin yox, həm də dövlətin. Sonra mənə facebookda hədələr gəldi. Ziya Məmmədovdan və Mənsurdan əl cəkməsəm mənə terror belə edəcəklərini yazdılar. Mən bu sənədləri toplayıb İslam Humbətova verdim, həmçinin milli təhlükəsizlik naziri Eldar Mahmudova müraciət etdim.Bir-iki aydan sonra məni polisə dəvət edib dedilər ki, yazanı tapmlşıq, o bir də yazmayacaq, ancaq siz də Məmmədovlardan əl cəkin. Dolayısi ilə başa saldılar ki, Ziya Məmmədovun MTN -də, Baş prokurorluqda, DİN-də çoxlu sayda qohumları var , gücümüz catmır. Bizə təzyiq göstərirlər ki, səni həbs edək. Dolayısı ilə dedilər ki, Qubanın icra başçısı Mübariz Ağayevi döydürdülər, gücləri böyükdü əl cək. Mən statusları yazmaqda davam edirdim .Noyabrın 30-da bir qrup Göyçay sakinləri məni Göyçaya dəvət etdi. Onlar Mənsur Məmmədovdan şikayət edirdilər ki, Göyçayı xarabaya qoyub, Su İdarəsi vasitəsi ilə əhalidən mənimsədiyi 400 min manatı vəsaiti yıqır. Noyabrın 30-da səhər saatlarında facebook.com sosial şəbəkəsinə daxil olarkən 9 yaşlı övladımın şəkilini qoyub mənə söyüş yazmışdılar. Əsəblərim dözmədi. Mən Göycay Polis İdarəsinə zəng vurdum (bununla bağlı audio yazi var, youtuba qoyulacaq – V.İsgəndərli ) məni ora dəvət etdilər. Rəis müavini Əflatun Məmmədov qəbul etdi.Mənə dedi ki, biz sənə demişdik, gücümüz catmır. Dedim mənimki catar. Cıxmaq istəyəndə dedi təxribatdı getmə. Ancaq gec idi. Mən şəhərin mərkəzində xalqa müraciət etdim ,onları vətənə xəyanət də, korrupsiyada ittiham etdim. Söyüşlərinə adekvat cavab verdim. Polisə dəvət etdilər, getdim. Orada hər şey hazır idi. Həbs etmək istədilər. Mənə dedilər ki, İlham Əliyev həbsimə razılıq verməyib. Sonra polis Məmmədovların təsiri altında mətbuata dezinformasiya yaydı ki, güya sərxoş olub dövlət əleyhinə çıxışlar etmişəm, ayrı-ayrı məmurları təhqir etmişəm. Səhəri günü Məmmədovlara məxsus KİV-də məni xalqın gözündən salmaq üçün bu dezinformasiyanı yaydılar. Üstəlik Ziya Məmmədov rəhbərliyə çatdırıb ki, güya hansısa məmurun sifarişini yerinə yetirirəm. Mən indi İlham Əliyevə müraciət edirəm . Xahiş edirəm, seçki dövründə Ziya Məmmədovun Abbas Abbasovla, Vaqif Hüseynovla əlaqədə olub -olmamasını yoxlatsin. Bəlkə doğrudan da emisar Ziya Məmmədovun adını dezinformasiya kimi yayıb? Hər halda bir xahişim var. Göyçayı Ziya Məmmədovun işğalından azad edin. İsmayıllı hadisələri orada da yetişib. Məmmədovlar və marağı olan digər korrupsionerlər məni gözdən salmaq istəyir. Yanvarın əvvəli Avropa Birliyinin, ATƏT-in, BMT-nin və ABŞ-ın ölkəmizdəki səfirliyinin nümayəndələri ilə görüşlərim olacaq. Facebook sosial şəbəkəsində isə statuslar yazmaqda davam edirəm . Ziya Məmmədov və digər korrupsionerlər bilməlidir ki, əqidə satılmır, girov götürülmür, dondurulmur.
- Nəyə görə, doğulduğunuz rayonun icra strukturları sizə qarşı aqressiv münasibət bəsləyir?
- Göyçayın icra başçısı Mənsur Məmmədov Ziya Məmmədovun xalası oğludu. Son 6 ildə mən mətbuatda onların törətdikləri cinayətləri ictimailəşdirmişəm. Bir necəsini sadalaya bilərəm: Ziya Məmmədov Göycayın Potu kəndində dəyəri millionlarla ölcülən, sahəsi 100 hektar olan villa, içərisində göl və helikopter meydanı tikdirib, rayonda 20 -ə yaxın obyektləri, asfalt zavodu, 3 balıqçılıq gölü, Heydər Əliyev fondunun himayəsində olan internat məktəbinin 1 hektar ərazisini şəxsi vətəndaşlara satıb, Mənsur Məmmədov da Potuda özünə villa tikdirib, Qaraməryam kəndindəki Cinqıl dağlarını ipək yoluna xam malı istifadə edib güya xaricdən gətirilir kimi sənədləşdirir , nəticədə milyardlarla dövlət əmlakı mənimsənilir. 2009 ildə Mənsur Məmmdov dələduzluq edərək əhalidən güya qaz cəkilməsi adiyla milyonlar mənimsəyib, su problemi zamanı ayrılmış maliyyə də mənimsənilib. Son zamanlar əhalidən pul yığır ki, güya Ramiz Mehdiyevin xanımı Hüngütlü kəndində göllə əhatə edilmiş villa tikdirib. Hətta sənədləri göstərir. Göycayın kücələri 4 ildir qazılıb və ayrılmış millionlar mənimsənilib. 4 ildir ki, əhali toz udur. Heydər Əliyev müzeyi tikiləndə də xalqdan pul yığırdı.Mən sizə onların törətdikləri cinayətlərin bəlkə də 5 %-ni sadaladım. İndi mən İlham Əliyevə müraciət edirəm. Bu faktları araşdırsın. Məmmədovlar həbsimi elə qələmə verdilər ki, güya mən dövləti təhqir etmişəm. Bu dövləti biz qurmuşuq. Bu dövlətdən, müstəqilliyimizdən ötrü mən özümü qurban vetməyə hazıram.
- Sizi həbs edəndən sonra qeyri-rəsmi hansısa tələblər və ya şərtlər səsləndirildimi?
- Məndən bir şey tələb olunub. Ziya və Mənsur Məmmədovların törətdikləri cinayətlərdən danışmayım, yazmayım. Məlumat ücün bildirirəm ki, mənim ABŞ dövlətinə də müraciətim olub. Necə olur ki, biz burada korrupsiya ilə mübarizə aparırıq, amma siz Ziya Məmmədovun mənimsədiyi milyardlarla pulu onun oğlu Anar Məmmədov ABŞ-da konqresmenlərə xərcləyir.
- Harada saxlanıldınız, saxlanma şəraiti necə idi?
- Mən şəkərli diabetdən, təziqdən əziyyət cəkirəm. Məni dörd nəfərlik kamerada yeddi nəfər alkaqol aludəçisi ilə bir yerdə saxlayıblar. Bir dəfə də olsun gəzinti olmayıb. Hər gün təcili yardım gəlirdi .Qardaşım Elçin Behbudova, Ombudsmana məlumat verdi. Hec kim gəlmədi. Mənə dərman perapartları verilmədi. Dekabrın 15-də azad olunub Bakiya qayıtdım. Hazırda şəkərim düşmür, hər gün təzyiqimin normallaşması üçün iynə vururlar. Bir sözlə, ciddi nəzarət altındayam. Həkimlər bir müddət fəaliyətimi dayandımağı tövsiyə edirlər.
- Bundan sonrakı fəaliyyətinizi necə qurmaq niyyətindəsiniz?
- Fəaliyətim necə olubsa, elə də davam edəcək. Vicdan məhbuslarını müdafiə edəcəm. Mənə elə gəlir ki, Anar Məmmədlinin həbsi məni xilas etdi. Anar vicdan məhbusudu.Siyasi məhbusların sayının artması Azərbaycana hec də yaxşı nəsə vəd etmir. Mən dövlət başcısına müraciət edirəm.Cənab İlham Əliyev, sizin də,mənim də,korrupsionerlərin də, müxalifətin də, xalqın da balaları və özləri xoşbəxt olmaq ücün Demokratik ,Hüquqi dövlət qurulmalıdı. Odur ki, üzünüzü korrupsionerlərə deyil, xalqa çevirin. Ən böyük dəstək xalqın dəstəyidir. Bir Səfər Əbiyevi ,Fizuli Ələkbərovu işdən azad etməklə məsələ həll olunmur. Milli birlik əldə etmək lazimdı.Cıxış yolu budur.
- Ukraynaya getmək haqda anons eləmisiniz. Bu haqda bir qədər məlumat verə bilərsinizmi?
- Həbsdən azad olunandan bir gün sonra Xarkovda yaşayan Azərbaycan diasporası, ukraynalı tələbə yoldaşlarım, məni Kiyevə dəvət etdilər. Həkimlərlə məsləhətləşdim. Dedilər, təyyarəyə minmək olmaz, insult kecirə bilərsiniz. Bir az müalicəyə ehtiyac var. Əgər düzəlməsəm qatarla gedəcəm. Ukrayna mənim ikinci vətənimdir .Mən ali təhsilimi Xarkovda almışam və uzun illər də orada işləmişəm.
- Müxalifətlə münasibətiniz hansı səviyyədədir?
- Mənim Əli Kərimli ilə münasibətim korlanıb ,ancaq Müsavat başqanı İsa bəylə münasibətim əla olub. Mən həbs edilən kimi İsa Qəmbər evimə zəng edib dəstəyini ifadə edib. Başqa sözlə, Ukraynadan gəlib evlərinə catmamış mənə zəng vurub. Mirmahmud Mirəlioğlu və bütün demokratik düşərgədə olanlarla dostam. Mən azadlıqa cıxan gün yüzlərlə cəbhəçi və müsavatçı məni təbrik edib.
- Bəs, bundan sonra həbs olunmaq ehtimalı varmı?
- Hər an həbs oluna bilərəm. Hətta Ukrainada da. Amma bundan heç çəkinmirəm də. Millətimə xoşbəxtlik, demokratiya arzulayıram.
HÜSEYN ABBASOĞLU